ئۆکرانیا ئازادکردنی 64 سەربازی ئۆکرانیایی و هاووڵاتییەکی ئەمەریکایی وەک بەشێک لە ئاڵوگۆڕی زیندانییەکانی نێوان کیێڤ و مۆسکۆ ڕاگەیاند.

ئەندری یەرماک، بەرپرسی نووسینگەی سەرۆک کۆماری ئۆکرانیا لە تویتێکدا ڕایگەیاند، لە چوارچێوەی ئاڵوگۆڕی دیلەکانی نێوان کیێڤ و مۆسکۆ، ٦٤ سەربازی ئۆکراینی و هاووڵاتییەکی ئەمریکی ئازادکراون.

گوتیشی: ئەم سەربازە ئۆکرانیایانە کە لە ناوچەی دۆنێتسک و لوهانسک شەڕیان دەکرد دەگەڕێنەوە سەر ماڵ و حاڵی خۆیان.

هەروەها مۆركز سویدی، هاووڵاتییەکی ئەمریکی کە هاوکاری خەڵکی ئۆکرانیای دەكرد، ئازاد کرا.

هەروەها تەرمی 4 ئۆکراینی گوازرایەوە بۆ کیێڤ.

لە ئاڵوگۆڕیی دیلەكان لە نێوان ڕووسیا و ئۆکرانیا لە ٦ی کانوونی دووەمدا، ٦٠ سەربازی ئۆکراینی و ٦٠ سەربازی ڕووسی ئازاد کران.

 

 

گوڵان: سەردار خەلیل