لەسەر بانگهێشتی‮ ‬كۆڕبەندی‮ ‬ئابووری‮ ‬جیهانی‮ ‬لە شاری‮ ‬سان پێتەرزبۆرگ لە رووسیا سەرۆك وەزیرانی‮ ‬حكوومەتی‮ ‬هەرێمی‮ ‬كوردستان بە‮ ‬یاوەری‮ ‬شاندێكی‮ ‬باڵای‮ ‬حكوومەت رۆژی‮ ‬6/16‮ ‬بەشداری‮ ‬كردو لەگەڵ وەزیری‮ ‬دەرەوەی‮ ‬رووسیا،‮ ‬سێرگی‮ ‬لاڤرۆڤ كۆبووەوەو سەبارەت بە پەیوەندییەكانی‮ ‬هەرێمی‮ ‬كوردستان و دەوڵەتی‮ ‬رووسیا ئاخاوتن و هەردوولا خوازیاری‮ ‬بەرەپێدانی‮ ‬پەیوەندییەكانی‮ ‬هەردوولا بوون و سەرۆك وەزیرانی‮ ‬هەرێمی‮ ‬كوردستان سوپاسی‮ ‬گەل و حكوومەتی‮ ‬رووسیای‮ ‬بۆ ئەو هاوكارییە سەربازیانە كرد كە لە شەڕی‮ ‬دژی‮ ‬تیرۆریستانی‮ ‬دەوڵەتی‮ ‬ئیسلامی‮ ‬داعشدا نێردرا بوون و هیوای‮ ‬خواست كە ئەو هاوكاریانە بەردەوام بن،‮ ‬هەروەك كارەكانی‮ ‬كۆمپانیای‮ ‬گازپڕۆمی‮ ‬بەرز نرخاندو ئاماژەی‮ ‬بەوەشدا كە هەبوونی‮ ‬كونسوڵخانەی‮ ‬رووسیا لە هەولێر نیشانەی‮ ‬توندوتۆڵ بوونی‮ ‬پەیوەندییەكانی‮ ‬هەولێر و مۆسكۆیە‮.‬
هەروەها سەرۆك وەزیرانی‮ ‬هەرێم لەمیانەی‮ ‬سەردانەكەیدا لەگەڵ بەڕێز ئەلیكساندەر نۆڤاك وەزیری‮ ‬وزەی‮ ‬رووسیا كۆبووەوە كە خۆشحاڵی‮ ‬خۆی‮ ‬نیشاندا بە بەشداری‮ ‬شاندی‮ ‬هەرێمی‮ ‬كوردستان لەو كۆڕبەندە جیهانیەداو ئاماژەی‮ ‬بەوەشدا كە دەكرێ لە داهاتوودا پەرە بە بوارەكانی‮ ‬دیكەش بدرێ لە بواری‮ ‬وزەدا‮.
‬ لەلای‮ ‬خۆشیەوە سەرۆك وەزیرانی‮ ‬هەرێمی‮ ‬كوردستان پوختەیەكی‮ ‬لە بارودۆخی‮ ‬سیاسی‮ ‬هەرێمی‮ ‬كوردستان و قەیرانی‮ ‬دارایی‮ ‬و بڕینی‮ ‬بودجە لەلایەن حكوومەتی‮ ‬عێراق و شەڕی‮ ‬دژی‮ ‬داعش كرد‮.‬
كاتێك شاندێك لە وڵاتێكەوە بۆ وڵاتێكی‮ ‬تر سەفەر دەكات كەس لەوە ناكۆڵێتەوە كە ئەندامانی‮ ‬ئەو شاندە سەر بە كام حزب و لایەنن،‮ ‬چونكە ئەوان بەناوی‮ ‬حكوومەتی‮ ‬خۆیانەوە ئەو دیدارو چاوپێكەوتنانە ئەنجام دەدەن،‮ ‬خۆ ئەگەر شاندێكی‮ ‬حزبی‮ ‬وەكو حزب سەفەر بۆ وڵاتێك بكات وڵاتی‮ ‬میوان ئەو‮ ‬ڕاستییە ناشارێتەوەو شەرم لە كەسیش ناكات بەتایبەتی‮ ‬وڵاتێكی‮ ‬زلهێزی‮ ‬وەك رووسیا‮. ‬هەموو چاودێرێك ئەو‮ ‬ڕاستییەی‮ ‬لەبەرچاو بوو كە ئەم شاندەی‮ ‬گەیشتە سان پیتەرزبۆرگ شاندێكی‮ ‬حكوومی‮ ‬بوو نەوەك حزبی،‮ ‬چونكە لە نێو شاندەكەدا لایەنی‮ ‬تری‮ ‬تێدابوو كەچی‮ ‬سەرەڕای‮ ‬ئەو‮ ‬ڕاستییە نوێنەری‮ ‬یەكێتی‮ ‬لە توركیا دەڵێ ئەوە شاندی‮ ‬حكوومەتی‮ ‬هەرێم نەبوو،‮ ‬بەڵكو شاندی‮ ‬پارتی‮ ‬دیموكراتی‮ ‬كوردستان بوو‮.‬
وڵاتان بەڕێزو حورمەتەوە پێشوازی‮ ‬لە حكوومەتی‮ ‬هەرێم دەكەن كەچی‮ ‬لەنێوخۆدا بەپێچەوانەوە باسی‮ ‬دەكەن‮.
‬تۆ بڵێی‮ ‬وڵاتێكی‮ ‬گەورەی‮ ‬وەكوو رووسیا ئەو‮ ‬ڕاستییە نەزانێت كە داوەتی‮ ‬حكوومەتی‮ ‬هەرێمی‮ ‬كوردستانی‮ ‬كردووەو پێویستی‮ ‬بەو روونكردنەوەی‮ ‬ئەو نوێنەرە بێت‮.‬
بەڵێ ئەمە سەردانێكی‮ ‬رەسمی‮ ‬حكوومەتی‮ ‬هەرێم بوو بۆ وڵاتی‮ ‬رووسیاو ئەوانیش بەخۆشحاڵییەوە پێشوازییان لە سەرۆك وەزیران و شاندی‮ ‬یاوەری‮ ‬كرد‮.‬ بە پاساوی‮ ‬بێ مانا‮ ‬ڕێگە خۆش مەكەن‮ -‬هەر لە ئێستاوە‮- ‬بۆ دوو ئیدارەیی‮.. ‬ئەمڕۆ لە هەموو كاتێك زیاتر پێویستیمان بە‮ ‬یەكڕیزی‮ ‬و‮ ‬یەكگرتنە‮.‬