ئەز وەک ماموستایەکێ قەزا شێخان من دڤێت ڕونڤەکرنەکێ بدەم ل دۆر بابەتەکێ هەستیار لەوانەیە ئەڤە بوچونا ڕێژەکا زور یا ماموستایێن دەوروبەرێن منە ، جەنابێ هەوە ئاگەهدارن کو ڕەوشا هەرێما کوردستانێ بەرەڤ ئالوزیێ ڤە دچیت ژبەر بەلاف بونا ڤایروسێ کورونایێ ، ڕوژانە ئەم یێن ب سەدان حالەتان دبینین کو خەلکێ کوردستانێ ب ڕێژەکا بەرچاف یێن توشی ڤی ڤایروسێ کوشندە دبن ، هوین هەمی دزانن ل زوربەیا قوتابخانێن کوردستانێ ڕێژەکا هەرە زور یا قوتابیان هەنە زوربەیا قوتابخانا میلاکێن قوتابیێن وان زێدەی ڕێژا قوتابخانێ نە ، ژبەر هەمان بارودوخێ من ئاماژە پێکری ئەف سالە نە ماموستا و نە قوتابی نەشیان وەک پێتڤی مینا هەر سال ب ئەرکێ خو ڕابن زوربەیا دەمێن دەواما فەرمی بونە بێهن ڤەدان ، ڕاستە وەزارەتا پەروەردێ د ئاست بەرپرساتیێ دا چەندین بریارێن رێخوشکەر بو قوتابیان دان لێ هەژمارەکا زور یا قوتابیان ل چەندین بابەتان ڤەماینە و ڕێژا وان گەلەک دزورن ، ئەم دبەرژەوەندا دبینین بو سالا خاندنێ 2019 - 2020 ئەزمونێن قوناغا ئێکێ خولا دووێ نەهێنە ئەنجامدان و ژبال وەزارەتێ ڤە گەنگەشە لسەر ڤی بابەتی بهێت کرن کو مافێ قوتابیان بەرچاف بهێتە وەلگرتن و ب دەرچوو بهێنە هەژمارتن یان ژی ئاسانکاریێن باشتر بهێنە دان ، ئەم هەمی دزانین چەند گڤاشتن بهێنەکرن کو قوتابی پێگیری ڕێنمایێن تەندروستی بن لێ قوتابیێن زاروک کونترول لسەر ناهێتەکرن دەست لەپک و کەماما بکار نائینن نە وەکو قوتابیێن ب تەمەنن ، خودێ نەکەت قوتابیەک هەلگرێ ڤایروسێ گوڤیت 19 بیت دێ چەندین قوتابی و ماموستایان توش کەتن ل هەر قوتابخانەیەکێ ئەف حالەتە ڕوی بدەت وی دەمی ئەم دێ بەرپرسیار بین بەرامبەر سەمیانێن قوتابیان بڤی ئاوایی ئەم دێ بینە ئەگەرەکێ مەزنتر بو بەلاف بونا ڤی ڤایروسی هیڤیدارم بوچونامن لبەر چاف بگرن وەک ماموستایەک ژ دلسوزیاخو من هزر دڤی بابەتیدا کریە من چ مەرەم پێ نینن تنێ ئەز دبینم وەزیرێ پەروەردێ و هەمی دام و دەزگەهێن سەر ب وەزارەتا پەروەردێ ڤە ب دلسوزانە کاردکەن لەورا مە دڤێت ب هەمان روحیەت کار بکەین کو توشی چ ئاریشا نەهێین کو ل دەست دەربچیت هیڤیامن ئەوە پێشنیارامن ب دلەک مەزن وەلگرن و داخازا تەندروستیەکا باش بو سەرجەم وەلاتیێن کوردستانێ و تایبەتی ماموستا و قوتابی و کارمەندێن پەروەردێ دخازم ، ل خالا دوماهیکێ من دڤێت ئاماژێ پێ بدەم کو ماوێ پتر ژ پێنچ مەهانە قوتابی ژ خاندنێ دور کەفتینە و هەوەسا خاندنێ نەمایە ،