ئەمە ناونیشانی‮ ‬بەرنامەیەك بوو لەتەلەفزیۆنی‮ ‬بەغدا لەساڵانی‮ ‬حەفتاكانی‮ ‬سەدەی‮ ‬پێشوودا پێشكەش دەكراو مەبەستیش لەو بەرنامەیە ئاگاداركردنەوەی‮ ‬هاوڵاتیان بوو لە ژنە گیرفانبڕەكان و هەمیشە وێنەی‮ ‬چەند ئافرەتێكی‮ ‬لەو جۆر نیشاندەدا كە بەعەبایەكی‮ ‬رەشەوە و تەنها چاوێكیان دیاربوو‮.‬
ئەوسا حكومەت كە دیكتاتۆریش بوو ئەوەندە‮ ‬یارمەتی‮ ‬هاووڵاتیانی‮ ‬دەدا كە هەر نەبێت ژنە گیرفانبڕەكان بناسن و ئاگاداری‮ ‬خۆیان بن‮.‬
كەچی‮ ‬لەم رژێمە تازەیەی‮ ‬لەعێراقدا كە پاش حكومەتی‮ ‬دیكتاتۆری‮ ‬هاتەكایەوە،‮ ‬دەبینین كۆمەڵێك كە لەسەرو سیماو بەرگ و پۆشاك و رەفتاریاندا هەر لەو گیرفانبڕانە دەچن كە لەپەرلەمانی‮ ‬بەغدا دا رۆژانە دێنە پێش چاوو لەسەر شاشەی‮ ‬تەلەفزیۆن بەسەر گەلەكەماندا دەڕشێنەوە‮.‬
ئەوەتا نوێترینیان بەناوی‮ (‬عەتاب الدوری‮) ‬كە پەرلەمانتارە لەسەر لیستەكەی‮ ‬بەرێز عەللاوی‮ ‬و دژایەتی‮ ‬خۆی‮ ‬بەم شێوە بازاڕییە لەسەر شاشەی‮ ‬تەلەفزیۆنی‮ ‬بەغدا نیشاندەدات و دەڵێ‮: ‬ئەمانە‮ -‬مەبەستی‮ ‬كوردە‮- ‬لە ماستی‮ ‬ئەربیل و كەبابی‮ ‬سلێمانی‮ ‬زیاتر چی‮ ‬یان هەیە تا داوای‮ ‬دەوڵەتی‮ ‬سەربەخۆ بكەن‮.‬
ئەمانە گەرچی‮ ‬هەڵوێستی‮ ‬زۆر شۆڤینی‮ ‬و نشانەی‮ ‬عەقڵی‮ ‬دواكەوتووە و تێنەگەیشتنە لەمافی‮ ‬گەلان و دیموكراسی‮ ‬و ئێستا لەسەردەمی‮ ‬رژێمی‮ ‬نوێی‮ ‬عێراقدا برەوی‮ ‬زیاتری‮ ‬پێدەدرێ و بەرگی‮ ‬جۆراجۆری‮ ‬لەبەر دەكرێت لەگەڵ ئەوەشدا هێشتا ئەهوەنترە لە هەڵوێستی‮ ‬هەندێ بە حساب رۆشنبیرو و رۆژنامەنووس و ستراتیژناس و مەلای‮ ‬بێ عەمامەی‮ ‬لای‮ ‬خۆمان كە زۆر زیاتر لەو ئافرەتە داپۆشراوانە دژایەتی‮ ‬سەربەخۆیی‮ ‬و دەوڵەتی‮ ‬كوردی‮ ‬و ریفراندۆم دەكەن‮.‬
ئەمانەی‮ ‬لای‮ ‬خۆمان هەر بۆ ساركردنەوەی‮ ‬هاووڵاتیان و دوودڵكردنیان لەسەربەخۆیی‮ ‬بۆ هەموو پاساو و رایەكی‮ ‬دژ بە خۆمان دەگەڕێن و بەشانازییەوە لەگۆڤارو رۆژنامە و شاشەی‮ ‬تەلەفزیۆنەكانیان بڵاوی‮ ‬دەكەنەوە بە ئاستێك دژی‮ ‬گەلەكەمان و هیواو داخوازییەكانیەتی‮ ‬كەڕووی‮ ‬سەدان ئافرەتی‮ ‬لەو جۆرانە سپی‮ ‬دەكەنەوە‮.‬
ئەوە نییە كۆنە نوێنەرێكی‮ ‬هەرێم لەواشنتۆن دەڵێ بە ئەمریكامان وتووە ئەو شاندانەی‮ ‬كە لەهەرێمی‮ ‬كردستانەوە دێن نوێنەری‮ ‬گەلی‮ ‬كوردنین و بەڵكو نوێنەری‮ ‬حزبێكی‮ ‬دیاری‮ ‬كراون‮!!.‬
جا گەر ئەو عەبا بەسەرانەی‮ ‬نێو پەرلەمانی‮ ‬عێراق بەمەبەستی‮ ‬داكۆكی‮ ‬لە‮ ‬یەكپارچەیی‮ ‬عێراق و حكوومەتی‮ ‬مەركەزی‮ ‬بەو جۆرە رك و كینە هەڵبڕێژن و بیانەوێ وەك پێشوو هەر خۆیان باڵا دەست بن و سەیری‮ ‬كورد هەروەكو برا گچكە بكەن و گەلی‮ ‬كورد بە شایستەی‮ ‬هیچ شتێك نەزانن ئەوەندە گلەیی‮ ‬لە‮ (‬عەتاب‮) ‬و هاورێیانی‮ ‬ناكرێ وەك لەهەڵوێستی‮ ‬ئەوانەی‮ ‬دژە سەربەخۆیی‮ ‬و مافی‮ ‬ڕەوای‮ ‬گەلەكەمانن بۆ ئازادی‮ ‬سەرفرازی‮ ‬و داهاتوویەكی‮ ‬گەش دەكرێ و و نابێ نەشكرێ،‮ ‬بۆیە دەبێت ئێمەش ووریای‮ ‬ئەمانەی‮ ‬نێو خۆمان بین،‮ ‬چونكە هەڵوێستی‮ ‬ئەمانە زۆر لەوەی‮ ‬ئەوان،‮ ‬ترسناكترە‮.‬