لەكاتێكدا دەنگی‮ ‬ناسازی‮ ‬خەڵكانی‮ ‬داخ لە دڵ و بێ هەستی‮ ‬نیشتمانی‮ ‬لێرەولەوێ دەبیسترێ كە مڕۆڤ دەخاتە گومانی‮ ‬ئەوەی‮ ‬كە لەلایەن ناحەزانی‮ ‬گەلەكەمانەوە ئاراستەكرابن،‮ ‬دەنگی‮ ‬دلێر و ئاشكرای‮ ‬كوردانی‮ ‬ئەوڕوپا دەبیسترێت كە چۆن بەجۆش و خرۆشەوە‮ ‬ڕووەو ئەو ئامانجە بەرزەی‮ ‬گەلەكەی‮ ‬كە سەربەخۆیی‮ ‬و دامەزراندنی‮ ‬دەوڵەتە،‮ ‬هەنگاو دەنێت و پشتیوانی‮ ‬خۆی‮ ‬بەفیستڤاڵ و نمایشی‮ ‬ئاشتیخوازانە دەردەبڕێ كە هیوا دەداتەوە گەلەكەمان كە دەنگی‮ ‬زوڵاڵی‮ ‬نیشتمانپەروەران و نەوەی‮ ‬شەهیدان لەڕۆژی‮ ‬ریفراندۆمدا لە‮ ‬9/25‮ ‬سەردەكەوێت و دەنگدەرانی‮ ‬نەخێریش تەنیا شەرمەزاری‮ ‬بەرامبەر گەلەكەی‮ ‬بۆ دەمێنێتەوە كە لە چركەساتێكی‮ ‬مێژووییدا پشتیان كردۆتە هیوای‮ ‬گەلەكەیان و دەنگیان بە بەردەوامی‮ ‬ژێردەستەیی‮ ‬و زەلیلی‮ ‬داوە‮. ‬
كوردانی‮ ‬ئەوڕوپا بە پێچەوانەی‮ ‬ئەم سەرلێشێوێنراوانەوە،‮ ‬لەبایەخی‮ ‬دەوڵەت و دەوڵەتداری‮ ‬تێگەیشتوون و دەزانن بوونی‮ ‬دەوڵەت مانای‮ ‬چییەو بێ دەوڵەتیش واتای‮ ‬چییە‮.‬
ئەوان ئەو‮ ‬ڕاستییە بەكردار دەزانن كە دەوڵەت واتا سنوور،‮ ‬سوپا،‮ ‬ئەمن و ئاسایش‮. ‬خۆشگوزەرانی‮ ‬و ئاڵا و سەروەری‮ ‬و چوونە‮ ‬ڕیزی‮ ‬گەلانەوە،‮ ‬هەر بۆیەش وا بەگەرم و گوڕی‮ ‬پشتیوانی‮ ‬ئەو داخوازییە‮ ‬ڕەوایەی‮ ‬گەلەكەیان دەكەن‮. ‬
بەڵام ئەم‮ (‬نەخێر‮)‬یانەی‮ ‬نێوخۆمان،‮ ‬ئەمانیش بەكردار دەیانەوێ گەلەكەمان بۆ هەتا هەتایە لەژێر دەستەیی‮ ‬بمێنێتەوە و نەبینە خاوەنی‮ ‬هیچ و ئەو هەموو خەبات و خوێنەیش بەفیڕۆ بڕوات و جارێكی‮ ‬دیكە سوپا و دەسەڵاتی‮ ‬بەغدا بگەڕێتەوە كوردستان و تاكە عەریفێك‮ ‬یان ئەفسەرێك حوكمی‮ ‬شارێك بكات و هەرچی‮ ‬پیرۆزی‮ ‬وڵاتە بخاتە ژێرپێی‮ ‬و حساب بۆ كەسیش نەكات‮.‬
ئەوانەی‮ ‬ئەو‮ ‬ڕۆژانەیان بیرە،‮ ‬دەزانن كە چۆن وڵاتمان ببووە زیندانێكی‮ ‬گەورە و گەلەكەمانی‮ ‬تێدا بەندكرابوو،‮ ‬ئەوانیش بە ئارەزووی‮ ‬خۆیان زوڵم و زۆر ناهەقییان دەرهەق دەكردین كە كار گەیشتە قڕكردنی‮ ‬بە كۆمەڵ و چۆڵكردنی‮ ‬خاكمان‮. ‬
ئیدی‮ ‬دەبێ گەڕاندنەوە بۆ ئەو‮ ‬ڕۆژانە سوودی‮ ‬بۆ كێ هەبێت،‮ ‬جگە لە كۆمەڵێك بێ هەست و ویژدان كە پشت دەكەنە نیشتیمان و خوێنی‮ ‬شەهیدان زیاتر كە ئاوا بێ شەرمانە‮ ‬ڕووبەڕووی‮ ‬گەلەكەمان لەم پرسە چارەنووسسازەدا دەبنەوە‮. ‬
ئەوە هیچ گومانی‮ ‬تێدا نییە كە ئەو دەنگە نەخۆشانە سەرناكەوێت و ئیرادەی‮ ‬خەڵكی‮ ‬شۆڕشگێر و قوربانیدەر بە دڵنیاییەوە سەردەكەوێت و ئەوانیش تەنیا پەشیمانیان بۆ دەمێنێتەوە كە ئەمجارە ئەویش دادیان نادات‮.‬
گەلەكەمان و سەركردایەتی‮ ‬سیاسی‮ ‬لەمەوپێش زۆر لێبوردە بووە،‮ ‬هیوادارین ئەمجارە وانەبێت و هەر نەبێت ئەوانە‮ ‬ڕەوانەی‮ ‬لای‮ ‬مامۆستاكانیان بكات،‮ ‬چونكە گوناهە ئیتر ئەو جۆرە توخمانە لەسەر خاكی‮ ‬پیرۆزی‮ ‬كوردستان و لەنێو گەلی‮ ‬خۆڕاگر و قوربانیدەری‮ ‬كوردا بەردەوامی‮ ‬بەژیان بدەن‮.‬