دوای نزیکەی 20 ڕۆژ لە ڕاگرتنی دەرکردنی ڤیزای ئێران بۆ هاووڵاتیانی ئەفغانستانی، کونسوڵخانەی ئێران لە پارێزگای هەرات لە ئەفغانستان، ڕایگەیاند: کە پرۆسەی ڤیزایان دەستپێکردووەتەوە.

لەدوای بڵاوبوونەوەی جۆرێكی نوێی ڤایرۆسی کرۆنا لە جیهاندا، ئێران بە بەشێوەیەكی كاتی ڤیزای بۆهاووڵاتیانی ئەفغانستانی ڕاگرت.

ڕۆژی دووشەممە 10ی کانوونی دووەم کونسوڵی ئێران لە هرات ڕایگەیاند: كە پڕۆسەی دەرکردنی ڤیزای گەشتیاری و چاوپێکەوتن لەگەڵ داواکارانی ڤیزا دەستی پێکردووە.

پرۆسەی ڤیزای ئێران لە کاتێکدا دەستی پێکردووە کە ئەمیرخان موتقی سەرۆکی باڵیۆزخانەی دەرەوەی تاڵیبان بەم دواییانە گەشتی بۆ تاران کردووە و لەگەڵ ژمارەیەک لە بەرپرسانی ئێرانی کۆبووەوە.

دوای ڕووخانی ئەفغانستان بە دەستی تاڵیبان، گەشتی هاووڵاتیانی ئەفغانستان لەو وڵاتە زیادی کرد و بەهۆی زۆری داواکردنی ڤیزا لە وڵاتانی دراوسێوە زۆر قورس بوو.

بەپێی ڕاپۆرتەکان لە بازاڕە ڕەشەکاندا نرخی ڤیزاکانی نێوان ئێران و پاکستان بۆ نزیکەی 1000 دۆلار بەرزبۆتەوە .

ئێستا دوای پێنج مانگ لە گەڕانەوەی تاڵیبان بەهۆی بڵاوبوونەوەی هەژاری و برسێتی و گرفتەکانی دیكە کە بەهۆی هاتنی تاڵیبانەوە دروست بووە هێشتا هاووڵاتیانی ئەفغانستانی بە دوای ڕێگایەکدا دەگەڕێن بۆ دەرچوون لەو وڵاتە و بازاڕی ڤیزا بۆ هەردوو وڵات زۆر گەرم بووە.  

 

 

گوڵان: سەردار خەلیل