نه‌وزاد هادى له‌گه‌ل به‌رپرسانى وه‌زاره‌تى ده‌ره‌وه‌ى ئه‌مریكا كۆده‌بێته‌وه
له درێژه‌ى سه‌ردانه‌كه‌ى بۆ ئه‌مریكا نه‌وزاد هادى پارێزگارى هه‌ولێر به‌یاوه‌رى قوباد تاله‌بانى نوێنه‌رى حكومه‌تى هه‌رێمى كوردستان له واشنتۆن له‌گه‌ل هه‌ریه‌ك له {جۆن دێس رۆجه‌ر} به‌رێوه‌به‌رى نوسینگه‌ى كاروبارى ئێراق له وه‌زاره‌تى ده‌ره‌وه‌ى ئه‌مریكاو خاتوو {مۆلی فی }به‌رێوه‌به‌رى ئه‌نجومه‌نى ئاسایشى نه‌ته‌وه‌یى له كۆشكى سپى كۆبوونه‌وه .
له‌دیداره‌كه‌دا باس له ره‌وشى سیاسى ئێراق و هه‌رێمى كوردستان و به‌رنامه‌كانى ئاوه‌دانكردنه‌وه‌و گه‌شه‌پێدانى هه‌رێمى كوردستان و هه‌ولێرى پایته‌خت به‌تایبه‌تى كرا ، وه‌ك نموونه‌یه‌كى گه‌ش و مۆدێلێك بۆ پارێزگاكانى ئێراق دواى پرۆسه‌ى ئازادى ئێراق و سه‌رله‌نوىَ بونیادنانه‌وه‌ى ئێراق .
به‌رپرسانى ده‌ره‌وه‌ى ئه‌مریكا كاراكته‌رو فاكته‌ره‌كانى سه‌ركه‌وتنى ئه‌زموونى هه‌رێمى كوردستانیان به ره‌هه‌ندێكى ئیجابى دانا بۆ په‌یره‌وكردنى هه‌مان ستایل بۆ ئاوه‌دانكردنه‌وه‌و گه‌شه‌پێدانى پارێزگاكانى ترى ئێراق .
