سەرۆك بارزانی نیوەڕۆخوانێکی بۆ سەرۆك وەزیرانی عێراق ساز كرد
![سەرۆك بارزانی نیوەڕۆخوانێکی بۆ سەرۆك وەزیرانی عێراق ساز كرد](https://gulanmedia.com/public/images/posts/20230314205822_original_27.jpg )
ڕۆژی سێشەممە 14ی ئاداری 2023 لە سەلاحەددین سەرۆك مەسعود بارزانی نیوەڕۆخوانێکی بۆ بەڕێز محەمەد شیاع سوودانی و شاندی یاوەری ساز كرد.
هەر لەو نیوەڕۆخوانەدا بیروڕا لەبارەی بارودۆخی سیاسیی عێراق و هەنگاوەكانی حكوومەتی عێراق و جێبەجێكردنی ڕێككەوتننامەكان ئاڵوگۆڕ كران و جەختیش لە چارەسەركردنی گرفتەكان لەسەر بنەمای دەستوور كرایەوە.
هەروەها سەرۆك بارزانی پاڵپشتیی خۆی بۆ حكوومەتی عێراقی دووپات كردەوە و هیواشی خواست ئیرادەی هەموو لایەنە سیاسییەكان بە ئاراستەی چارەسەركردنی كێشەكان و سەقامگیری بێت.
![سەرۆك بارزانی نیوەڕۆخوانێکی بۆ سەرۆك وەزیرانی عێراق ساز كرد](https://gulanmedia.com/public/images/posts/20230314205955_big_770x552_2.jpg )