‎برا گەورە مەسرور بارزانی سەروكێ حكومەتا ھەرێما كوردستانێ ، ب بەرنامەك توكمە ھێدی ھێدی یێ كارێن ب پلان ئەنجام ددەت ، ئەم ھەمی دیدەڤانین د سەخترین قوناغدا، د مێژویا حكومرانیێ پوستێ سەروك وەزیران ل حكومەتا ھەرێمێ وەرگرتیە ، لێ شیایە ھەست ب بەربرساتیێ بكەت و ھەر ئاریشەكا ھاتبیتە بەر سینگێ حكومەتا ھەرێمێ شیایە زال بیبیت ، ب ھەماھەنگی دگەل وەزیرێن حكومەتێ ھەژیە بێژین ھەر وەزیرەك ژ پارتەكا كوردستانی یە ، لێ وەك تیمەك ب براتی و دلسوزی ب ھەڤرا کار كرینە ، وەزیرێ پارتی ل سلێمانیێ دهێت دیتن ، و ئێكەتی ل دھوكێ سوشیالست ل خانەقین و گەرمیان، وهتد... بێ كو وەزیرەك ھەست بكەت ژ پارتەكا كوردستانی یە ، ئەڤێ چەندێ ژی خویاکر كو حكومەت یا بھێزە سنورێ كوردستانێ بو وان یا ڤالایە و رێ خوشکەرە بو ئەنجام دانا كارێن حكومەتێ دیسان من دڤیت ئاماژە ب خالەكێ بكەم ھەر ب ھاتنا كابینەیا نەھێ یا حكومەتا هەرێما كوردستانێ ، لافاوا زەرەر گەھاندە ھەرێما كوردستانێ و حكومەتێ ب مەزنترین بەرنامە شیا قەرەبوویا سەرجەم ھاولاتیا بكەت ، ب زیدەیی ئەو زەرەرێن ب وان كەفتین ، دیسان ھاتنا نەخوشیا كورونایێ كوڤید نوزدە كو ھەمی جیھان ڤەگرت كوردستان ژێ بێ بەھر نەبوو ، لێ حكومەتا ھەرێمێ ب جوانترین شێوە ب بەرنامەك توكمە ب جدی شیا تونترین رێکاران بگرنە بەر ، ل قوناغا ئێكێ یا بەربەلاڤ بوونا ئەڤێ نەخوشیێ شیا خەلكێ كوردستانێ ب پارێزیت ژ ڤێ نەخوشیا كوشندە ، لێ مخابن ھندەك كەس و لایەنان وەك پرو پاكندە ھەول دان شەقامێ ب ئازرینن دژی رێكارێن حكومەتێ گرتینە بەر بۆ پاراستنا گیانێ خەلكێ شەرەفمەندێ كوردستانێ و خەلك وەسا تێگەھاندن كو نەخوشیا كورونایێ چ راستی بو نینە و تنێ حكومەت خەلكی مژیل دكەت ، كو ئەڤ رێكاڕە دژی فەقیر و ھەژارانە لەورا حكومەت ناچار بۆ ئەو ھەمی رێكارێن گرتینە بەر سست بكەت تا روژا ئەڤرو ژی ھین ھەمی دبینن خەلكێ كوردستانێ ژ دەست ڤێ نەخوشیا كوشندە د نالینیتن و گەھشتیە قوناغەكێ ژ شیانێن حكومەتێ دەردكەڤیت و ئەگەر ژی ھەر ئەون ، خالەكا گرنك من دڤێت ئاماژێ پێ بدەم ل دوماھییێ حكومەتا ھەرێما كوردستانێ كەفتیە ناڤ ئاریشەکا مەزن دا برینا مووچە و نانێ خەلكی ژ بال بەغداڤە و پێشێلكرنا دەستوری ژ لایێ حكومەتا عیراقێ ڤە دیسان دیسان خو فروشان هەولدا خەلکی ب خاپینن لێ کاک مەسرور بارزانی سەروكێ حكومەتا ھەرێمێ هەولێن جدی دان و ئەو ئاریشە ژی هێدی هێدی یێ چاڕەسەر دبیت زوڕێ ڕژدە کو ئاستێ حکومەتێ بەرەف پێشڤە ببەت ، و ژیاڕا خەلکی و مووچە خوران چارەسەر بکەتن و زور بەرنامە و پلانێن جان داناینە بەر سێنگێ خو دێ هەر تاکەکێ کوردستانێ تێدا مفادار بیتن ، و یێ هەولان ددەت وەکهەڤیا کومەلایەتی بەرپا بکەت و پروژێن گڕنگ هەنە لاوێن کوردستانێ و قوتابیێن دەرچوو هەمیان بکار بئێخیت تنێ یا فەرە ئەم پشتەڤانیا وی بکەین هەتا بشێت هەمی پلانێن خو جی ب جی بکەن .