مووشەکەکان بەرەبەیانی ئەمڕۆ یەکشەممە 13-3-2022 ئاراستەی کونسوڵخانەی ئەمریکا لەهەولێر کران و زیانی ماددی بە دەوروبەری کونسوڵخانەکە گەیاندووە.

دوای رووداوەکە، مستەفا کازمی، سەرۆک وەزیرانی عێراق لە هەژماری تایبەتیی خۆی لە تۆڕی کۆمەڵایەتیی (تویتەر)، رایگەیاندووە: پەیوەندی بە مەسرور بارزانی، سەرۆکی حکوومەتی هەرێمی کوردستانەوە کردووە.

بەپێی زانیارییەکان، لە پەیوەندییە تەلەفۆنییەکەدا، مستەفا کازمی سەرکۆنەی هێرشە مووشەکییەکەی کردووە و رایگەیاندووە: هێرشەکە کە “خەڵکەکەی ترساندووە“، دەستدرێژییە بۆ سەر ئاسایشی ”گەلەکەمان“.

مستەفا کازمی هەروەها رایگەیاندووە: هێزە ئەمنییەکان لێکۆڵینەوە دەکەن رووبەڕووی هەر دەستدرێژییەک بۆ سەر شارەکان و سەلامەتیی هاووڵاتان دەبنەوە.