پارتی دیموکراتی کوردستان، کەڤنترین و کاریگەرترین پارتیا کوردستانێ، رێبەرایەیا پڕانیا شۆرەشێن ڤی سەردەمی یێن کوردستانی کریە و ھەلگرا پەیاما ئازادی و رزگاریا کوردستانێ بڕەنگەکێ ئاشتیانە، لسەر رێبازا پیرۆزا بارزانی.

ئازادی و رزگاری و دەسکەفتێن ئەڤرۆ، بەرھەمێ خەبات و قوربانیدانا پارتی و سیاسەتا سەرۆک بارزانی یە، ھەر ل پێکئینانا ئێکەم کابینا حکومەتا ھەرێما کردستانێ، باوەریا پڕانیا خەلکێ کوردستانێ بدەست ئینایە و سەرۆکاتیا زۆربەیا کابینێن حکومەتێ کریە، لسەر دەستێ پارتی حکومەتا ھەرێمێ ب شیانێن سنووردار و د کاودانێن بەرتەنگ و دژوار دا پێشڤەبوونێن باش کرینە و دەستکەفتێن مەزن ژی تۆمار کرینە و ھەرێم ل پیلانێن نیڤخۆیی و نیڤدەولەتی رزگارکریە.

لەوما نەیار و نەحەزێن کوردستانێ و ڤێ پێشکەفتنێ ، بەردەوام دژایەتیا پارتی دکەن و ھەوڵ ددەن کێم و کاسیا زیق و مەزن بکەن و رەخنێن دژوار ل پارتی بگرن و تاوانبار بکەن، داکۆ جەماوەری ل پارتی دویر بکەن .

ئەوێن ب پەیڤێن کرێت و زمانێ تیژ و زڤر بناڤێ چاکسازیێ رەخنەیان ل حکومەتا ھەرێما کوردستانێ دگرن ، دبنەڕەتدا باگڕاوەندەکێ سیاسی و مەبەستێن حزبایەتی لپشت ھەنە، مەبەستا وان ژی حکومەت نینە، بەلکی دژایەتیا پارتیە.

چونکی ھەرکەسێ داخوازا سەرخۆبوونا کوردستانێ، یان بەرگریێ ل پیرۆزیێن کوردستانێ بکەت، یانژی پشتگیریا حکومەتا کوردستانێ بکەت، دێ بیتە ئارمانجا نەیار و نەحەزا .

ھەڵویستێن خەلکەکێ دژی پارتی گەھشتیە وی ئاستی ، پشتەڤانیا حکومەتا بسەرۆکاتیا پارتی، بقەبەحەت و تاوان دبینن ..!
د جھدا دێ بێژنێ تو زوڕنا بێژ و دەھۆڵ قوتێ پارتی..!
ئەرێ چ دەھۆل و زورنایەکا خۆشتر ژ پشتەڤانێا دەستکەفتێن کوردستانیاو سەرخۆبوونا کوردستانێ و ئالای خۆشتر ھەیە ؟

ھەرکەسەک داخوازا بەرخودانێ و پاراستنا دەستکەفتێن کوردستانێ بکەت، دێ بێژنێ تۆ یێ تێری و تە ئاگەھــ ل زکێ برسی نێنە. بێکۆ بزانن ئەڤ شوڕەشە ب برسیان ھاتیە کرن و ھەر برسی و ھەژار ژی دێ پارێزگاریێ لێ کەن .
ئەوێن بخۆ ژی بحکومەتا ھەرێمێ تێر بوونە و وەسا ھزر دکەن پێداگیریا مە لسەر قەوارە و مافێن کوردستانێ زیانێ دگەھینە مال و سەروەتێ وان، لەوما د بەرھەڤ نینە گۆتنەکا باش و مفادار بکەن .

لەوما دێ ھەمی ھەوڵا دەن ئاستەنگا بۆ حکومەتا ھەرێمێ دروست کەن، داکۆ لسەر دەستێ پارتی چاکسازیێن نەھێنەکرن و ژلایێ سیاسی ژی دووزا کوردی بەرەڤ قۆناغەکا گەشتر و مەزنتر نەچیت، لێ حکومەتا ھەرێمێ بۆئەنجامدانا چاکسازیا و سەروەریکرنا یاسایێ و رێڤەبرنەکا باش ، ل بەرەیێ خەلکی یە وگۆھداریا پرۆپاکندێن خەلکەکێ دیڤەلانکێن دوژمن و ناکەت .