بە داوەتێكی‮ ‬فەرمی‮ ‬رووسیا،‮ ‬شاندێكی‮ ‬باڵای‮ ‬حكوومەتی‮ ‬هەرێمی‮ ‬كوردستان بەشداری‮ ‬لە كۆڕبەندی‮ ‬ئابووری‮ ‬سانپێتەرسبورگ كرد كە تێیدا پێشوازییەكی‮ ‬گەرمیان لێكراو لە ئەنجامدا چەند رێككەوتننامەیەكی‮ ‬مێژوویی‮ ‬تێدا ئیمزا كرا،‮ ‬كە گوڕوتینێكی‮ ‬نوێ دەداتەوە بە ئابووری‮ ‬هەرێمی‮ ‬كوردستان كەوا بۆ چەندین ساڵە لە ئەنجامی‮ ‬بودجە بڕینی‮ ‬حكوومەتی‮ ‬عێراقی‮ ‬و شەڕی‮ ‬نەگریسی‮ ‬تیرۆریستانی‮ ‬داعش هاتۆتە كایەوە‮.‬
ئەم رێككەوتنە دوور مەودایەی‮ ‬كۆمپانیای‮ ‬رۆسنیفت كە بۆ ماوەی‮ ‬20‮ ‬ساڵە ئاسۆیەكی‮ ‬نوێ بەرامبەر بەرهەمێنانی‮ ‬نەوت و گاز لە هەرێمدا دەكاتەوە و برەوێكی‮ ‬زۆر باش بە كەرتی‮ ‬گازو نەوت دەدات كە چاوەڕوان دەكرێ لەماوەیەكی‮ ‬نزیكدا ئەنجامەكەی‮ ‬بە ئاشكرا ببینرێت و باری‮ ‬گوزەرانی‮ ‬خەڵك و دۆخی‮ ‬ئابووری‮ ‬هەرێم بەرەو پێش بەرێت‮.‬
رووسیاو كورد پەیوەندیەكی‮ ‬مێژوویی‮ ‬دوورو درێژ لەنێوانیاندا هەیە ئەگەرچی‮ ‬ئەو پەیوەندیە بەهەورازو نشێوی‮ ‬جیاوازدا تێپەڕیوە لەگەڵ ئەوەشدا لایەنی‮ ‬ئەرێنی‮ ‬گەلێك لە نەرێنی‮ ‬زیاتر بووە بۆیە سەركردایەتی‮ ‬هەرێمی‮ ‬كوردستان بە گەیشبینینەوە دەڕواننە ئەم پەیوەندیە نوێیەو هیوای‮ ‬ئایندەیەكی‮ ‬گەشی‮ ‬لێدەكەن بەو پێیەی‮ ‬رووسیا گەورە بەرهەمهێنەرێكی‮ ‬نەوت و گازە لە ئاستی‮ ‬جیهانداو شارەزایی‮ ‬و ئەزموونێكی‮ ‬زۆری‮ ‬ئابووری‮ ‬و تەكنیكی‮ ‬لەو بوارەدا هەیەو هەرێمیش خاوەنی‮ ‬سامانێكی‮ ‬زۆرە لەبواری‮ ‬نەوت و گازدا بۆیە چاوەڕێ دەكرێ هەردوولا سوودمەند بن لەو سێكتەرەدا‮.‬
‮ ‬ئەم دیدارەش لەوەدایە كە حكوومەتی‮ ‬هەرێم بەسەربەخۆ بانگهێشتی‮ ‬ئەو دیدارە كراوە نەوەك بەشێك لە شاندی‮ ‬حكوومەتی‮ ‬عێراقی‮ ‬و رێككەوتنەكانیش لەگەڵ خودی‮ ‬حكوومەتی‮ ‬هەرێمدا ئیمزا كراون كە ئەوەش هەر ئەوە دەگەیەنێت كە هەرێم وەك دەوڵەتێكی‮ ‬سەربەخۆ مامەڵەی‮ ‬لەگەڵ كراوە كە ئەوەش لێكدانەوەی‮ ‬خۆی‮ ‬دەوێت بەتایبەتی‮ ‬كە كۆمپانیای‮ ‬رۆسنەفت لە‮ ‬٪60‮ ‬بەشەكانی‮ ‬موڵكی‮ ‬خودی‮ ‬حكوومەتی‮ ‬رووسیایە‮.‬
لایەنێكی‮ ‬گرنگی‮ ‬تری‮ ‬ئەم رێككەوتننامەیە ئەوەیە كە ئیدی‮ ‬نیگەرانی‮ ‬راگرتن و لەمپەردانان لەبەردەم هەناردەكردنی‮ ‬نەوت لەرێگەی‮ ‬بۆڕییەوە بۆ بەندەری‮ ‬جیهان نامێنێ چونكە وڵاتێكی‮ ‬گەورەو بەهێزی‮ ‬وەكو رووسیا لەپرۆسەی‮ ‬هەناردەكردنی‮ ‬نەوت بۆ بەندەری‮ ‬جیهان بەشدار دەبێ و بەو پێیەش گەرەنتی‮ ‬و متمانە بە هەناردەكردنی‮ ‬نەوت دەدات‮.‬
ئەم رێككەوتنە لەگەڵ رووسیا و رێككەوتنەكانی‮ ‬هەرێم لەگەڵ كۆمپانیا ئەمەریكی‮ ‬و بیانیەكانی‮ ‬تردا فرە مۆڵەتێك بەهەرێم دەدات لە بەرهەمهێنانی‮ ‬و هاوردەكردن و بازرگانی‮ ‬نەوتدا و بەو پێیەش گەرەنتی‮ ‬بە باشبوونی‮ ‬دۆخی‮ ‬ئابووری‮ ‬هەرێم دەدات كەوا چاوەڕوان دەكرێت بەزوویی‮ ‬ئەنجامەكەی‮ ‬لە بژێو و مووچەی‮ ‬كارمەندانی‮ ‬حكوومەتدا رەنگ بداتەوەو بازاڕی‮ ‬هەرێم بخاتەوە گەڕ‮.‬
بەڵام بەداخەوە ئەم سەركەوتنە گەورەیەی‮ ‬شاندی‮ ‬هەرێم لای‮ ‬هەندێك زڕە سیاسی‮ ‬و بڕێك قەڵەم وەشێن زۆر خراپ دژایەتی‮ ‬دەكرێ كە دەگاتە ئاستی‮ ‬دوژمنایەتی‮ ‬كە هەر ئەوەش لەو جۆرە زڕە سیاسی‮ ‬و قەڵەم فرۆشانە رەچاو دەكرێت‮.‬