بوومەلەرزەیەک بە گوڕی 5.9 پلە لە نیپاڵ ڕوویدا
بومەلەرزەیەک بە گوڕی 5.9 پلە بە پێوەری ڕێختەر ناوچەی باجورا لە سودورپاشچیم پرادێشی نیپاڵی هەژاند و بەپێی خەمڵاندنە سەرەتاییەکان کەسێک گیانی لەدەستداوە و کەسێکیش بریندار بووە.
لەمبارەیەوە پوسکار خادکا، بەرپرسی ناوچەی باجورا ڕایگەیاند: بوومەلەرزەکە ئێوارەی ئەمڕۆ لە 400 کیلۆمەتری باکووری ڕۆژئاوای کاتماندۆی پایتەختی نیپاڵ ڕوویداوە و تیمەکانی فریاگوزاری و هێزە ئەمنییەکان ڕەوانەی ناوچەی بوومەلەرزەلێدراوەكە کراون.
گوتیشی: دوای بوومەلەرزەکە بەشێک لە کۆگاکان داڕماون و وێران بوون.
زۆرجار بوومەلەرزە لە ویلایەتی سودورپاشچیم پرادێش لە نیپاڵ ڕوودەدات کە بەرزترین شاخەکانی جیهانە لێیە.
گوڵان: سەردار خەلیل
