ئێواره‌ي دوێنێ 29-2 له‌شارى هه‌ولێر د.به‌رهه‌م ساڵح پێشوازيكرد له‌ موراد ئۆزچه‌ليك جێگرى وه‌زيرى ده‌ره‌وه‌ى توركيا بۆ كاروبارى په‌يوه‌نديه‌كان و ئاسايش.

له‌وديداره‌دا كه‌ كونسڵى گشتى توركيا له‌ هه‌ولێر ئاماده‌ى بوو گفتوگۆكرا سه‌باره‌ت به‌بارودۆخى سياسى عيراق و هه‌رێمى كوردستان و روداوو گۆڕانكارييه‌كانى ناوچه‌كه‌و ده‌وروبه‌ر.

له‌به‌شێكى تري ديداره‌كه‌دا د.به‌رهه‌م ساڵح و موراد ئۆزچه‌ليك ته‌ئكيديان له‌سه‌ر په‌ره‌پێدانى په‌يوه‌ندييه‌كانى نێوان هه‌رێمى كوردستان و توركياو زياتر به‌هێزكردنى ئه‌وپه‌يوه‌نديانه‌ كرده‌وه‌ به‌جۆرێك كه‌ به‌رژه‌وه‌نديه‌ باڵاكانى هه‌ردوولاى تيا پارێزراو بێت و هێمنى و سه‌قامگيرى و ئاسايشى ناوچه‌كه‌ش بپارێزێ