چین هاوردەکردنی میوەی لە تایوانەوە ڕاگرت
چین دوای سەردانەکەی سەرۆکی ئەنجومەنی نوێنەرانی ئەمریکا بۆ تایوان هاوردەکردنی میوە و دوو جۆری ماسی لەم دوورگەیە راگرت.
دوای سەردانەکەی نانسی پیلۆسی سەرۆکی ئەنجومەنی نوێنەرانی ئەمریکا بۆ تایوان، بەڕێوبەرایەتی گشتی گومرگی چین ڕایگەیاند: کە هاوردەکردنی میوەی وەک ترێ و لیمۆ و پرتەقاڵ و هەروەها ماسیی کلک سپی و ماسی خاڵدار لەو ناوچەیەدا ڕاگرتووە.
بڕیارەکەی پەکین دەکرێت وەک سزایەكی ئابووری لێکبدرێتەوە.
لەو بەیاننامەیەدا جەخت لەوە کراوەتەوە کە بڕیاری قەدەغەکردنەکە لەسەر بنەمای ڕێنمایی پەیوەندیدار و مەرجەکانی سەلامەتی خۆراک دراوە، هەروەها داوایان لە سەرجەم یەکە گومرگییەکان کردووە کە پابەندبن بەم بڕیارە.
لە بەیاننامەکەدا ئاماژە بە گەشتەکەی پیلۆسی و ئەگەری سزا ئابوورییەکانی پەیوەست بەوەوە نەکراوە.
گوڵان: سەردار خەلیل
