زیانی لافاوەكانی پاکستان دەگاتە دەیان ملیار دۆلار
![زیانی لافاوەكانی پاکستان دەگاتە دەیان ملیار دۆلار](https://gulanmedia.com/public/images/posts/20220906210559_original_37.jpg )
شارەزایان، زیانی لافاو لە پاکستان بە ١٠ بۆ ١٢.٥ ملیار دۆلار مەزەندە دەکەن.
بەپێی میدیاکانی پاکستان، بەهۆی لافاوەوە لە ١١٨ ناوچەی جیاجیای وڵاتەکەدا، ٣٧%ی خەڵکەکە كەوتوونەتە ژێرهێڵی هەژاری.
شارەزایان دەڵێن: ئەم لافاوە 10-12.5 ملیار دۆلار زیانی بە پاکستان گەیاندوە و لەسەدا 5 ی دیمەنی گەشەکردنی ئەو وڵاتە بۆ ئەمساڵ بۆ 2 لەسەد کەم دەکاتەوە.
لەلایەکی دیکەوە پێشبینی دەکرێت ڕێژەی گەشەكردن لەکەرتی کشتوکاڵدا بۆ 1.8% دابەزێت و ڕێژەی گەشەکردن لە کەرتی خزمەتگوزاری بۆ 2% کەم ببێتەوە.
پێویستە ئاماژە بەوە بکرێت کە ڕێکخراوی نیشتمانی بەڕێوەبردنی کارەساتەکانی پاکستان ئەمڕۆ ڕایگەیاند: بارانبارینی وەرزی گەرما کە لە ١٤ی حوزەیران دەستی پێکردووە هێشتا بەردەوامە و ژمارەی قوربانیانی لافاوەکە بۆ ١٢٦٥ کەس زیادیکردووە.
گوڵان: سەردار خەلیل