لەماوەی ٢٧ ساڵی حوکمڕانی،ئەگەر چی ناکرێت بڵێن خاوەنی سیستمێک نەبووین ،بەڵام دەکرێت بڵێین خاوەنی سیستمێکی دیاری کراو تۆکمەو نەتەوەیی و نیشتمانی نەبووین،هەرگیز هێندەی ئەوەی باسی گۆڕانکاری لە کەسەکان و پۆستەکان کراوەتەوە باسی سیستم و سیستمی حوکمڕانی نەکراوە ،کە سیستم سەرچاوەی هەموو کارەکان و بەڕێوەبردنەکان وئەکتیڤ بوونی ئۆرگانەکانە.گەرچی بە ئینسفانە بۆ بارودۆخەکە بروانین قۆناغەکانی ڕابردوو ژینگەکە ڕەنگە هەر ئەوەندە گونجاوبوبووبێت،ئەرکی تر لەبەردەم بووبێت کە حکومەت هەرئەوەندەی پێکرابێت.
گەر سیستمێکی دیاری کراوی تۆکمەت هەبوو بۆ خزمەتی هاوڵاتی و نەتەوە نیشتمان ئەوکات هەرکەس حوکمڕانی بکات دەتوانێت خزمەتی وڵات بکات.کەسیستمی حوکمڕانی دیار بوو،ستراتیژ ڕوون بوو سیاسەت ڕوون بوو،ئیتر دەبێتە بنەمایەک بۆ کۆی سیستمە پەروەردەیی و میدیایی و کۆمەڵایەتیەکانی وڵات. تاکەکانیش لەسەر بنەمای ئەو سیستمە هەڵسوکەوت دەکەن،ئەوەی ڕێگرنەبوە لەبەردەم ئەنجام نەدانی گەندەڵی ،ناشەفافیەت ،ململانێ گرفت و نەخۆشیە کۆمەڵایەتی و سیاسی و پەروەردەیەکانی وڵات نەبوونی سیستمیکە کە سەرکردەو هاوڵاتی و پێکەوە ئیلزام بکات چۆن هەڵسوکەوت بکەن و چۆن ماف و ئەرکی خۆیان بزانن .چۆن خزمەتی نیشتمان بکەن.

گۆردن براونی سەرۆک وەزیرانی پێشووتری بەریتانیا لەوەڵامی کەناڵی بی بی سی ،کاتێک ٢ لە پەرلەمانتارەکانی پارتەکەی تێوەگلابوون بە گەندەڵی ،پرسیاری لێکرا گەرەنتی چی دەدەیت کە پەرلەمانتارەکانی ترت ئەم کارە دووبارە نەکەنەوە وتی'تەنها سیستم دەتوانیت ڕێگر بێت لەبەردەم گەندەڵی و ڕەفتاری نادروستی سیاسی تاکەکان ،ئەگەر سیستم ڕێگە بدات هەمووکەس حەز بە گەندەڵی دەکات' بۆیە گەربمانەوێت چاکسازی بکەین ، دام و دەزگاکانمان لە ئیفلیج بوون ڕزگار بکەین، تاکەکانمان ئەکتیڤ کەینەوە و هەستی نیشتمانی بوون و هاوڵاتی بوونیان بۆ دروست کەینەوە .زاڵ بین بەسەر گەندەڵیە سیاسی و ئەخلاقیەکاندا ،بەهاو پێگە بۆ کەسایەتیە زانستی و مێژووی و نەتەوەیەکانمان بگێرینەوە ، دەبێت بیر لە پیاچوونەوەی سیستەمە فەرمانڕەوایەکەمان بکەینەوە لەدەستورەوە بیگرە تا پرکردنەوەی بۆشاییە یاسایەکان ،بەسوود وەرگرتن لە کۆی توانا مرۆیی و یاسایی و ئەکادیمیەکان . لێرەوە دەبێت ئێمە باسی گۆرانکاری بکەین،لێرەوە دەبێت باسی چوونە قۆناغێکی نوێ بکەین .ئەوگرفتانەی کە پێشووتر ئەم نیشتمانە پێوەی گرفتاربوە وەک جەنگی نەگریسی داعش و جەنگی ناوخۆۆ و دووری دەسەڵات و ئۆپۆزسیۆن و قەیرانی دارایی و نەبوونی سەربەخۆیی ئابوری هەرێم و گرژی نێوان بەغداد و هەریم نەبوونی هاوکاری و پشتیوانی ئەقلیمی و نێودەوڵەتی تاڕادەیەکی باش تیمان پەڕاندوە بۆیە باشترین دەست کەوت و بژاردەیەک بۆ حکومەت و کابینەی نوێی حوکمڕانی دەبێت بیرکردنەوە لە پیاچونەوەی سیستم بێیت کە ئەویش لە پیاچونەوەی دەستورەوە سەرچاوە دەگرێتت. بۆیە لەوڵاتانی پێشکەوتوو نهینی سەرکەوتن و بەردەوامی حوکمڕانیان کە هەرکەس دەبێتە سەرۆک و حکومەت کە کارەکان بە باشی دەڕوات و نابێتە مەترسی بۆ وڵات بوونی سیستمێکی جێگروو نیشتمانیە کەلەگەڵ گۆڕانکاریە سیاسی و ئابوری و نیودەوڵەتی و تەکنەلۆجیاکاندا هەمووارو ئەپ دەیتی دەکەنەوە. بۆیە ئەرک و بژاردەی داهاتومان بۆ سەرکەوتن و گەشەدان بەوڵات دەبێت تەنها سەرقاڵ نەبین بە کێ بێت و کێ نەبیتی کەسەکان بەڵکوو ستراتیژی ئەمجارەمان سەرقاڵ و پلان بێت بۆ بوونی سیستمیک باش بۆ خزمەتی هاوڵاتی ونیشتمان