بارودۆخی‮ ‬عێراق رۆژ لە دوای‮ ‬رۆژ خراپتر دەبێت و ئەم راستییەش لای‮ ‬سیاسەتمەدارانی‮ ‬عێراقی‮ ‬عەرەبی‮ ‬زیاتر روون‮ ‬و ئاشكرا دەبێت بەتایبەتی‮ ‬لەنێو لایەنی‮ ‬شیعەدا كە ئێستا بە كردار ئەوان عێراق بەڕێوەدەبەن‮.‬
هەموو بە رووخاندنی‮ ‬رژێمی‮ ‬بەعس شاگەشگەبووین و هیوای‮ ‬عێراقێكی‮ ‬دیموكرات و فیدراڵ و فرەیی‮ ‬لە هزرماندا چەكەرەی‮ ‬دەكرد و چاوەڕوانی‮ ‬عێراقێكی‮ ‬نوێ بووین كە كوردیش تێیدا بە مافە زەوتكراوەكانی‮ ‬خۆی‮ ‬بگات و هەر لەسەر ئەم بناغەیەش كورد رووی‮ ‬كردە بەغدا و بەشداری‮ ‬لە حكوومەتی‮ ‬نوێدا كرد‮.‬
بەڵام بەداخەوە هەر زوو ئەو راستییەی‮ ‬بۆ دەركەوت كە برادەرانی‮ ‬دوێنێ كە هاوپەیمان و دۆستمان بوو و هەرێمی‮ ‬كوردستان بۆ ئەوان پەناو پشتیوان بوو كە دەسەڵاتیان گرتە دەست ئیدی‮ ‬هەڵوێستیان بەرامبەرمان گۆڕاو و وەك نەتەوەیەكی‮ ‬سەردەست مامەڵەیان دەكردین و رۆژ لە دوای‮ ‬رۆژ دەسەڵاتی‮ ‬كوردیان چ لە حكوومەت و چ لە سوپادا كەم دەكردەوە،‮ ‬بەتایبەتی‮ ‬لەنێو سوپای‮ ‬عێراقیدا كە دەبوو لەسەدا حەڤدە كەمتر نەبێ ئەمڕۆ لە سەدا دوو زیاتر نییە‮.‬
لە دەورانی‮ ‬نوری‮ ‬مالیكیدا رەوشەكە بەجۆرێكی‮ ‬ترسناك پەرەی‮ ‬سەند تا كار گەیشتە بڕینی‮ ‬بودجە و مووچە و نە تەنیا ئەوەش بەڵكو هەموو‮ ‬یارمەتیەكیان لە هێزی‮ ‬پێشمەرگەی‮ ‬هەرێمی‮ ‬كوردستان بڕی‮ ‬و تەنانەت ئەو چەكانەی‮ ‬بۆ پێشمەرگەش دەهاتن،‮ ‬دەستی‮ ‬بەسەردا دەگیراو نەدەنێردرا ئەمەش لە كاتێكدا پێشمەرگە قارەمانەكانی‮ ‬كوردستان لە شەڕێكی‮ ‬گەورەدا بوون لەگەڵ دەوڵەتی‮ ‬تیرۆریستی‮ ‬بەحساب خەلافەتی‮ ‬ئیسلامی،‮ ‬هەر ئەم بارودۆخە نالەبارە و هەستكردنی‮ ‬هەندێ لایەنی‮ ‬شیعی‮ ‬بەو ناهەقیانەی‮ ‬دەرهەق ئێمەی‮ ‬كورد كراوە وای‮ ‬لە عەمار حەكیم‮ - ‬كە خۆی‮ ‬وەك دۆستێكی‮ ‬گەلی‮ ‬كورد نیشان دەدات‮ - ‬لەگەڵ شاندێكی‮ ‬یاوەری‮ ‬بێنە هەرێم و بە پرۆژەیەك لەژێر ناوی‮ (‬التسویە الوگنیە‮) ‬دەیانەوێ دانوستاندن لەگەڵ بەرپرسانی‮ ‬هەرێمدا بكەن بەو حسابەی‮ ‬دەیانەوێ عێراقێكی‮ ‬نوێ و‮ ‬یەكگرتوو بونیاد بنێنەوە‮.‬
لە راستیدا پرۆژەكە ئەگەرچی‮ ‬لەژێر ئەو ناوەشدایە بەڵام دوورو نزیك باسی‮ ‬هەرێم و گرفتەكانی‮ ‬نێوان بەغدا‮ ‬و هەرێم ناكات و بەجۆرێك داڕێژراوە كە مرۆڤ هەست دەكات بۆ دژایەتی‮ ‬داوا رەواكەی‮ ‬گەلی‮ ‬كورد بێت كە دەیەوێت لەگەڵ عێراقدا بە ئاشتیانە باسی‮ ‬سەربەخۆیی‮ ‬بكات چونكە لە زۆر بڕگەی‮ ‬ئەو پرۆژەیەدا زوو زوو ئاماژە بە عێراقێكی‮ ‬یەكگرتوو دەدات و لە هەندێ بڕگەی‮ ‬لاستیكیشدا بەجۆرێكی‮ ‬زیرەكانە دژایەتی‮ ‬پێشمەرگە دەكات‮.
‬ئێمە لە ماوەی‮ ‬سەدەیەكدا،‮ ‬حكوومەتە جیاجیاكانی‮ ‬بەغدامان تاقی‮ ‬كردەوە،‮ ‬هەر لە پاشایەتییەوە تا كودەتاو حوكمی‮ ‬سەربازیی،‮ ‬هەموو بە جۆرێك لە جۆرەكان هەر دژایەتی‮ ‬داوا رەواكانی‮ ‬گەلەكەمانیان دەكرد و لە‮ ‬2003شەوە ئەوەتا خۆمان بە چاوی‮ ‬خۆمان رەوشەكە دەبینین، بۆیە سوپاسی‮ ‬مەرامی‮ ‬ئەرێنی‮ ‬ئەم شاندە دەكەین و دەڵێین‮: ‬چارەسەری‮ ‬راستەقینە و‮ ‬یەكجارەكی‮ ‬هەر لە سەربەخۆییدا خۆی‮ ‬دەبینێتەوە و چارەسەری‮ ‬نیوەچل دادی‮ ‬گەلەكەمان ئیدی‮ ‬نادات‮.‬