ئەڤروو بیرئانینا کارەساتەکا دل تەزینە ل دەڤەرامە کارەساتا شکەفتا دەکان ل 1969/8/18 کو ئەڤروو دبیتە 51 سال لسەر ریدانا ڤێ کارەساتا دل تەزین ، حکومەتا بەعسا گور بگور ب رێیا چەتە و سیخورو خوفروشان بەرهەڤیەک مەزن هاتە کرن ژ سێ ئالیان ڤە ژلایێ دەزگایێن لەشکەری و موخابراتی و ئەمنا صەدامی ڤە و ب بەشداریا هژمارەکا زور یا چەتەیان و ئەو خەلکێن مللەت فروش کو کوردێن مەبون هێرشەکا نەچاڤەرێکری و ژ نشکاف و ب پیلانەکا توکمە ژ ئالیەکیڤە ژلایێ ئاکرێ و باکورمانڤە و ژ ئالیەکێ دیڤە ل پشتا ناحیا قەسروکێ و ژئالیێ سێیێ ژلایێ ئەتریشڤە ژ هەرسێ لاینڤە هێرشی گوندێ دەکان هاتەکرن ، وی دەمی چەند کەپرەک بو خەلکێ گوندی و خێزانێن پێشمەرگەهان هاتبوونە دروستکرن تنێ کەسانێن دانعەمر و زاروک و ئافرەت و خێزانێن وان ل بن وان کەپران بوون هینگێ ژیان وەسا بوو ، ژبەرکو هێرشەکا زورا مەزن و ب پیلان بوو پێشمەرگەهێن مەژی ل وێ دەڤەرێ کێم بوون شیانا بەرگریا وێ هژمارێ نەبون لەورا ئەو خێزانانە هەمی نەجار بون قەستا شکەفتا گوندێ دەکان کرن ، دەمێ هێرش گەهشتیە دەرێ شکەفتێ دەنگێ زاروکان دهات و گریاوان ژ ترساندان دەردکەفت لەورا ب دڕندەترین شێوە ب هەمی جورە چەکەکی ل وێ شکەفتێ هاتنە تاقیکرن و دەمێ ئەو هێرشا مەزن گەهشتیە دەرێ شکەفتێ ب هێجەتا هەبونا پێشمەرگەی ئەو شکەفت بتەمامی هاتە سوتن و نەهێلان ئێک کەس ژێ قورتال ببیت د ئەنجامدا 75 کەس هاتنە شەهیدکرن ، ل دیف گوتنا بەرێز حاجی میرخان ل دیکومێنتاریەکا کوردستان tv ئێک ژ چەتەیێن کورد ژ ڕژێما بەعس بو دلنیابوون دچیتە دناڤا شکەفتێ دا ئەگەر کەسەک مابیت زندی پارچەک ژکەڤرێ وێ شکەفتێ دکەڤیتە سەر سەرێ وی چەتێ خوفروش پاشان ژلایێن وان دوژمن و خوفروشانڤە بتنێ تەرمێ نجسێ وی دهێتە هەلگرتن و پشتی دوو دەمژمێرا و لێدانا وی دربا مەزن یێ کوشندە ل خەلکێ مەیێ سڤیل داین حکومەت ب فەرمان پاشەکشێ دکەت ، دهەمان دەمدا هێزا بەرێز حسۆ میرخان کو وی دەمی ل دەڤەرێ بوون دگەهنە جهێ ڕیدانێ و شهید شعان غفار ب هێزا خوڤە و یوسف باکورمانی دگەهنە جهێ ڕیدانێ ژبەرکو تاوانەکا قیزەون و نەوعی بوو هندەک ژوان پێشمەرگاژی خێزانێن وان ژ قوربانیان بوون و کەس و کارێن وان قوربانیان گەهشتنە جهێ ڕیدانێ ژبەر وێ تاوانا مەزن شەپرزەبوون نەدزانین ب چ رێک ڤان شەهیدان بن ئاخ بکەن و ڤەشێرن ب بەلگە حاجی میرخان دولەمەری دبێژیت ئێکەم کەس ئەس چومە دناڤا شکەفتا دەکان دا هەتا حەفت سەرێن زاروکان ژی من ب دەستێن خو هەلگرتن ژیێ وان نەگەهشتبونە سالەکێ ژی و دبێژیت من و شەهید شعبان و هەڤالێن مە یێن شورەشێ نەدزانی چاوا خێزانێن وان ڕازی بکەین کو هەمی شەهیدان پێکڤە ڤەشێرین ، دئەنجامدا مەشیا چالەکێ بکولین بهاریکاریا هەمی پێشمەرگەهان نزیک شکەفتێ هەمیان بخاک بسپێرین ئەم نەچار بووین ب بەتەنیان هەر چەند کەسەکان سەروو پێیێن وان ئەوێن ژلاشێ وانڤە ماین پشتی وێ سوتنێ مە هەمی دچالەکێ دا ڤەشارتن گوندێ دەکان دکەڤیتە پشتا ناحیا قەسروکێ ب چەند کیلومەترەکا و هەرسال لڤێ یادەوەریا دل تەزین حزب و ئیدارا دەڤەرێ ڤێ روژێ ساخ دکەنەڤە ، لێ ئەف سالە ژبەر نەخوشیا کورونایێ تنێ ل کەنالێن ڕاگەهاندن و سوشیال میدیاڤە ئەف یادەوەری هاتە ساخ کرن ، هەژیە بێژین دڤێ ڕوژێ دا سلاڤا ددەینە سەر رحا گیانێ ڤان شەهیدان سلاڤ و ڕێز بو خێزانێن سەر بەرزێن هەر 75 شەهیدێن کارەساتا شکەفتا دەکان یێن کو بوینە قوربانیێ خاکا پیروزێ کوردستانێ ، بو زانین هەمی ئەف شەهیدانە ژبال وەزارەتا شەهیدانڤە وەک شهید هاتینە وەلگرتن ، داخازێ ژ حکومەتا هەرێما کوردستانێ دکەین هێشتا گرنگی ب قەرەبووکرنا خێزانێن سەربەرزێن وان شەهیدان بهێتەکرن شکەفتا دەکان وەک ناسناما قوربانی دانێ یە لسەر ئاستێ قەزا شێخان .