میدیاکانی ناوخۆی ئێران راپۆرتی تۆمارکردنی جیهانیی جۆرێکی نوێی ماسییان بە ناوی یەکێک لە ناودارانی تۆپی پێی ئێران بە ناوی عەلی دایی بڵاوکردەوە.

توێژینەوەی هەشت ساڵەی توێژەرانی ئێرانی و ئەڵمانی لەسەر ئاوی کانی دیجلە و فورات لە وڵاتانی ئێران، تورکیا، عێراق و سوریا بووەتە هۆی دۆزینەوەی جۆرێکی نوێی ماسی، کە ئەنجامەکانی لە گۆڤاری Zootaxa بڵاوکراونەتەوە.

بە گوێرەی زانیارییەکانی ئیسنا، سەید حامد موسەوی سابت، ئەندامی فاکەڵتی بەشی ماسی و فاکەڵتی سامانە سروشتییەکان، لە زانکۆی گیلان و سەرۆکی ئەم توێژینەوەیە، کە پێشتر بە هاوکاريی توێژەرانی ئەڵمانی و ئێرانی بوونی ئاوەڕۆیەکی گەورەی ئاوی ژێرزەوی  بە عەلی دایی گوتی: بە لەبەرچاوگرتنی دابەشکردنی ئەو ماسییانە لە ڕووبارەكانی پارێزگاکانی ڕۆژئاوا و باشووری ڕۆژئاوای وڵات ، ناوی زانستی جۆرێک لەو ماسییانە کە لە ڕووباری سێمەرە دەژی دەگەڕێتەوە بۆ چالاکیی مرۆیی و نیشتمانپەروەرانەی تۆپی پێ و ڕاهێنەری ناوداری وڵاتەکەمان " عەلی دایی ".

هەروەها یورگ فریهۆف، یەکێک لە توێژەرانی ئەڵمانی لە توێژینەوەکەدا، ئاماژەی بە دۆزینەوەی چەند جۆری تازەی ماسی وەك  "ماسی پشیلە" ماسی زۆڵخۆر "ماسی بەرد تراش " کرد.

ناوی زانستی جۆرێک لەو ماسییانە ( گلیپتۆتۆراکس )ـە ناوی جۆرەها لە خێزانی پشیلە ماسییە.

ناونانی دۆزینەوەی نوێ لە زانستەکانی ژیان بە ناودانانی  ناوداران و گەورەکان دیاردەیەکی سەیر نییە.  لە ڕابردوودا ماسی ڕەسەن لە ئێران بە ناوی گەورەكانەوە كراوە، وەک حافز (ماسی ڕووبار) و سەعدی (ماسی ڕەش) پەیوەست بووە.

لە نێوان یاریزانانی تۆپی پێش، لە ساڵی 2019 مێروولەیەکی زەحمەتکێش بە ناوی  ئەستێرەی میسری محەممەد سەلاحەوە ناوزەدا کرا.

سەید حامد گوتیشی: تا ئێستا عەلی دایی هیچ کاردانەوەیەکی نەبووە بەرامبەر دەست پێشخەرییەکەی دەستەی توێژینەوەی نێودەوڵەتی.

 

 

گوڵان: سەردار خەلیل