پ.ك.ك دیارە سیاسەتی‮ ‬دوژمنكارانەی‮ ‬خۆی‮ ‬لەمەڕ‮ ‬دۆزی‮ ‬نەتەوەی‮ ‬كورد كە خۆی‮ ‬لە سەربەخۆییدا دەبینێتەوە و لەوپێناوەشدا لێشاوێك خوێن و قوربانی‮ ‬داوە،‮ ‬نەشاردۆتەوە و هەر جارەو زاتێك دێتە سەرخەت و شەكرەكانی‮ ‬بەكلۆی‮ ‬گەورە دەشكێنێ و ئاهێك بەداگیركەرانی‮ ‬كوردستان و هیوایەكی‮ ‬لەرزۆكیان پێ دەبەخشێت‮. ‬سەردەمێك دەوران كەلكان كە بە رەگەز كوردیش نییە بانگەشەی‮ ‬ئەوەی‮ ‬دەكرد كە كورد نەتەوە نییە و نەیارانی‮ ‬ناوخۆی‮ ‬هەرێمیش پەسەندیان دەدا و وتە قێزەونەكانی‮ ‬بە خۆشحاڵیەوە بڵاودەكرایەوە و دەمانێك رەزا تەنەكەیەك كە خۆی‮ ‬بە رەزا ئاڵتون دەناساند،‮ ‬بەسەر گەلەكەماندا دەڕشایەوە و نەفرەتی‮ ‬لە خاك و ئاڵامان دەكرد‮.‬
وا ئێستاش زاتێكی‮ ‬تر بەناوی‮ ‬قەیتانەوە – عەلی حەیدەر قەیتان- هاتووە وەك ئەندامی‮ ‬كۆنسەی‮ ‬بەڕێوەبەرایەتی‮ ‬كەجەكە خۆی‮ ‬پێشكەش دەكات و لە دیمانەیەكدا لەگەڵ میدیای‮ ‬حزبەكەی‮ ‬دەڵێ‮: ‬ئێمە دژی‮ ‬دروستبوونی‮ ‬دەوڵەتی‮ ‬نەتەوەیی‮ ‬دیكەین لە رۆژهەڵاتی‮ ‬ناوەڕاست كە مەبەستی‮ ‬تەنها كوردە و‮ »‬رێگە بە دروستبوونی‮ ‬نادەین‮«.‬
جا ئەم قەیتانە لەوە زیاتریش پێی‮ ‬لێ هەڵدەبڕێت و ئێزدی‮ ‬و هەورامی‮ ‬و كەركووك لە كوردستان و كورد جیا دەكاتەوە و دەڵێت ناهێلێن بیانكەنە كورد‮!‬
هاوكات چوار پەرلەمانتاری‮ ‬كوردیش بەناوی‮ ‬پەرلەمانەوە روو دەكەنە ئەوروپا و سكاڵای‮ ‬خۆیان لە هەرێم و دەسەڵات دەكەن و داوای‮ ‬پشتگیری‮ ‬لە پەرلەمانی‮ ‬ئەوروپا دەكەن كە وەك لە روونكردنەوەی‮ ‬نوێنەری‮ ‬حكوومەتی‮ ‬هەرێم لە ئەوروپادا هاتووە كە ئەمانە لەسەر بانگهێشتی‮ ‬پەرلەمانی‮ ‬ئەوروپا نەبووە و لەلایەن نوێنەرایەتی‮(‬HDP‮) ‬لە برۆكسڵ بووە بۆ سیمنارێك كە تایبەتە بە كوردە فەیلیەكیان و پ.ك.ك زوو زوو رێكیدەخات و لە چوارچێوەیەكی‮ ‬بچوكدایە و هەندێك چەپە گروپی‮ ‬نێو پەرلەمانی‮ ‬ئەوروپا پشتگیری‮ ‬دەكەن و جێی‮ ‬بایەخ نین و ئەمانیش تەنها بۆ ناشیرینكردنی‮ ‬باردۆخی‮ ‬هەرێم لەبەرچاوی‮ ‬ئەوروپیەكان و هیچیتر،‮ ‬چونكە پەرلەمانی‮ ‬ئەوروپا خۆیان زۆر چاك ئاگاداری‮ ‬بارودۆخی‮ ‬هەرێمن و پێویستیان بەو روونكردنەوە لاوازە و بە ئینگلیزییە شەق و شڕە نیە كە لە رێگەیەوە ئاگاداری‮ ‬هەرێمی‮ ‬كوردستان بن‮.‬
ئەمانە كە وەك دەردەكەوێت هەندێكیان بەبێ ئاگاداری‮ ‬حزبەكەیان و فراكسیۆنەكەشیان بەشدارییان كردووە‮.‬
قەیتان و هاوبیرانی‮ ‬بەجۆرێك دژایەتی‮ ‬داخوازییەكانی‮ ‬هەرێم دەكەن و ئەمانیش بەم جۆرەی‮ ‬خۆیان،‮ ‬كە لەڕاستیدا هەردووكیان هەر هەوڵە بۆ لەباربردنی‮ ‬پرسی‮ ‬سەربەخۆیی‮ ‬و پەیداكردنی‮ ‬دوژمنە بۆ دۆزی‮ ‬كورد كە سەدان ساڵە قوربانی‮ ‬بۆ دەدات و ئەمانیش هاوتەریب لەگەڵی‮ ‬دەڕۆن‮.
‬لەكۆتاییدا دەڵێین قەیتان و حزبەكەی‮ ‬وەك‮ ‬MHP‮ ‬و بگرە خراپتریش بیر دەكەنەوە و ئەو چوار پەرلەمانتارەش وەك‮ ‬PKK،‮ ‬بۆیە هەردووكیان هەر ئاو دەكەنە ئاشی‮ ‬نەیارانی‮ ‬هەرێم و سەربەخۆییەوە‮.‬