پەیامی پیرۆزبایی سەرۆك بارزانی بۆ سكرتێری بزووتنەوەی دیموكراتی ئاشووری

پەیامی پیرۆزبایی سەرۆك بارزانی بۆ سكرتێری بزووتنەوەی دیموكراتی ئاشووری


بەڕێز یونادم یوسف كەنا سكرتێری بزووتنەوەی دیموكراتی ئاشووری
بەبۆنەی بەستنی نۆیەمین كۆنگرەی حزبەكەتان و هەڵبژاردنەوەی بەڕێزتان وەك سكرتێری بزووتنەوەی دیموكراتی ئاشووری و، هەروەها چل و سێیەمین ساڵیادی دامەزراندنی بزووتنەوەی دیموكراتی ئاشووری گەرمترین پیرۆزبایی خۆم ئاراستەی بەڕێزتان و سەركردایەتی و ئەندام و لایەنگرانی بزووتنەوەی دیموكراتی ئاشووری دەكەم و هیوای سەركەوتنتان بۆ دەخوازین.
هیوادارم بڕیار و ڕاسپاردەكانی كۆنگرەكەتان خزمەتی زیاتری تەبایی و فرەلایەنی كوردستان بكات و برایەتی و پێكەوەژیانی نێوان پێكهاتە ئایینی و نەتەوەییەكانی كوردستان قووڵتر ببێتەوە. حزبەكەتانیش لە ئەرك و چالاكییەكانیدا پێشكەوتنی زیاتر بەخۆیەوە ببینێت.
مسعود بارزانی
١٢ـی نیسانی ٢٠٢٢

Top