ئەمن عیرفانی قانیعی فەرد لە سەفەری ئەورووپا گەڕاومەتەوە، لەوەدا ئێستە چاوم پێكەوتووە، دۆستان بڕێك شتیان بۆم نارد لەوەدا گۆڤارێك هەیە بەنێوی لڤین، كە گۆڤارەكە لەگەڵ من وتووێژی كردووە.

بەڵێ راستە وتووێژی كردووە، بەڵام لە وتووێژەكەدا من ئاماژە بەوە دەكەم كە بیروڕاهایەكی جیاواز جیاواز لەسەر كورد هەیە، چ دوژمنان نووسیبێتیان چ خۆمان نووسیبێتمان، چ هەر شتێك، وە چەند دانە نموونە و میسالم هێناوەتەوە، بەڵام ئەوان مانشێتێكی زۆر ناشیرینیان دابەزاندووە لەسەر ئەوەی كە فەوزایەك بنێتەوە، بەڵام ئەیانتوانی بڵێن، ئەتوانین پیاو لە روانگەهای موختەلیفەوە تەماشای چەند دانە سەنەد و بەڵگە و ئەو شتانە بكات.

من نە ئەكتەری سینەمام نە فوتبالیستم نە ئەوەیم كە رەسمی من لەسەر گۆڤار دابەزێ، وە ئێستەش دیومە كە لە موجەلەدی دووهەما هاتووە و نووسیویانە بەشی دووەهەمی وتوێژەكە وە رەسمی من و جەنابی سەرۆكیان دابەزاندووە، وە من لەگەڵ رەئی كامیلی رۆژنامەنووساندا هەم، بەراستی ئەمە پێیدەلێن فەوزا گێڕان، ئەمە كارێكی زۆر غەیرەحرفەییە و لەبەر ئەوەیش من بەراستی بەتوندوتیژی لەسەر ئەمە رادەوەستم، كە ئەمە بۆ؟ كابرایەكی ئەكتەری سینەما بێ كابرایەكی فۆتبالیست بێ یا هەرشتێك بێ شتی وا بڵاو بكەنەوە، قەیدی نییە، بەڵام نە بۆ منی مێژوونووس. من هیچ ئیحتیاجێكم بەوە نییە كە رەسمم لەسەر گۆڤارێك دابنێن، دەتوانین بڵێین كابرا خەریكە كاسبی دەكا لەسەر وتووێژێكی ئەكادیمییەوە، ئەمە نوقتەیەك، نوقتەیەكی تر ئەوەیە كە جەنابی سەرۆك من هەر كاتێ لە كوردستان ویستبم چاوم پێی بكەوێ بەراستی بەسینگێكی كراوە چاوم پێی كەوتووە، وە ئەویش ئەگەر دوژمنی مێژوو بوایێ نەی ئەوت، كە هەتا جارێك كە ئەمە بۆ یەكەمجارە ئەیدركێنم، كە وتی من 70 هەزار دۆلار یارمەتی ئەدەم بۆ ئەوەی كە سەنەد و بەڵگەهایەك كە ئێوە لێی ئەكۆڵنەوە یا تەحقیق ئەكەن لە سەری.

لە واقیعدا تەحقیق بكەن وە تەحقیقەكەتان بە وردی و بەجوانی بێ، چیم پێ ئەكرێ لەخزمەتتانم وە ئەیوست 70 هەزار دۆڵار بدا، كاك د. فوئاد حوسێن، لە واقیعدا وتی هەر كاتێ هین بوو ئەمە دیاری جەنابی سەرۆكە بەڵام هێشتا ئێمە وەرمان نەگرت، لەبەرئەوەی ئەو كابرایە بەسینگێكی كراوە تەماشای قەزیەی كرد لەسەر ئەوەی كە لێكۆڵینەوەمان هەبێ بەحسی ئەكادیمیمان هەبێ یا ئەو جۆرەشتانە.

وە نوقتەیەكی تر كە هەبوو خۆی فەرموو لەسەر ئەوەی كە ئەوەی راستە ئێوە لەسەری بڕۆن، ئێوە نە سیاسین نە حزبین نەهیچ، بەڵام ئەوەی سەنەدی هەر وڵاتێك بێ كۆیبكەنەوە با ئێمەش لێی تێ بگەین با ئێمەش بزانین وە حەتا وتووێژم كە لەگەڵیان كرد وتی پێم خۆشە بمبەن بۆ مەحكەمەی مێژوو.

ئەمە قسەهایەكی جەنابی سەرۆك بووە كە ئەو قسانە دابەزیوە و بڵاو بۆتەوە، دەنگەكەشی هەیە كە پێتان خۆش بوو دەتوانین دەنگەكەی بڵاو بكەینەوە. بەس ئەم كابرایە دژی مێژوو نییە، لەوەدا وتوویانە هەڕەشە و ئەوجۆرەشتانە، وەڵڵا مانگێك لەوەپێش پێش ئەوەی بڕۆم بۆ فەرەنسا لەسەری رەش بووم نەكەس منی هەڕەشە كردووە نەكەس وتوویانە دەتكوژین. وە ئەمە پێم وابێ نەوعێ كاسبی كردنە وە ئەقڵی خەڵك كە تۆزێك شایەد تێ نەگەشتبێ لە مێژوو یا ئەكادیمی ئەو شتانە بۆ كاسبی و پارە دەرهێنانەوە.

