ئایا ........ ! کوردستان ل ژێر مەترسیێ دایە

ئایا ........ ! کوردستان ل ژێر مەترسیێ دایە

ژ دەستپێکا ئاڤاکرنا دەولەتا عیراقێ ھەتا نوکە د بەردەوامیا دەستێن وەلاتێن دەرڤە لسەر ھەیە و ھەر ئێک ژی بخۆ بەرژەوەندیێن خۆ بکاردئینن , دەولەتێن جیران وەکی ئیران و تورکیا دگەل ھەبوونا وەلاتێن بیانی یێن ئەوروپا ژی وەک ئەمریکا و روسیا و ڤانە بەردەوام ھەتا نوکە کارتێکرنا خۆ یا ئەرینێ ھەبوویە لسەر ئاڤاکرنا عیراقێ چ روویێ ئاڤاکرنێ یان ژی د ھەر وارەکی دیتر دا بیت . و تنێ وانا نەمانا حکومرانیا باش و ئارام نەڤێت ل دەڤەرێ چونکی ھەردەما ئارامی و خۆشی پەیدا بوو ل دەڤەرێ ئەو دھێتە گوتن کۆ جھێ وانا نەما ، و لەوما وان دڤێت ھەردەم وەلات لبن دەستی بیت و سەرکردێن عیراقی یێن ھاتی ھەتا نوکە وەک پێدڤی ژی روول نەبوویە ل دەڤەری کۆ بکارن شوێن و جھیێ خۆ بکەن د بیاڤی کارگێریکا پاراستی و جوان ل دەڤەرێ نیشان بدەن و ئەڤە ھەنێ بوویە سەدەم ژی کۆ رۆژ ب رۆژ وەلات بەرەڤ قویناغێن خرابتر بچیت و بکەڤیتە داڤێن بەردەوامیێن قەیران و شەر و نەبوونا حکوومەتەکا ساخلەم بھێتە ئاڤاکرن .
دگەل ھاتنا ھند سەرکردێن عەرەبان ژ سەدەمێ وان عیراق بوویە مەیدانا شەری دناڤبەرا واندا ئەو شەری خۆ د ناڤا ئاخا ئیراقی دکەن ، ئەڤە ژی دبیتە ئەگەرێ ھندی کۆ ئارامی و خۆشی و ئاڤەدانی نەمینیت ل عیراقی و ناھێلن ژی حکومەتەکا دروست بھێتە ئاڤاکرن .
ئەگەر روناھیەکێ بخینە سەر دادگەھا ئیرفێ ئەو ژی ل پەرێ خۆ یێ دەستووری و یاسایێ تێپەری و بوویە لبن سێبەرا سازیەکا وەلاتێ ئیرانێ و ئەو ژی بەردەوام بزاڤ دکەت وان ماف و دەستکەڤتی کوردا ب بنپێکرنادەستوورێ نوی یێ ئیراقێ ژ دەستی کوردا بینتە دەرێ .
دیسان ژی کۆ دەولەتا تورکیا ژی دخازیت ب دەست دا گرتنا ئاخا کوردستانێ ب ھەجەتا ھەبوونا بارگا و ھەبوونا پەکەکەی ل سەر سنۆرێن ھەرێما کوردستانێ ئەڤە بوویە دەلیفە و سەدەم کۆ بەردەوام و یا رژد بیت لسەر وان بۆردومانێن خۆ تنێ بۆ دەستڤەئینان ئاخا پیرۆزا ھەرێما کوردستانێ , و ئەڤە ژی دبیتە ئەگەرێ ھندی کۆ تورکیا دڤێت کوردا نەجار بکەت بۆ ھندی کۆ بکەڤیتە لبن دەستھەلات و دەستوورێ ئیراقی یێ وان بڤێت .
ژ بەر ھندی دھێتە نیشان دان کۆ بێ دوو دلی و روون و ئاشکرا ژی کۆ لێرە دا ھەڤبەستەک و پەیوەندیەکا ڤەشارتی یان رون لسەر کوردا ھەیە، دناڤبەرا ھەردوو لایان ،وەک ئیران و تورکیا دا , بۆ ھندێ کۆ وان دەستکەفت ومافێن رەواییئًن گەلێ کورد ھەتا نوکە ھەی و بزاڤا دکەت یێن زێدەتر ب دەستخۆڤە بینیت بھێنە ژناڤبرن و لاوازکرن ، و بەردەوام کار بۆ ھندی ئەو بکەن کۆ پارچەبوونا ناڤمالا کوردی ژی زەمینەکا گونجای نەبیت و بەرەڤ داگیرکەرێن کوردستانێ دروست .
ژبەرھندێ ئەگەر سحکەیە وان کار و بزاڤێن ھەردوو لایان بەردەوام وانا کار بۆ ژناڤبرنا وان دەستکەفت و مافێن کوردانە فێجا ھەر روویەکی و جھەکێ بیت چ باشوور ، رۆژئاڤا .... بیت .
دبیت وەسا بھێتە ھزرکرن یان دیتن ژی کۆ دبیت ئالۆزیێن مەزن ھەبن دناڤبەرا وان وەلات ژ روویی نافخۆیی یان ژی دەرڤە ، لێ یا خۆیا یە کۆ لسەر مەسەلێن کوردا ئەو ھەڤگرتی بن و ئێک دەنگ و ھەلویستن ژی بۆ ھندی رەوشا ئالیێن سیایی یێن کوردستانێ ھەر ئێک ژ بۆ بەرژەوەندیێن خۆ بکار بینیت دا تنێ ئەو گرێن ھەنێ یێن ئالۆز ئالۆزتربن و ببن ھەڤرکیێن ئێک لسەر مەسەلێن نەتەوەیی ژبلی یێن خۆ یێن حزبی ، و لەوما دڤێت کوردا ژی لسەر ڤان بووییەران و بزاڤ کارێن دەستێن دەرەکی ئاگەە ھەبیت زێدەتر دا نەکەڤنە داڤێن چ دوژمنێن دیتر و دڤێت کوردا ھێزەکا ئێکگرتی ھەبیت بۆ دەرڤە نیشان بدەن ، و دیسان ژی کوردا ھەبوونا دیلۆماسیەکا ئێکگرتی یا نیشتمانی ھەبیت و دڤێت ھەر تاکەکەسە ک ژی بزانیت نھا ئەم د قوناغەکا مەترسی داینە بۆ ژناڤبرنا ڤان دەستکەفێن کوردا و چونکی ئەو دبینن کۆ کوردستان نھا د ئارامیێ دا دژیت ئەو ڤێ چەندی ب باش نابینن بەردەوام کار و ھەول بزاڤان دکەت بۆ تێکدانا درەوون و ئارامیا دەڤەرێ ، لێ وان چو پێنگاڤەک پێ دروست نابیت بەلێ دڤێت لێرە دا ژی کوردان ھەلویستەک جدی ھەبیت بۆ بەرگریا زێدەتر لسەر مان و ئێکگرتیا خوە .

Top