هاووڵاتییانی ئێران: گەورەترین کڕیاری خانوو لە تورکیا لە ساڵی 2021دا

هاووڵاتییانی ئێران: گەورەترین کڕیاری خانوو لە تورکیا لە ساڵی 2021دا

 

 

بەپێی ڕاگەیاندنی ئاماری تورکیا، ساڵی ڕابردوو (2021) هاووڵاتییانی ئێرانی بە  بەراورد لەگەڵ هاووڵاتییانی دیکەی غەیرە تورک. زۆرترین خانوویان لە وڵاتی دراوسێ کڕیوە.

بەپێی ئاماری ئەو ڕێكخراوە، هاووڵاتییانی ئێران لە ماوەی ساڵی ڕابردوودا کۆی گشتی 10 هەزار و 56 خانوویان لە تورکیا کڕیوە، ئەمەشیان کردووە بە ژمارە یەک لە کڕیاری موڵک لەو وڵاتە.

هاووڵاتییانی عێراق و ڕوسیا و ئەفغانستان و ئەڵمانیا لە دوای ئێرانەوە ساڵی ڕابردوو زۆرترین خانوویان لە تورکیا کڕیوە.

لە ڕاپۆرتەکەی مانگی ڕابردوو لەسەر فرۆشتنی خانوو لە تورکیا ، لە کڕیارە بیانییەكان  ئێرانییەکان لە لیستی پلە یەکەمدایە،

 لە مانگی کانوونی یەکەمی ساڵی ڕابردوو هاووڵاتییانی ئێران هەزار و 462 خانوویان لە وڵاتی دراوسێ کڕیوە.

نزیکەی سێ ساڵ لەمەوبەر حکومەتی تورکیا چەند یاسایەکی کۆچی گۆڕی کە ئاسانکاری بۆ هاووڵاتییانی بیانی کرد بۆ بەدەستهێنانی ڕەگەزنامەی توركیا ئەم بڕیارە بە ئامانجی ڕاکێشانی وەبەرهێنانی بیانی و دوای دابەزینی بەهای دراوی نەتەوەیی تورکیا دەركراوە.

پێش گۆڕینی ئەم یاسایانە، داواکارانی ڕەگەزنامەی تورکیا دەبوایە بەلایەنی کەمەوە بە یەک ملیۆن دۆلار خانوو بکڕن کە بەپێی یاسا نوێکان نرخەكەیان کەمکردۆتەوە بۆ چارەکێک واتە 250 هەزار دۆلار . 

جێبەجێکردنی ئەم پلانە لەلایەن هاووڵاتییانی ئێرانەوە پێشوازییەکی بەرفراوانی لێکرا، بەهۆی تێکچوونی بارودۆخی سیاسی و کۆمەڵایەتیی ئێران و دابەزینی بەهای ڕیاڵ و دابەزینی نرخی خانوو لەو وڵاتەدا.

نزیکەی دوو مانگ لەمەوبەر ئەلبۆرز حوسێنی ئەندامی لیژنەی مەدەنی ئەنجومەنی ئیسلامی ڕاگەیاند: كە بڕی 300 ملیۆن دۆلار لەلایەن هاووڵاتییانی ئێرانیەوە خەرجکراوە بۆ کڕینی موڵک لە وڵاتی دراوسێدا،

نیگەرانییەکان سەبارەت بە دەرچوونی سەرمایە لە ئێرانەوە، لە کاتێکدا دێت كە لیرەی تورکی لەم چەند مانگەی دواییدا بەرەو دابەزینە، پێدەچێت هانی هەندێک وەبەرهێنەری زیاتر بدات بۆ ڕۆیشتن.

لە ماوەی ساڵی ڕابردوودا لیرەی تورکی زیاتر لە نیوەی بەهای خۆی لە دەست دا بەهۆی سیاسەتی دارایی حکومەتی ئەو وڵاتە لە کەمکردنەوەی ڕێژەی بەرژەوەندی بانکەکان. Kurdish (Central) translation. 

زیادبوونی کڕینی خانوو لە تورکیا لەلایەن هاووڵاتییانی ئێرانەوە لە کاتێکدا نرخی خانوو لە ئێران لە ساڵانی ڕابردوودا گەشەیەکی بەرچاوی بەخۆوە بینیوە نوێترین ڕاپۆرتی بانکی ناوەندی ئێران لەسەر بازاڕی خانووبەرە لە تاران دەریدەخات کە لەمانگی کانونی یەکەمدا تێکڕای نرخی هەر مەترێکی دووجای خانوێك لە پایتەختدا گەیشتە 32 ملیۆن و 590 هەزار تمەن ئەم ژمارەیە لە سەدا 21 بەرزبۆتەوە بە بەراورد بە کانونی یەکەمی ساڵی ڕابردوو (2020) و ڕێژەی بەرزبونەوەی نرخەکە بە بەراورد بە مانگی تشرینی دووەم نزیکەی 1.8 لە سەد بووە.

 

 

 

 

گوڵان: سەردار خەلیل

 

 

 

 

 

Top