پرسی‮ ‬سەربەخۆیی،‮ ‬پرسی‮ ‬تاكە حزب و لایەنێك دوو لایەن نییە،‮ ‬بەڵكو پرسی‮ ‬هەموو گەلە،‮ ‬بۆیەش داوا دەكرێت كە ئەو مەسەلەیە لە‮ ‬ڕیفراندۆمێكی‮ ‬سەرتاسەریدا‮ ‬یەكلایی‮ ‬بكرێتەوە،‮ ‬گەر نا و بەتەمابێت هەموو حزبە ناكۆكەكان لەسەر ئەم پرسە‮ ‬یەك‮ ‬ڕاو هاوڕابن بۆ ئەمڕۆی‮ ‬هەرێمی‮ ‬كوردستان گەڵێك سەختە،‮ ‬هەر بۆیەش دەبێت چارەسەرێكی‮ ‬تر بۆ ئەم ناكۆ دەنگییەی‮ ‬حزبەكانی‮ ‬هەرێم بدۆزرێتەوە كە باشترینیان تەنها راپرسییەكی‮ ‬گشتگیرە كە تێیدا گەل‮ - ‬نەك تەنها حزبەكان‮ - ‬بڕیاری‮ ‬چارەنووسسازی‮ ‬خۆی‮ ‬دەدات‮.

‬بۆیە مەرج نییە ئێستا ئەو نیگەرانییە لەناو خەڵكیدا بڵاوبكرێتەوە كە مادام حزبەكان لەسەر ئەم مەسەلەیە كۆك نین ئەوا كاتی‮ ‬راگەیاندنی‮ ‬سەربەخۆیی‮ ‬نییە،‮ ‬هەر چەند تائێستا هیچ حزبێك جورئەتی‮ ‬ئەوەی‮ ‬نەكردووە كە دژی‮ ‬سەربەخۆیی‮ ‬هەرێم بە ئاشكرا هەڵوێست وەربگرێت‮.

‬دیارە حزبەكانی‮ ‬هەرێمی‮ ‬كوردستان هەریەكە و لەدیدو بەرژەوەندی‮ ‬خۆی‮ ‬و پەیوەندییەكانی‮ ‬لەو مەسەلەیە دەڕوانێت بۆیە ئاساییە گەر‮ ‬ڕایان وەك‮ ‬یەك نەبێت‮.‬ جا بۆ ئەوەی‮ ‬ئەو كارە چارەنووسسازە كە داهاتووی‮ ‬گەلەكەمان بەندە پێوەی،‮ ‬هیچ حزبێك بە تەنیا ئەو ئەركە نەخاتە سەرشانی‮ ‬خۆی،‮ ‬چونكە تا ئێستا لای‮ ‬هەندێك وا پێناسە دەكرێ كە ئەمە‮ - ‬ئەگەرچی‮ ‬خواستی‮ ‬هەموو گەلە‮ - ‬تەنیا حزبێك دەیەوێت بیكات و سەروەری‮ ‬بۆی‮ ‬خۆی‮ ‬تۆمار بكات‮ ‬یان لای‮ ‬هەندێك هەر بە دروشم و پروپاگەندە‮ ‬یان داپۆشینی‮ ‬قەیران و بێ مووچەیی‮ ‬لە قەڵەمی‮ ‬دەدات‮.‬

بۆیە پێویستە حزبەكانی‮ ‬هەرێم گەر لەسەر هیچ مەسەلەیەك كۆك نەبوون ئەوا دەبێت لەسەر مەسەلەی‮ ‬ئەو گشتپرسییە بۆ راگەیاندنی‮ ‬سەربەخۆیی‮ ‬كۆك و تەبابن،‮ ‬چونكە ئەوسا ئیدی‮ ‬كەس بە كاری‮ ‬حزبەكەی‮ ‬یان حزبە نەیارەكەی‮ ‬لە قەڵەم نادات و كەسیش ناتوانێت بە تەنها ئەو سەركەوتنە بۆ حزبەكەی‮ ‬پێناسە بكات‮.‬

بۆیە كاتێك ئەو بڕیارە لەلایەن دانیشتوانی‮ ‬هەرێمی‮ ‬كوردستانەوە دەدرێت ئیدی‮ ‬ئەو كات ئەو حزبەی‮ ‬لایەنگری‮ ‬سەربەخۆیی‮ ‬ناكات و خوازیاری‮ ‬عێراقێكی‮ ‬یەكگرتووە‮ - ‬كە تازە بە هیچ جۆرێك‮ ‬یەك ناگرێتەوە‮ - ‬ئەوا دەتوانێت بنەو بارگەی‮ ‬بگوازێتەوە بۆ بەغدا كە ئیتر هیچ پەیوەندی‮ ‬بەهەرێمەوە نامێنێت‮.‬

بەڵام وەك مێژوو سەلماندوویەتی‮ ‬لەو وڵاتانەی‮ ‬راپرسی‮ ‬لەو بارەیەوە كراوە ئەوا ئیتر هەموو لایەك پابەندی‮ ‬رای‮ ‬زۆرینەی‮ ‬گەلەكەیان بوون و هەڵوێستی‮ ‬جیاوازیان نەنواندووە،‮ ‬بۆیە بڕوا ناكرێ حزبە كوردییەكانی‮ ‬هەرێمیش پەیوەستی‮ ‬ئەو ریسایە نەبن و دژی‮ ‬بڕیاری‮ ‬زۆرینەی‮ ‬گەلەكەیان بوەستن‮.‬

ئەوسا ئیدی‮ ‬ئەنجامی‮ ‬ئەو راپرسییە دەخرێتە بەردەمی‮ ‬جیهان كە ئەوە رای‮ ‬كوردە لە هەرێم و لە ئەنجامی‮ ‬سەدساڵ لە پێكەوە لكاندنی‮ ‬بە زۆرو پێكەوەژیانی‮ ‬سەرنەكەوتوو ئەو بڕیارەی‮ ‬داوە،‮ ‬بۆیە بڕوا ناكرێ هیچ وڵاتێك كە پابەندی‮ ‬مافی‮ ‬گەلەكەی‮ ‬خۆی‮ ‬و گەلانی‮ ‬جیهان بێت دژی‮ ‬بوەستێت‮.‬

لە كۆتاییدا دەڵێین سەربەخۆیی‮ ‬هەردەبێت گەل رایبگەیەنێت‮.‬