هەمیشە سەرۆک بارزانی فێری کردین کەی، چۆن لە کوێ بڕیارە دروستەکانمان دەدەین، وە چۆن ئێمە خاوەن ئیرادە و بڕیاری خۆمان بین، بۆیە بە شانازیەوە هەردەم بڕیارەکانم لە ژێر ڕێنمایی سەرۆک دەبێ.

لەم کاتە هەستیارەی جیهان بەگشتی و ناوچەکە بەتایبەتی تێیدا گوزەر دەکات، سەرۆک بارزانی لە پێناو نوێ بوونەوە و بەهێزتربوونی پارتی، بڕیاری کۆنگرەی 14 داوە، ئەمەش بۆ حیکمەتی جەنابی سەرۆک دەگەڕێتەوە.

خاوبوونەوەی کارەکانی سەرکردایەتی و کادیرانی پارتی و شەهید بوون و گیان لەستدانی بەشێک لەسەرکردە و کادیرەکانی باڵای پارتی و قەیرانی دارایی و سیاسی و کێشەکانی ناوچەکە ئەمانە بەشێک بوون لە لەخاو بوونی کارەکانی سەرکردایەتی پارتی لە ماوەی ڕابردوو ،بۆیە پارتی بۆ نوێبوونەوە و خێرابوون لەکار و کردەوەکانی وخۆ گونجادن لەگەڵ گۆرانکارییەکانی سەردەمەکە ئەم کۆنگرە دەکات.

پارتی لە ڕێگای ئەم کۆنگرە بەشێکی زۆر لە کێشەکانی چارەسەر دەکات، بۆیە پارتی بڕیاری نوێبوونەوە و هەندێک گۆرانکاری و پەسندکردنی پەیرو و پروگرامێکی نوێ و گونجاو لەگەڵ سەردەمەکە داوە.

لە ئیستاوە پیرۆزبایی سەرکەوتنی کۆنگرە لە سەرۆک بارزانی، مەرجع و سەرۆکمان و سەرجەم خانەوادەی شەهیدان و پێشمەرگە قارەمانەکان و ئەندام و لایەنگری پارتی و ئەندامان و سەرپەرشتیارانی کۆنگرەی چواردەمینی پارتی دەکەم.

لەکۆتایی هیوای سەرکەوتن بۆ کاندیدانی سەرکردایەتی لە کۆنگرەی چواردەی پارتی دەخوازم، هیودارم دەنگمان لەکۆنگرە بۆ ئەو کەسانە بێت، کە باشترینن و گونجاوترینن بۆ ئێستای پارتی و ڕێبازی بارزانی، ئەوانەی زۆر باش دەتوانن خزمەتی خاک و خەڵک و نیشتیمان و ئەندام و لایەنگرانی پارتی بکەن، جێبەجێکاری ڕێبازی بارزانی بن لەسەر بنەمای خواپەرستی و خاکویستی و مرۆڤدۆستی و لەژێر ڕێنمایی تەواوی مەرجعی کورد سەرۆک بارزانی کارەکانیان بکەن، لە چەند ڕۆژی داهاتوو هەموومان چاو و دڵ و گیانمان بۆ سەرخستنی کۆنگرەی چواردەمی پارتی لە دهۆکی ڕەنگین دەبێت.

د. حمدی شنگالی
1ی11ی2022