ئه‌مرۆ (33) ساڵ تێپه‌ڕ ده‌بێت به‌سه‌ر كۆچى دوایى رێبه‌رى بزاڤى رزگارى خوازى نه‌ته‌وه‌یى گه‌لى كورد بارزانى نه‌مر ، ئامانج له‌ یادكردنه‌وه‌ى باوكى رووحى نه‌ته‌وه‌یمان (مسته‌فا بارزانى ) ته‌نیا گه‌ڕانه‌وه‌ نییه‌ بۆ ئه‌و تێكۆشان و خه‌باته‌ پڕ به‌خششه‌ى كه‌ بارزانى رۆڵى سه‌رۆك و سه‌ركرده‌ى تیا بینیوه‌ ، به‌ڵكو دووباره‌ وه‌بیر هێنانه‌وه‌ى ئه‌و سه‌ركرده‌ كاریزمایه‌یه‌ كه‌ له‌ رێبه‌رى كردنى گه‌وره‌ترین شۆرشى بزاڤى رزگارى خوازى گه‌لى كوردا رۆڵى كاراو به‌رهه‌مدارى گێڕاوه‌ ، به‌و سیفات و ڕه‌فتاره‌ جیاكارییانه‌ى كه‌ له‌ كه‌سایه‌تى و سه‌ركردایه‌تى كردنى شۆرش هه‌ى بووه‌ .

بارزانى نه‌مر توانى له‌ ژیان و خه‌باتیدا ببێته‌ رابه‌ر و ناسنامه‌ و سونبولى نه‌ته‌وه‌ییمان كه‌ تاژیان به‌رده‌وام بێت نه‌وه‌ دواى نه‌وه‌ شانازى به‌و سه‌ركرده‌و و رێبه‌ره‌ ئازادیخوازه‌ ده‌كات ، كه‌ رۆژگارێك بارزانى ڕووبه‌رووى دوژمنانى گه‌لى كورد وه‌ستایه‌وه‌ و شۆرشى به‌رپا كرد كه‌ ئه‌و سه‌رده‌م و له‌و كاته‌یا كه‌سێك نه‌ى ده‌توانى باسى ناسنامه‌ى نیشتیمانى و نه‌ته‌وه‌یى خۆى بكات .

(بارزانى نه‌مر ) ژیان و ته‌مه‌نى خۆى له‌ پێناو گه‌ل و نیشتیمانه‌كه‌ى به‌خت كرد هه‌وه‌ك له‌ ووته‌یه‌كدا ده‌ڵێ ( تا دواین قه‌تره‌ خوێن به‌رگرى له‌ میلله‌ته‌كه‌م ده‌كه‌م ) له‌م یاده‌دا با ریزه‌كانى ناوخۆیى گه‌لى كوردستان یه‌كخه‌ینه‌وه‌ له‌ پێناو به‌دى هێنانى ئاوات و ئامانجه‌كانى گه‌له‌كه‌مان كه‌ بارزانى ته‌واوى ژیانى خۆى بۆكرده‌ قوربانى ، هه‌روه‌ك ده‌سكه‌وته‌كانى ئه‌مرۆ به‌رى ره‌نج و خه‌باتى بێ ووچانى بارزانى نه‌مرو شه‌هیدانى كوردستانه‌ .

هه‌زاران هه‌زار سڵاو بۆ گیانى پاكى باوكى رووحى نه‌ته‌وه‌ییمان بارزانى نه‌مر و كاكه‌ ئیدریسى هه‌میشه‌ زیندوو .

ئه‌نجوومه‌نى سه‌ركردایه‌تى پارێزگاى هه‌ولێرى
پارتى دیموكراتى كوردستان