زۆر ئاساییە لە كۆمەڵگەدا بیروڕای‮ ‬جیاواز و تێروانینی‮ ‬جیاجیا هەبێت،‮ ‬چونكە مەرج نییە هەموو وەك‮ ‬یەك بیربكاتەوە و ئەوەش‮ ‬یەكێكە لە بنەماكانی‮ ‬دیموكراسی‮ ‬و دەبێت رێزی‮ ‬لێبگیرێت، بەڵام پرسیارەكە ئەوەیە ئایا گەر دوو بۆچوون لەئارادابوون هەردووك لا راستن‮ ‬یان دەبێت لایەك راست و ئەوی‮ ‬دییان هەڵە بێت‮.‬
ئێستا پرسی‮ ‬ریفراندۆم و سەربەخۆیی‮ ‬هاتۆتە ئاراوە بۆیە بەئاشكرا هەست بە دوو جۆر بۆچوون دەكرێت،‮ ‬ئەویش پرۆسەی‮ ‬سەربەخۆیی‮ ‬و ئەنتی‮ ‬سەربەخۆییە ئەمە لەناو خەڵكدا بە ئاشكرا هەستی‮ ‬پێ دەكرێ و هەردوولا بە‮ ‬ڕاشكاوی‮ ‬رەئی‮ ‬خۆیان دەردەخەن و تەنانەت هەندێك لەسەر لاپەڕەی‮ ‬تۆڕە كۆمەڵایەتییەكان سنووریش دەبەزێنێ و ئاستی‮ ‬دوژمنكاری‮ ‬خۆی‮ ‬دەنوێنێ‮.
‬بەڵام لەلایەن حزبەكانی‮ ‬كوردستانەوە بەو جۆرە نییە هەرچەند زۆربەی‮ ‬لایەنەكان وەك لە كۆبوونەوەی‮ ‬رۆژی‮ ‬چوارشەممە‮ ‬2017/6/7‮ ‬لە پیرمام،‮ ‬پانزە حزب پێكەوە لەسەر رۆژی‮ ‬ریفراندۆم كە دەكاتە‮ ‬2017/9/25‮ ‬رێككەوتوون،‮ ‬دوو لایەنی‮ ‬تر كە بەشداری‮ ‬كۆبوونەوەكە نەبوون ناڵێن دژی‮ ‬سەربەخۆی‮ ‬بوونن بەڵام ئەم مەسەلەیەیان بەستۆتەوە بە كۆمەڵێك مەرجەوە و تەنانەت لایەنێكیان لە‮ ‬ڕێگەی‮ ‬وتەبێژی‮ ‬رەسمییەوە دەڵێ‮: ‬هەموو كورد لەگەڵ سەربەخۆبوونە ئیدی‮ ‬چ پێویست بە ریفراندۆمە؟‮!.
‬ئێمەش دەڵێین گەر وابێت ئینجا پێویستی‮ ‬بە ریفراندۆمە بۆ ئەوەی‮ ‬داوای‮ ‬گەلەكەمان لایەنی‮ ‬یاسایی‮ ‬وەرگرێ و تەنها داوای‮ ‬چەند حزبێك نەبێت،‮ ‬بەڵكو داوای‮ ‬هەموو گەلی‮ ‬كوردبێت لە هەرێمەكەمان،‮ ‬چونكە تا ئێستا كەم نین ئەوانەی‮ ‬دژایەتی‮ ‬هەموو ئەو هەوڵانە دەكەن و بەهەڵوێستی‮ ‬حزبێكی‮ ‬دیاریكراوی‮ ‬دەزانن‮ ‬،‮ ‬بۆیە بەو جۆرە رەفتارە بەرامبەر ئەو داخوازییە رەوایە دەكەن كە گەلەكەمان لە باشوور وا بۆ سەد ساڵ دەچێت خەباتی‮ ‬بۆ دەكات‮.
‬ریفراندۆم و پرۆسەی‮ ‬سەربەخۆیی‮ ‬پرسێكی‮ ‬نیشتمانیی‮ ‬چارەنووسسازە كۆدەنگی‮ ‬دەوێت بۆێە نابێ بە چاوی‮ ‬موعارەزە تێبڕواندرێت و مامەڵەی‮ ‬لەگەڵ بكرێت چونكە وا ئێستا دەبینرێت نەیارانی‮ ‬ئەم گەلە بە ئاشكرا چۆن دژایەتی‮ ‬ئەو داوا‮ ‬ڕەوایەی‮ ‬كە مافی‮ ‬هەموو گەلێكە دەكەن،‮ ‬ئیدی‮ ‬چۆن دەبێت لەنێوخۆشدا بەهەر پاساوێك بێت دژایەتی‮ ‬ئەم كارە پیرۆزە بكرێ كە دەچێتە خزمەتی‮ ‬ئەجیندای‮ ‬ناحەزانی‮ ‬ئەم گەلەوە‮.‬
گەر هەندێكیش وا تێگەیاندرابێت كە ئەم پرسە بێ دژایەتی‮ ‬و دوژمنایەتی‮ ‬لەلایەن ناحەزانەوە بەڕێوە دەچێت،‮ ‬ئەوا واقیع وا ناڵێت و هەموو ئەو گەلانەی‮ ‬بەم قۆناغە هەستیارەدا رۆیشتوون و بە ئامانج گەیشتوون دووچاری‮ ‬لەمپەرو دژایەتی‮ ‬بوون،‮ ‬بۆیە كاتێك وڵاتێك ناڕەزایی‮ ‬خۆی‮ ‬بەرامبەر ئەم پرسە دەردەبڕێت،‮ ‬مانای‮ ‬وانییە كە گەلەكەی‮ ‬ئێمە لەسەر هەق نییە،‮ ‬چونكە ئەم پرسە پرسی‮ ‬گەل خۆیەتی‮ ‬و دەبێت خۆی‮ ‬بڕیاری‮ ‬چارەنووسی‮ ‬خۆی‮ ‬بدات،‮ ‬دەنا سەدان ساڵی‮ ‬تریش هەر بە ژێردەستەیی‮ ‬دەمێنێتەوە هەڵیش هەموو رۆژێك ناڕەخسێت‮.‬
بۆیە دەبێت ئەو حزبانەش بە نەفەسی‮ ‬موعارزە لەگەڵ ئەم پرسەدا رەفتار نەكەن و بەرژەوەندی‮ ‬باڵای‮ ‬گەل كە خۆی‮ ‬لە سەربەخۆیدا دەبینێتەوە و ئاواتی‮ ‬هەموو تاكێكی‮ ‬كوردە بە هەند وەربگرن و ویژدانی‮ ‬خۆیان و لایەنگرانیان ئاسوودە بكەن‮.‬