ئێستا كە كەمتر لە دوو مانگی‮ ‬ماوە بۆ‮ ‬ڕیفراندۆم و گەلەكەمان خۆی‮ ‬ئامادە دەكات،‮ ‬لێرەو لەوێ دەنگێ نەشازی‮ ‬وەك نەخێر دەبیسترێ و هەندێكیش دەیەوێت دژایەتی‮ ‬خۆی‮ ‬بە ئاشكرا بەناوی‮ ‬كەمپینی‮ ‬نەخێر،‮ ‬كە لەڕاستیدا دژایەتی‮ ‬خواستی‮ ‬گەلەكەمانە كە دەیەوێ لەڕێی‮ ‬ڕیفراندۆمەوە داوای‮ ‬سەربەخۆیی‮ ‬بكات‮. ‬
ئەگەرچی‮ ‬بڕواناكرێ ئەم دەنگە دژانە كاریگەری‮ ‬ئەوتۆی‮ ‬لەسەر كۆی‮ ‬دەنگدانی‮ ‬دانیشتوانی‮ ‬هەرێم هەبێت،‮ ‬بەڵام بۆ گەلێك كە خاوەنی‮ ‬ئەو هەموو شەهید و قوربانی‮ ‬دانەبێت ناخۆشە كە دەنگی‮ ‬لەوجۆرە ببیستێ كە تەنها سوودمەن لێی‮ ‬هەر دوژمنان و ناحەزانی‮ ‬ئەم گەلە دەبێت‮. ‬
ئێمەی‮ ‬كورد لە كەنەدا ناژین تاوەك كیوبیكیەكان‮ ‬ڕازی‮ ‬بین بە ژیان لە كەنەدا،‮ ‬چونكە كەنەدا وڵاتێكی‮ ‬دیموكراتی‮ ‬و شارستانی‮ ‬و خودانی‮ ‬خۆشگوزەرانی‮ ‬و مافی‮ ‬مرۆڤە بۆیە پاساو بۆ ئەوانەی‮ ‬دەیانەوێ لە چوارچێوەی‮ ‬كەنەدا بمێننەوە پاساوی‮ ‬زۆر هەیە‮. ‬
یان سكوتلەندیەكان گەر دەنگی‮ ‬نەخێر بۆ جیاوبوونەوە زیاتربێت لە بەڵێ هەر پاساو هەیە بۆ ئەوانیش،‮ ‬چونكە ئەوان ئێستا بەشێكن لەو وڵاتەی‮ ‬كە بە دایكی‮ ‬دیموكراسی‮ ‬لە قەڵەم دەدرێ و مێژووی‮ ‬پەرلەمانیان بۆ چەندین سەدە پێش ئێستا دەگەڕێتەوەو گەلانی‮ ‬جیهان لەوانە فێری‮ ‬پێكەوەژیان و دیموكراتی‮ ‬و مافی‮ ‬مرۆڤ و پێشكەوتن بوون‮. ‬
یان وڵاتێكی‮ ‬وەكو سویسرا كە چوار نەتەوەی‮ ‬جیاواز كە خاوەنی‮ ‬دەوڵەتی‮ ‬سەربەخۆی‮ ‬خۆشیاننن لەگەڵ ئەوەدا پێكەوە لە چوارچێوەی‮ ‬دەوڵەتی‮ ‬سویسرا بە ئازادی‮ ‬و خۆشگوزەرانی‮ ‬دەژین‮. ‬
بەڵام مێژووی‮ ‬ئێمە لەگەڵ ئەم عێراقە دەستكردە كەوا بۆ سەد ساڵ دەچێت كورد لە ماڵوێرانی‮ ‬و سەركوتكردن و دواكەوتوویی‮ ‬سەرەڕای‮ ‬ئەو هەموو كوشتار و قڕكردنە چی‮ ‬دەستكەوتووە تا مرۆڤ حەز بكات لەبۆ تەقەی‮ ‬ئەو دەوڵەتە سەركوتكەرەدا ژیان بەسەرببات‮. ‬
بۆیە ئەوانەی‮ ‬بانگەشەی‮ ‬دەنگی‮ ‬نەخێر دەكەن پێبزانن‮ ‬یا نەزانن ئەوا خزمەتی‮ ‬داگیركەر دەكەن و دژی‮ ‬گەلەكەی‮ ‬خۆیان‮ ‬ڕادەوستن كە ئەوەش لوتكەی‮ ‬شەرمەزارییە‮. ‬ تۆ بتەوێت زوڵم و ناهەقی‮ ‬و مافخواردن بەردەوام بێت و لەجیاتی‮ ‬سەربەخۆیی‮ ‬ژێردەستەیی‮ ‬هەڵبژێریت،‮ ‬ئیدی‮ ‬تۆ مرۆڤێكی‮ ‬نامۆیت و هەق نییە خۆت بە كورد بزانیت،‮ ‬تۆ بتەوێت لە وڵاتێكدا بەردەوامی‮ ‬بە ژیانت بدەیت كە بە سەرە قەڵەمێكی‮ ‬سەرەكوەزیرانەكەی‮ ‬مووچە و بودجەت ببڕێت و نە پەرلەمان و نە ئەنجومەنی‮ ‬وەزیران ناڕەزایەتیەك دەرببڕێ،‮ ‬ئیدی‮ ‬چاوەڕێی‮ ‬چی‮ ‬لەو وڵاتە دەكەن‮.
‬وڵاتێك كە بەرەو تایفەگەری‮ ‬و دەوڵەتی‮ ‬تیوكراتی‮ ‬بەپەلە مل دەنێت،‮ ‬وڵاتێك كە جێی‮ ‬مرۆڤی‮ ‬خاوەن هۆشی‮ ‬تێدا نابێتەوە،‮ ‬نەك گەلێك كە مێژووی‮ ‬سوورە بەخوێن و قوربانی‮.‬