لە ساڵی ٢٠٢٢دا ٦٦ ڕۆژنامەنووس لە سەرانسەری جیهاندا کوژراون
ئەمساڵ ٦٦ ڕۆژنامەنووس و کارمەندی ڕۆژنامەوانی لە كاتی ئەرکدا کوژراون.
پەیمانگای ڕۆژنامەوانی نێودەوڵەتی (IPI) لە بەیاننامەیەکدا ڕایگەیاند، لەمساڵدا ٦٦ ڕۆژنامەنووس و کارمەندی ڕۆژنامەگەری لە کاتی ڕاپەڕاندنی ئەرکەکانیاندا کوژراون.
ئەم پەیمانگایە ژمارەی ئەو ڕۆژنامەنووسانەی ڕاگەیاند کە ساڵی ڕابردوو کوژراون بە ٤٥ کەس و ئاماژەی بە بەشداریی ئەو حاڵەتانەی کرد کە لە مەکسیک و ئۆکرانیا تۆمارکراون لە زیادبوونی ژمارەی مردنی ڕۆژنامەنووسان.
بەپێی ئەو بەیاننامەیەی سەرەوە، لە ساڵی ٢٠٢٢دا ١٤ ڕۆژنامەنووس لە مەکسیک و ٩ ڕۆژنامەنووس لە ئۆکرانیا کوژراون.
گوڵان: سەردار خەلیل