بەراستی ئەمە پێم وابێ نیشانەی ئەوەیە كە هێشتا كۆمەڵگای ئێمە ئەگەر دیموكراسیەتی تیا هەیە بۆ ئەوەی كە بە رۆژنامەیەكی حرفەیی و پڕۆفیشناڵ بگات 200 ساڵ لەدواین، وە بەداخەوە من ئەمە دەڵێم، بەڵام لڤین لەم یەك دوو ژمارەیە سەلماندی كە لە دیموكراسی ئەو جۆرەی كە دەیهەوێ ناتوانێ ئیستفادە بكا و بەراستی قەسدی بەوەیە كە فەوزا بگێڕێ، وە من ناڕەحەتی خۆم دەردەبڕم.
شتێكی تر كە هەیە ئەوەیە من نە دژی پارتیم نەدژی یەكێتیم نە دژی كەس.

لە واقیعدا لەگەڵ هەمووان لەگەڵ هەموو سیاسەتمەداران و ئەو جۆرە شتانەش دانیشتووم و وتووێژێكم هەبووە، وتووێژەكە لە كتێبێكدا هاتۆتە دەرێ یا هەر شتێ بۆ ئەوەی یەكێ دەڵێ سیخوڕی ئەمەریكا و ئێران و ئیسرائیل و ئەوجۆرە شتانە، پێم وابێ هەموو وڵاتان و ئەوانەی كە دەسەڵاتیان هەیە بۆ ئێمە مێوانی مێژوون وە باوەڕ ناكەم كەسێك خەریكی مێژوو بێ بتوانێ دژ بە گەلەكەی خۆی هەڵگەڕێتەوە و ئەو قسەیە بكات. باوەڕ ناكەم كەسێك خەریكی مێژوو بێ بتوانێ دژ بە گەلەكەی خۆی هەڵگەڕێتەوە و ئەو قسەیە بكات.

ئەمە قسەهایەكی منە، پێم خۆش بوو ئەم روونكردنەوە بۆ خەڵك بدرێ و بەراستی ئەو كارە، كارێكی زۆر ناشرین و زۆر غەیرەحرفەییە لەسەر ئەوەی شت دابەزێنێ. من یەك وشەم لە زمانی خۆمەوە سەبارەت بە جەنابی بارزانی یا جەنابی قازی محەمەد نەوتووە بەس وتوومە حدودی 2 هەزار رەئی جیاواز جیاواز لەسەر ئەم دووكەسایەتیەی مێژوو هەن، جا خۆ من ناتوانم 2 هەزارەكەی عەینەن وابێ یا 2 هەزارەكەی دژی بێ یا 2 هەزارەكەی موافقی بێ ئا ئەم جۆرە دابەزاندنە و ئەو جۆرە تەعامول كردنە لەگەڵ ئیشەكەدا بە رای من 200 ساڵ دواكەوتوویی نیشان ئەدات نیشانەی كاری حرفەیی نییە.

ئەگەر پێمان خۆش بوو رەخنەیەك بگرین لە دەسەڵات ئەوەیە كە رەخنەكە بەشێوازێكی زۆر ئەكادیمی بتوانین بڵاوی بكەینەوە. وە ئەگەر قسەیەكمان كرد و قسەكە بڵاو نەكرایەوە ناتوانین ئیهانە بكەین لەسەر ئەوەی كە ئەوە میدیای دەسەڵاتە. دەسەڵات نایەڵێ ئەو شتانە بكرێ.

من زۆرجاران لە رۆژنامەی شەرق و رۆژنامەی ئیعتماد لە ئێران زۆر شتم نووسیووە كە رەخنە بوو لە حكوومەتی هەرێم، بەڵام تائێستا نەكەس جنێوێكی داوە نە كەس شتێكی وتووە ئیتر ئێستەش ئەم جۆرە مانشێتانەی كە دژی پێشینی مێژووی خۆمان بێ، ئەوە لە واقیعدا جۆرێك سوكایەتیكردن بە مێژووی كوردەوارییە.
پێم وا بێ ئەوە زۆری فەرقە لە سەر ئەوەی كە من رەخنەم هەبێ یا ئەوەی كە سووكایەتی بكەم. یەعنی سوكایەتی كردن بەنێوی خەڵكێك كە ئەقڵیان نزمە بەڵام ئەگەر رەخنە بێ، رەخنە هەموو پیاوێك گوێی لێ ئەگرێ و پێشیان خۆش دەبێ.

سەرنج/ ئه‌م وتاره‌ له‌ رۆژنامه‌ى هه‌ولێر بڵاوكراوه‌ته‌وه‌، و ئێمه‌ له‌ گوڵان میدیا وه‌ك خۆی دامانناوه‌ته‌وه‌