مخابن هندەک کەسێن نەفام و دیر ژ رەوشتێ مروڤاتیێ هێڕشی سەر کادرەکێ دان عەمر یێ پارتی کرین ل سەید سادق ، وژدانا هەمی خەلکێ کورڕستانێ هەژاند من دڤێت چەند ڕاستیەکا بێژم لدور کادڕێن پارتی ، کادڕێن پارتی ل ناڤ و دەرڤەی وەلاتی پتر ژ هەر لایەنەکێ کوردستانی خوڕاگرن ، ل هەر دەڤەرەکا کوردستانێ کادڕێن پارتی خو نێزیکی خەلکی دکەن و هەولددەن گلە و گازندێن دەڤەرا خو بگەهینە جهێن شولەژێ زوڕ جاڕان کادڕێن پارتی بوینە ئەگەڕێ چارەسەرکرنا ئاریشێن مەزن ، هین دزانن مووچێ وی کادڕێ هەوە دایە بەر شەق وپێنا ئەوێ عەمڕێ بابێ وە هەی مووچێ وی دەمی مووچە دروست تنێ پێنج سەد هزار دیناربون نوکە چار سەد هزار دیناران وەردگریت و مووچێ وی مینا هەمی خەلکێ کوردستانێ دهێتە دابەشکرن ئێک فلس ژی پاداشتەکێ ناوەرگریت هین دزانن لەوانەیە وی حەقێ چارەسەریا خو وخێزانا خو نەبیت ئایە وە پرسیار ژخو کر وە بوچی ب وێ کەرب وکینێ لێدا لەوانەیە دینارەک ژی مالاخودا نەبیتن ، وە هەلویستێ وی دیت پار پار بەروە دکر دگوت ئاریشا وە نە لدەف مەیە مووچێ نە بدەستێن مەنە لێ مروڤاتی لدەف وە نەبو ، ڕاستی دناڤ وێ ڤیدیویا هاتیە بەلاڤکرن هندەک گەنج خودان هەلویست من دیتن دگوتن گونەهە وەنەکەن نابیت هەمی کەس ب ئێک چاڤ بهێن دیتن ، خەلکێ شەرەفمەندێ کوردستان هەر تاکەک داخازا مافێن خو بکەت رەوایە و ئەم ل وەلاتەک ئازاد دژین لێ خوپیشاندانا و ئازادیێ ژی سنوڕێت خو یێت هەین نابیت خەلکی بەیە سەر جادا و تە پێ چێنەبیت کونترولا خوپیشاندانێ بکەی ، ئەڕێ گەلو هین دزانن جارەکێ بتنێ مەرجەعێ کوردان سەروک مەسعود بارزانی ب تورەیی ڤەگوتی سوتنا بارەگایان کەلتورەک کڕێتە ل سەرانسەری سنوڕێ پارتی ئەو دیاردە ب ئێک جاری نەما لێ بێژنە من کێ دێ بێژینە وان ئەوێن هەر سال جارەکێ بارەگایێن ڤان هەمی لایەنان دسوژینن و بویە کەلتور ئایە کەس هەیە وان رابگریت ئایە حکومەتا خو جهی دێ بڤی رەنگی سەرەدەریێ کەتن هەر کەس و لایەنێ ڤیا خەلکی بو مەرەمێت خو بکار بینیت ئایە خوپیشاندانا چ ئاریشێن مە چارەسەر کرن بارێ ئابوری بەرەف پێشڤە برن ، ئایە کوردستان بتنێ د قەیرانێ دایە یان هەمی جیهان بلا ئەڤ پرسە بومە هەمیان بن ، ئایە خەلکێ کوردستانێ وەک هەلویستەک نەتەوایەتی ئێک دەنگ بوویە گڤاشتنێ ل پارت و لایەنێن خو یێن سیاسی بکەن کو گڤاشتنەکێ ل نوێنەرێن خو بکەن ئەندامێن پەرلەمانێ عیراقێ کو ب دەنگە وە چوینە بەغدا و ئێک هەلویست نینن ، کێنە ئەوێن خەلکی ب خەلەتی تێدگەهینن دژی حکومەتا هەڕێمێ بجەنگن بو مەرەمێت خو یێن نەرەوا ، تنێ دێ بێژم وە هەلویستەک ئەنجامدا دژی کادڕەکێ هژار و بێ دەستهەلات چ پەیوەندی ب بارودوخێ هەیی نەبیت وە خو ڕیسوا و شەرمەزارکر و وە خەلک ئێشاند و ل هەمی کەنالێن ڕاگەهاندنێ و سوشیال میدیایێ خەلکی هەلویستێ خو بو وە دیارکر مێژویەکا ڕەش وە تومارکر ڕی رەشی و شەرمەزاری بو وێ کردەوا وە یا چەپەل ، داخازێ ژ حکومەتێ دکەین تاوانبار بگەهنە سزایێن خو یێن عادیلانە ، کادڕێن پارتی دزانن چەند خو ڕاگرن سەرەرای باڕێ گوزەرانیا وان و بێ حالیا وان هەمی بارودوخا سەرخو قەبیل دکەن ئێک کادڕێ پارتی دەست ژ پارتا خو بەرنادەت و ئەگەر دلێ وی ژی بمینیت دێ ل مالاخو ڕینتە خاڕێ لێ نابیتە چ پارت و لایەنێت دیتر ، ب بیر و باوەر بوینە کادڕێن ڕێبازەکێ نە مال نە پارە لدەف گرنگ نینە دێ لسەر هەمان هەلویست ژی مینن کادڕێ پارتی ل سەید سادق بهێتە ئێشاندن ل هەمی کوردستان هاتە ئێشاندن و مە هەست ب ئازاڕێن وی کرن ، هەتا دنیا هەبیت هەلویستەک هوسا کڕێت نە ژ کادرێ پارتی نە ژ جەماوەڕێ پارتی نابینن چونکی پارتی ئێک دار و دەستەکە و ئێک سەرکردە و ئێک ڕێبەر هەیە و چرایێ پارتی خودایێ مەزن هەلکریە ب کەس و چ لایەنا و چ وەلاتان ناهێت ڤەمراندن.