سه‌رۆكی هه‌رێمی كوردستان چاویكه‌وت به كونسوڵی گشتی تازه‌ی ئه‌ڵمانیا
سه‌رۆك بارزانی پیرۆزبایی له شتیفان بانتله كرد به بۆنه ده‌ستبه‌كاربوونی وه‌كو كونسوڵی گشتی تازه‌ی ئه‌ڵمانیا و هیوای سه‌ركه‌وتنی بۆ خواست و ئاماده‌یی هه‌رێمیشی ده‌ربڕی بۆ هه‌ر هاوكاری و هه‌ماهه‌نگیه‌ك له پێناو سه‌رخستنی كاره‌كانی به‌رێزیان و به‌ره‌و پێش بردنی په‌یوه‌ندییه‌كانی نێوان هه‌رێم و وڵاتی ئه‌ڵمانیا.
كونسوڵی گشتی تازه‌ی ئه‌ڵمانیا دوا سه‌ردانه‌كه‌ی سه‌رۆك بارزانی بۆ وڵاتی ئه‌ڵمانیا به‌رزنرخاند و هیوای خواست كه بتوانێ به هه‌ماهه‌نگی له‌گه‌ڵ داموده‌زگاكانی هه‌رێم په‌یوه‌ندییه‌كانی نێوان هه‌ر دوولا بگه‌یه‌نێته ئاستێكی به‌رزتر.
له ته‌وه‌رێكی دیكه‌ی چاوپێكه‌وتنه‌كه‌دا هه‌ر دوولا باسیان له پرۆسه‌ی سیاسی و ئه‌و هه‌وڵانه‌ی كه ده‌درێن بۆ پێكهێنانی حكومه‌تی نوێی عیراق و رۆڵی سه‌ركردایه‌تی سیاسی كوردستان له سه‌رخستنی و به‌ئاكام گه‌یاندنی ئه‌و پرۆسه‌یه كرد.
