دوو برای ئەفغانستانی بەتۆمەتی کوشتنی خوشکەکەیان لە شاری بەرلینی ئەڵمانیا دەستگیر کران، براکان پێنج مانگ پێش ئێستا خوشکەکەیان کوشتووە بە هۆی هەبوونی ژیانێکی ڕۆژئاوایی.  

میدیاکانی ئەڵمانیا ڕایانگەیاندووە: کە ئەو دوو كەسە ئەفغانییە پێنج مانگ لەمەوبەر خوشکەکەیان کوشتووە، بە تاوانی کوشتن لە ژێر چاودێریدا بوون.

 تاوانباران كە تەمەنیان 24 ساڵ و 22 ساڵە، خوشکە گەورەکەیان کوشتووە، کە دایکی دوو منداڵە، بە پێشێلکردنی نەریتی ئەفغانی.

لێکۆڵەرەوانی ئەڵمانی دەڵێن:  5 مانگ پێش ئێستا ئەوان خوشکەکەیان بردووە بۆ شوێنێکی دوور و لەو شوێنە کوشوویانە، پاشان بە جانتایەکی گەورە تەرمەکەی هێنرایە ویلایەتی باڤاریا و بە خاك دەسپێردرێت.

هەروەها ڤیدیۆی گواستنەوەی تەرمی قوربانیەکە بە ئۆنلاین بڵاو کراوەتەوە کە براکان تەرمی خوشکەکەیان دەگوازنەوە .

پۆلیسی ئەڵمانیا لە بەیاننامەیەكدا ڕایگەیاندبوو: کە ئەو دوو برایە زۆر کاریان کردووە بۆ بەڕێوەبردنی شێوازی ژیانی خوشکەکەیان و فشاریان لەسەر کردووە ، ئەو دوو برایە لە ٤ی ئابی ئەمساڵەوە لە ژێر چاودێریدان  و خێزانەکەیان چەند ساڵێک پێش ئێستا لە ئەفغانستانەوە هاتوون بۆ ئەڵمانیا، ژنە قوربانییەکە كەدایکی دوو منداڵی بچوك بوو لە مێردە ئەفغانییەکەی جیاببووەوە.

 

 

 

 

گوڵان: سەردار خەلیل