لە دوو رۆژی رابردوودا لە چوارچێوەی سێكتەری تەندروستیدا دەزگای خێرخوازی بارزانی بە هاوكاریی رێکخراوی( IEH)ی ئەڵمانی كاروانێكی دیكەی هاوكاریی پزیشكی كە پێكهاتبوو لە دەرمان و پێداویستی پزیشكی گەیاندە نەخۆشخانەكانی رۆژئاوای كوردستان.
سەبارەت بەو هاوكارییەوە بەرپرسی ئۆفیسی شەنگالی دەزگای خێرخوازی بارزانی رایگەیاند: بە هاوكاری لەگەڵ ڕێکخراوی (IEH)ی ئەڵمانی دەرمان و كەلوپەل و پێداویستی پزیشكیمان رەوانەی شارەكانی رۆژئاوای كوردستان كرد و بەردەوامیش دەبین لە گەیاندنی هاوكارییەكانمان بۆ دانیشتوانی رۆژئاوای كوردستان و ئەو كەلوپەلە پزیشكییانەی لەم كاروانەدا پێشكەشی نەخۆشخانەكانی رۆژئاوای كوردستان کراون نرخەكەیان دەخەملێندرێت بە (542) هەزار دۆلاری ئەمریكی.