ڕۆژی‮ دوو شەممە‮ی رابردوو ‬31/7‮ ‬كرێس كۆچیرا لە تەمەنی‮ ‬79‮ ‬ساڵیدا كۆچی‮ ‬دوایی‮ ‬كرد و بەمەش گەلەكەمان دۆستێكی‮ ‬دێرینی‮ ‬خۆی‮ ‬كە زۆربەی‮ ‬ژیانی‮ ‬بۆ دۆزی‮ ‬كورد تەرخان كردبوو لەدەستدا‮. ‬
كۆچێرا‮ ‬ڕۆژنامەنووس،‮ ‬فۆتۆگراف و نووسەرێكی‮ ‬دیاری‮ ‬فەڕەنسا بوو كە‮ ‬45‮ ‬ساڵی‮ ‬تەمەنی‮ ‬خەریكی‮ ‬نووسین و توێژینەوە بوو سەبارەت بە رۆژهەڵاتی‮ ‬ناوەڕاست و بەتایبەتیش كورد و شۆڕشەكانی‮ ‬كە تا ساڵی‮ ‬1971‮ (‬131‮) ‬ڕاپۆرتی‮ ‬رۆژنامەوانی‮ ‬لەسەر كورد نووسیووە ئەمە جگە لە‮ (‬4‮) ‬كتێب كە تایبەتن بە كورد و بزووتنەوەی‮ ‬نەتەوەیی‮ ‬نووسیووە‮. ‬
كۆچیرا لە سەرەتادا لە‮ ‬ڕۆژنامەی‮ ‬لۆموند دیبلۆماتیك وەك فری‮ ‬لانس كاری‮ ‬ڕۆژنامەوانی‮ ‬دەكرد و بابەتەكانی‮ ‬نە تەنیا لە‮ ‬ڕۆژنامە فەڕەنسیەكاندا،‮ ‬بەڵكو لە‮ ‬ڕۆژنامە گەورە و بەناوبانگەكانی‮ ‬جیهاندا بڵاودەكردەوە كە دەتوانرێ بە دڵنیاییەوە بووترێت كە دۆزی‮ ‬كوردی‮ ‬بەتایبەت لەكوردستانی‮ ‬عێراق بەجیهان ناساند،‮ ‬هەر بۆیەش لە ساڵی‮ ‬2013‮ ‬لەلایەن سەرۆك مسعود بارزانیەوە خەڵاتی‮ ‬مەدالیای‮ ‬بارزانی‮ ‬پێبەخشرا بۆ ئەو خزمەتە زۆرەی‮ ‬كە بە گەلی‮ ‬كورد و دۆزی‮ ‬ڕەواكەی‮ ‬گەیاند‮. ‬
سەرۆك بارزانی‮ ‬لە بروسكەی‮ ‬هاوخەمی‮ ‬بۆ هاوسەری‮ ‬كریس كۆچیرا دەڵێ‮: »‬ئەو دۆستێكی‮ ‬مەزنی‮ ‬گەلی‮ ‬كوردستان بووە،‮ ‬بەهۆی‮ ‬نووسین و كتێب و توێژینەوەكانی‮ ‬لەبارەی‮ ‬كورد و كوردستان‮ ‬ڕۆڵێكی‮ ‬گەورەی‮ ‬لە ناساندنی‮ ‬كورد بە جیهان هەبووە‮«‬،‮ ‬لێرەدا نابێ رۆڵی‮ ‬هاوسەری‮ ‬خانم ئیدیت لەیاد بكرێ كە هاوكارێكی‮ ‬چالاكی‮ ‬بووە لە بەجێگەیاندنی‮ ‬كار و بەرهەمەكانی‮. ‬
بۆ هێشتنەوەی‮ ‬ناوی‮ ‬ئەو بەڕێزە كە بەشی‮ ‬هەرە زۆری‮ ‬تەمەنی‮ ‬بۆ كورد و دۆزە‮ ‬ڕەواكەی‮ ‬تەرخانكرد پێشنار دەكەین كە‮ ‬یەكێك لە شەقامە گەورەكانی‮ ‬پایتەختی‮ ‬هەرێمی‮ ‬كوردستان بەناوی‮ ‬كریس كۆچیرا ناو بنرێ و لەسەرەتای‮ ‬شەقامەكەشدا پەیكەرێكی‮ ‬شیاوی‮ ‬بۆ دابنرێ كە هەمیشە بێتەوە‮ ‬یاد هاووڵاتیانی‮ ‬هەرێم و هەروەها هەموو نووسینەكانیشی‮ -‬ئەوانەی‮ ‬نەكراوە‮ ‬بە‮ ‬كوردی‮- ‬تەرجومە بكرێ بۆ ئەوەی‮ ‬تەواوی‮ ‬دانیشتوانی‮ ‬هەرێم لە هەوڵ و تەقەلڵای‮ ‬بەردەوامی‮ ‬ئەو مرۆڤە مەزنە ئاگاداربێت‮.‬