وه‌ڵامی وته‌بێژی هه‌رێمی كوردستان سه‌باره‌ت به‌وتارێكی نیویۆرك تایمز ده‌رباره‌ی پاڵاوتنی نه‌وت له‌هه‌رێمی كوردستاندا
پالاَوگه‌كانى هه‌رێم سووته‌مه‌نیى پێویست بوَ بازارِی ناوخوَى عیراق ده‌ره‌وه دابین ده‌كه‌ن. حكومه‌تى هه‌رێمى كوردستان شانازى به گه‌شه‌كردنى كه‌رتى نه‌وت وگاز و سیاسه‌تی خۆی بوَ بازرگانیى ئازاد ده‌كات.
پاڵاوگه‌كانی هه‌رێمی كوردستان سووته‌مه‌نی بۆ بازارِی ناوخۆی عیراق ده‌ره‌وه دابین ده‌كه‌ن، بۆ ئه‌م مه‌به‌سته‌ش حكومه‌تی هه‌رێم سێ مۆڵه‌تی ره‌سمی به‌گوێره‌ی ده‌ستووری عیراق و یاسای نه‌وت و غازی هه‌رێم 2007 بۆ دامه‌زراندنی پاڵاوگه داوه، كه‌پێداویستیه زۆر سه‌ره‌كییه‌كانی هاووڵاتیان و كاروباری رۆژانه‌ی هه‌رێم دابین ده‌كه‌ن.
هه‌ندێك له‌به‌رهه‌مه پالێوراوه زیاده‌كانیش له پالاَوگه‌كانى كوردستانه‌وه له به‌رده‌ستدایه بوَ هه‌نارده‌كردن. حكومه‌تى هه‌رێمى كوردستانیش له رێگه‌ى ته‌نده‌رى كراوه مامه‌ڵه له گه‌ڵ فرِوَشتن و هه‌نارده‌كانى به‌رهه‌مه نه‌وتییه‌كان ده‌كات.
به‌رهه‌مه پاڵێوراوه‌كان له‌ده‌ره‌وه‌ی هه‌رێمی كوردستان
سه‌رچاوه سه‌ره‌كیه‌كانی به‌رهه‌مه پاڵێوراوه‌كان، ئه‌و پاڵاوگه گه‌ورانه‌ن كه له‌به‌شكانی تری عیراقدا هه‌ن به پاڵاوگه‌ی بێجی له‌پارێزگای سه‌لاحه‌دین و دۆره له‌به‌غداشه‌وه، به‌شێك له‌پاشماوه‌ی به‌رهه‌مه پاڵێوراوه‌كانی ئه‌وانیش له‌رێگه‌ی هه‌رێمه‌وه ده‌نێرنه ده‌ره‌وه، هه‌روه‌ها له‌ناوچه‌كانی تری عیراقه‌وه سووته‌مه‌نی له‌لایه‌ن حكومه‌تی فیدراله‌وه به‌نرخێكی كه‌متر له‌نرخی جیهانی ده‌فرۆشرێته كه‌رتی تایبه‌ت، ئه‌م هه‌نگاوه‌ش بۆ ئه‌وه‌یه كه‌په‌ره به‌ئابووری ناوخۆ بدات، به‌ڵام به‌داخه‌وه ئه‌م سیاسه‌ته ده‌بێته هانده‌رێك بۆ ئه‌وه‌ی له‌سنووره‌كانه‌وه بازرگانی به‌و سووته‌مه‌نیه‌وه بكرێت.
حكومه‌تی هه‌رێمی كوردستان ئاگاداره كه‌بازرگانانی نه‌وتی خاو سنووره نێوده‌وڵه‌تیه‌كانی هه‌رێم به‌كارده‌هێنن، به‌ڵام حكومه‌تی هه‌رێم به‌پشتیوانی سه‌رۆك بارزانی رێوشوێنی دیاریكراو ده‌گرێته‌به‌ر به‌مه‌به‌ستی دڵنیابوون له‌پابه‌ندبوونی ته‌واو به‌ده‌ستووری عیراق و یاسا نێوده‌وڵه‌تیه‌كان، له‌وباره‌یه‌وه حكومه‌تی هه‌رێمی كوردستان سووره له‌سه‌ر كاركردن له‌گه‌ڵ حكومه‌تی فیدرال بۆ نه‌هێشتنی یه‌كجاره‌كی بازرگانیكردنی نایاسایی به‌سووته‌مه‌نی ، نه‌ك ته‌نها له‌سنووره‌كانی هه‌رێمی كوردستاندا، به‌ڵكو له‌سه‌رجه‌م سنووره‌كانی عیراقدا.
رێوشوێنه هاوبه‌شه‌كانى حكومه‌تى فیدراڵ و هه‌رێم موَڵه‌ت وه‌رگرتنى ئیلزامى ده‌گرێته‌وه بوَ سه‌رجه‌م ئه‌و تانكه‌رانه‌ى كه دێنه ناو هه‌رێمى كوردستانه‌وه.
نه‌وتی خاو
ساڵی 2009 حكومه‌تی هه‌رێمی كوردستان هه‌نارده‌كردنی نه‌وتی له‌رێگای بۆریه نه‌وتیه‌كانی عیراق، بۆ به‌نده‌ری جیهان له‌توركیا ده‌ست پێكرد، جگه له‌م رێگایه‌ی سه‌ره‌وه به‌هیچ جۆرێك نه‌وتی خاو له‌سنووره ناوخۆی و ده‌ره‌كییه‌كانی هه‌رێم ناگوازرێته‌وه.
سیاسه‌تی نه‌وتی هه‌رێمی كوردستان سه‌ركه‌وتوو بووه
سیاسه‌تی حكومه‌تی هه‌رێمی كوردستان له‌رێگای وه‌زاره‌تی سامانه سروشتیه‌كان، كه‌لایه‌ن حكومه‌ته‌وه په‌سه‌ندكراوه، سه‌ركه‌وتنێكی به‌رچاوی به‌ده‌ست هێناوه، ئه‌و سیاسه‌ته وه‌كو داینه‌مۆیه‌ك بۆ په‌ره‌پێدانی هه‌رێم به‌رده‌وام ده‌بێت.
