توێژی‮ ‬خانەنشینان لەجیهانی‮ ‬دیموكراتیدا،‮ ‬رێزێكی‮ ‬زۆریان لێدەگیرێ و بایەخی‮ ‬باشیان‮ ‬پێدەدرێت،‮ ‬چونكە ئەو راستیە دەزانن كە ئەو توێژە تەمەنێكی‮ ‬دوورو درێژیان هەریەك لەبواری‮ ‬خۆیدا بۆ خزمەتكردنی‮ ‬وڵاتیان سەرف كردووە هەر بۆیەش لەهەموو شوێنێك رێزیان لێدەگیرێ و بەچاوی‮ ‬قەدرزانینەوە سەیریان دەكرێت،‮ ‬ئەمە سەرەڕای‮ ‬ئەوەی‮ ‬كۆمەڵێك ئیمتیازاتی‮ ‬تایبەتی‮ ‬یان پێدەدرێ كە هەم وەك پاداشت و هەم وەك‮ ‬یارمەتی‮ ‬لێیدەڕوانرێت بۆ نموونە خانەنشینان نرخی‮ ‬داشكاویان هەیە لەسواربوونی‮ ‬ترام و شەمەندەفەرو ئامرازەكانی‮ ‬گواستنەوە،‮ ‬هەروەها لەڕووی‮ ‬تەندروستییەوە بایەخی‮ ‬تایبەتییان پێدەدرێت، ئەمە جگە لەوەی‮ ‬كۆمەڵگاش خۆی‮ ‬هەمیشە بەوپەڕی‮ ‬قەدرزانییەوە تەماشایان دەكات‮، كەچی‮ ‬لەنێو كۆمەڵگای‮ ‬ئێمە بە پێچەوانەیەو هیچ بایەخێك بەم توێژە گرنگە نادرێت و لە زۆر بۆنەشدا پشتگوێ دەخرێت و وەك پەككەوتە سەیری‮ ‬دەكرێت.

‬ئەوەی‮ ‬پاڵی‮ ‬پێوە نام لەسەر ئەم مەسەلەیە بدوێم،‮ ‬هەڵوێستی‮ ‬حكومەتی‮ ‬هەرێمەكەمانە سەبارەت بەم توێژە كە لەوە ناچێت بایەخێكی‮ ‬ئەوتۆیان پێبدات،‮ ‬ئەوە نییە بۆ مەسەلەی‮ ‬مانگانەو دابینكردنی‮ ‬بژیویان هەمیشە لەدوای‮ ‬دواوەیە وەك ئەمانە سەرچاوەی‮ ‬دیكەی‮ ‬بژێویان هەبێت‮.‬ ئەوەتا ئێستا لیستی‮ ‬مووچەی‮ ‬هەموو وەزارەتەكان و دامودەزگاكانی‮ ‬حكومەتی‮ ‬هەرێم بڵاوكراوەتەوەو رۆژی‮ ‬پێدانی‮ ‬مووچەیان بۆ دیاریكراوە تەنها خانەنشین و هەندێ توێژی‮ ‬دیكە نەبێت‮. ‬

حكومەتی‮ ‬هەرێم پێویستە چاوێك بەم هەڵوێستەیدا بخشێنێتەوەو مافی‮ ‬ئەم توێژەش دەستەبەر بكات و لەگەڵ ئەوانی‮ ‬دیكەدا حسابیان بۆ بكات بۆ ئەوەی‮ ‬ئەوانیش هەست بە جیاوازی‮ ‬و پەراوێزخستن نەكەن‮.‬ هەر لێرەدا پێویستە حكومەت چاوێك بە لیستی‮ ‬خانەنشیناندا بگێڕێتەوەو ئەوانەی‮ ‬بەبێ هۆ پلەی‮ ‬بەرزی‮ ‬خانەنشینیان پێدراوە كە رۆژێك لەرۆژان كارێكی‮ ‬حكومییان نەكردووەو لەسەر كورسی‮ ‬وەزیفەدانەنیشتوون لە لیستی‮ ‬خانەنشینان هەڵاوێردێ و بسڕێتەوە چونكە زۆربەی‮ ‬هەرە زۆری‮ ‬ئەو زاتانەی‮ ‬بەو پلە باڵایانە خانەنشین كراون پلەی‮ ‬حزبی‮ ‬باڵایان هەیەو لەلایەن حزبەكانیانەوە مانگانەی‮ ‬باشیان پێدەدرێت،‮ ‬بۆیە ئیدی‮ ‬كاتی‮ ‬ئەو هاتووە بڕیارێكی‮ ‬بوێرانە لەو بارەیەوە بدرێت كە خزمەتێكی‮ ‬گەورە بەباری‮ ‬ئابووری‮ ‬هەرێم لەم كاتی‮ ‬قەیرانی‮ ‬داراییەدا دەكات،‮ ‬چونكە كاتێك مرۆڤ جەمع وتەرحێكی‮ ‬ئەو مەبلەغە زۆرانەی‮ ‬ئەو پلە باڵایانە دەكات سەری‮ ‬لە بەهەدەردانی‮ ‬سامانی‮ ‬ئەم گەلە سڕدەمێنێت كە دەتوانرا هەر بەو مەبلەغانە خزمەتی‮ ‬فەرمانبەری‮ ‬كەم دەرامەت و خاوەن پێویستییە تایبەتیەكان و كەم ئەندامان بكات‮.‬ بێدەنگی‮ ‬و ئارامی‮ ‬و خۆڕاگری‮ ‬توێژی‮ ‬خانەنشینان شایستەی‮ ‬ئەوەیە كە حكوومەت بەچاوی‮ ‬رێزو تەقدیرەوە تێی‮ ‬بڕوانێت و وەك توێژەكانی‮ ‬تری‮ ‬كۆمەڵ سەیرو مامەڵەیان لەگەڵ بكات‮.‬ ئەمانە وەك پێشنیار دەخەینە بەردەم ئەنجوومەنی‮ ‬وەزیران،‮ ‬بەو هیوایەی‮ ‬بایەخی‮ ‬پێبدرێ و بەپێی‮ ‬تواناش جێبەجێ بكرێت‮.‬