گەلی‮ ‬كورد لە باشووری‮ ‬كوردستان وا بۆ سەدەیەك دەچێت،‮ ‬خەبات و شۆڕش و قوربانی‮ ‬دەدات لەپێناو مافە زەوتكراوەكانی‮ ‬لەم عێراقە بە زۆر پێكەوە لێكنراوەداو لەپێناو بەدەستهێنانی‮ ‬زۆنێكی‮ ‬ئارام بۆ خۆی‮ ‬كە ئیدی‮ ‬حكوومەتە‮ ‬یەك لەدوای‮ ‬یەكەكانی‮ ‬بەغدا بە پاساوی‮ ‬بێ مانای‮ ‬جۆراو جۆر نەتوانێت هێرش بكاتەسەری‮ ‬و كارەساتەكانی‮ ‬لەگەڵ دووبارە بكاتەوە‮. ‬
هەر لە شۆڕشەكانی‮ ‬شێخی‮ ‬نەمر و هەوڵی‮ ‬دامەزراندنی‮ ‬حكوومەتێكی‮ ‬كوردی‮ ‬تا دەگاتە بەرخودان و‮ ‬ڕاپەڕینەكانی‮ ‬بارزان و شۆڕشی‮ ‬ئەیلوول و شۆڕشەكانی‮ ‬دوای‮ ‬نسكۆ هەر هەمووی‮ ‬لەپێناو ئەو ئامانجە پیرۆزەدابووە كە كورد ئیدی‮ ‬خۆی‮ ‬حوكم بەسەر خاك و خەڵكی‮ ‬خۆیدا بكات‮.
‬ئەو مۆڵەتەش لەمەودوا لەڕاپەڕینی‮ ‬ساڵی‮ ‬1991ەوە بۆ گەلەكەمان‮ ‬ڕەخسا كە توانی‮ ‬لەڕێگەی‮ ‬هەڵبژاردنەوە حكومەت و پەرلەمان و دامودەزگای‮ ‬دەوڵەتی‮ ‬دابمەزرێنێ و بۆ‮ ‬یەكەمین جار پەیوەندی‮ ‬نێودەوڵەتی‮ ‬پەیدا بكات و جارێكی‮ ‬دیكە هەرێمی‮ ‬كوردستانی‮ ‬وێرانكراو ئاوەدان بكاتەوە كە ئەمڕۆ بەراورد ناكرێت لەگەڵ بارودۆخی‮ ‬هەرێم لەپێش‮ ‬ڕاپەڕیندا لەهەموو بوارە جیاجیاكاندا كە‮ ‬ڕەنگە بە تەواوی‮ ‬لەگەڵ داخوازی‮ ‬گەلەكەشماندانەبێت،‮ ‬بەڵام ئەو بەرەوپێشەوەچوونە لەهەموو بوارەكاندا لە هەرێم ناتوانرێت نكۆڵی‮ ‬لێبكرێت‮. ‬ ڕاستە ئێستا لەئەنجامی‮ ‬ئەو گەمارۆیەی‮ ‬بەغدا كە لە‮ ‬2014ەوە خستۆیەتیەسەر هەرێم بادۆخی‮ ‬ئابووری‮ ‬هەرێم تووشی‮ ‬قەیرانێكی‮ ‬جددی‮ ‬بووە لەگەڵ ئەوەشدا لەسەرپێی‮ ‬خۆی‮ ‬ڕاوەستاوە و لێبڕاوانە شەڕی‮ ‬داعش دەكات كە بۆتە مایەی‮ ‬سەرسامی‮ ‬هەمو جیهان بە ئازایەتی‮ ‬پێشمەرگەو خۆڕاگرتنی‮ ‬خەڵكی‮ ‬هەرێم‮.
‬ كەچی‮ ‬ئێستا هەندێك زڕە‮ ‬ڕۆژنامەنووس و بەحساب‮ ‬ڕۆشنبیر‮- ‬كە لەڕاستیدا تاریكبیرن‮ - ‬و هەندێ كۆلكە سیاسی‮ ‬و چەندین‮ ‬ڕۆژنامە و گۆڤار و سایتی‮ ‬بێ دایك و باوك،‮ ‬كاری‮ ‬سەرەكییان بۆتە دژایەتی‮ ‬حكوومەت و بە ئاستێك لێی‮ ‬دەخوێنن كە لە دووژمنان و نەیارانی‮ ‬هەرێمیان تێپەڕاندووە‮.
‬ ئەوەتا پێشكەشكارێكی‮ ‬تەلەفزیۆنی‮ ‬لەنووسینێكدا زۆر بەڕاشكاوی‮ ‬دەڵێت‮: (‬با دڵخۆشبین بە كۆتاییهاتنی‮ ‬حكوومەتی‮ ‬كوردی‮)! ‬وەكو گەلەكەمان زۆر خێری‮ ‬لە داگیركاران دیبێت و سوودمەند لەژێر دەستەیی‮ ‬بووبێت‮. ‬تۆ بڵێی‮ ‬ئەمانە جارێكی‮ ‬دیكە تامەزرۆی‮ ‬ئەنفال و كیمیاباران و‮ ‬ڕاگواستن و گۆڕینی‮ ‬دیموگرافیای‮ ‬هەرێم بن؟
ئەمە چ هزرێكی‮ ‬چەوت و چ دیدێكی‮ ‬نا كوردانە پەروەردەی‮ ‬كردوون كەوا بیانەوێ بەدەستی‮ ‬خۆیان كۆتایی‮ ‬بە حكوومەتی‮ ‬كوردی‮ ‬بهێنن‮. ‬ئەمە چ جۆرە پەروەردەیەكی‮ ‬سیاسییە كە مرۆڤ ئاوا دژە گەل و وڵاتی‮ ‬خۆی‮ ‬پەروەردە دەكات كە وا بێ شەرمانەو بێ گوێدانە ئەو لافاوی‮ ‬خوێنی‮ ‬شەهید و قوربانیدانە ئاوا ناماقوڵی‮ ‬بەرامبەر دایكی‮ ‬شەهیدان و جگەر سووتاوان بكات‮.‬