ل 16 ئاپا سالا 2020 و بورینا حەفتێ و چار سالێن تژی خزمەت و خەباتێ بێی راوستیان بێی مساومە کرن لسەر مافێن ڕەوایێن گەلێ کوردستانێ وەک نازناڤە بو پارتی کو چ جارا بوستەکا خاکا پیروزا کوردستانێ دەست ژێ نا بەردەتن ، تایبەتی دڤی بارودوخێ هەستیاردا کو گەلەک نەیارێن پارتی هزر دکەن خەلک و جەماوەرێ پارتی دێ دلسار بن لێ بو هەمیان خویا بو حەفتیەکێ بەری ڕوژا دامەزراندنا پارتیا هەمی گەنج و خورت و لاو و ئافرەت و شوڕشگێڕ و دلسوزێن پارتی وەفاداریا خو دوپاتکرەڤە ، ئەو فەرمانبەر و مووچە خوڕێن بێ پارە و چەندین ڕوژ بسەر مووچێن وانڤە چوین هەر ئێکی ل ئەکاونتێن خو پالپشتیا خو دیارکرەڤە و ب ورەیەک بەرز و ب درستی ژ راستیا بابەتی گەهشتینە گیروبونا مووچەی هەمی دزانن بەغدا ئەگەرە و پێشێلا دستوری و مافێن رەوایێن گەلێ مە دکەن لێ دەست قوتێن وا و خاک فروشان ڤیان ب مەرەم بابەتی بگهورن و پارتی پێ تاوانبار بکەن لێ خەلکێ شەرەفمەندێ کوردستانێ یێ هشیارە و گەلەک ژ ڤێ چەندێ مەزنتره ، دیسان ل ڕوژا شازدەی ئاپدا جەنابێ برا گەورە مەسرور بارزانی سەروک وەزیرێن حکومەتا هەرێما کوردستانێ د پەیوەندیەکا تێلەفونی دا دگەل کازمی سەروک وەزیرێن عیراقێ گەهشتە ئەنجامێ کوتایی و دێ مووچێ خەلکی ئاسایی بیتەڤە و مزگینیێن خوش دڤێ ڕوژا پیروزدا بوونە سەرنوچەیێن کەنالێن راگەهاندنێ ، هەروەسا تێتە چاڤەڕێ کرن تا دیماهیا ئەڤ سالە هەیڤانە ل دەمێ خودا مووچە بهێن دابەشکرن ، ئەها پارتی هوسا لاینگر و ئەندام و کادرێن خو پەروەردە کرینە ل دەمێن بەرتەنگیا خوراگر بن چەوا ب دڕێژاییا مێژویێ بهێن فرە بووینە و دگەل ئێش و ئازاڕێن خەلکێ خوبینە ، مخابن هێشتا خو فروش هەبن ل چەرخێ بیست و ئێکێ فێری نشتیمان پەروەریێ نەبووینە ب هەمی باوەرا خو گەهشبونە وێ باوەریێ کو دێ پارتی بو پارەی نەچار بیتن بچیتە بن بالێ حکومەتا عیراقێ لێ وان هزر نەکر پارتی و پێشمەرگەهـ و خوبەخش و نیشتیمان پەروەرڵ کێماتی نە ئینایی کو هێڕش ب تانک و زریپوش و ئەمبرامزا کرن و بەرگریکر و خوراگرت و پارتی ریفراندوم ئەنجامدا و بوو پارتا ئێکێ لسەر ئاستێ هەمی عیراقێ و کوردستانێ سەرەرای گڤاشتن و برسیکرنا خەلکێ کوردستانا خوراگر لێ هەر سەرکەفتن بەهرا پارتی بوو و سەرکەفتنێن مەزنتر بدەستڤە ئینا ، د هەمان دەمدا ل ڕوژا پەیدابوونا پارتی د هەمان ڕوژدا مەرجەعێ کوردان سەروک مەسعود بارزانی ژدایک بوویە بیرا ناحەزێن پارتی ل تشتەک دیتر دئینمەڤە دەمێ پارتی و ئێکەتی ب لیستەکی پشکداری د هەلبژارتنێن هەڕێما کوردستانێ داکرن و ڕێژا 58 ژ سەدێ دەنگ بدەست خوڤە ئینان لێ سەروک مەسعود بارزانی بەربژێرێ سەروکاتیا هەرێمێ بو پتر ژ 72 .% دەنگێ هەمی خەلکێ کوردستانێ بدەستڤە ئینایی ، هەبوونا کاریزما و کەساتیا سەروکێ پارتی دیموکراتی کوردستان پارتی ب تەمەنی پیر دبیتن لێ ب کڕێدار گەنجتر دبیتن خەلکێ دلسوز یێن نشتیمان پەروەر و شورشگێڕ و دلسوزێن ڕێبازا بارزانی ب کەساتیا سەروک مەسعود بارزانی ڤە گڕێداینە ، دیسان سەروکێ هەرێما کوردستانێ نێچیرڤان بارزانی ب دڕێژاییا تەمەنێ خو خزمەت و خەباتکریە و خەلکانەک پێگەهاندی یە و خودانێ نازناڤێ ئەندازیارێ ئاڤەدانیێ یە و کەسەکێ دیبلوماسی و خودانێ مەزنترین پێگەها پەیوەندیێت نیڤ دەولەتی یە ئەڤ خالە ژی پارتی دهێلیت بهێزتر و چ جارا پاشڤە ناچیتن ، دیسان پارتی کادڕێن خو یێن کەڤن هەمی ب بها راگرتینە و کرینە سەرکردە و پلە دار و کومەکا گەنجا ئینایە پێش ژ هەردو رەگەزێن نێر و مێ و کرینە سەرکردێن گەنج و دگەل واقعی دگونجن ، لەورا پارتی و مالا بارزان توشی مەزنترین هەڤرکیان دهێن چونکی جیهان هەمی گەهشتینە وێ باوەڕێ زوربەیا خەلکێ کوردستانێ متمانە ب پارتی هەیە و ب نوینەرێن خو دزانن و کورسیێن هەلبژارتنا پەسەندا ڤێ چەندێ دکەن ، ل ڤێرەدا من وەک کەس پەیامەک هەیە و من دڤێت بێژم پارتی چەندا بهێزە و یا بهێز تر دبیتن لێ بو نافخو و لایەنێن کوردستانی هەردەم هەمی رەنگا رازی یە بو رازیکرن و دلخوشکرنا هەمی لایەنێت کوردستانی هەردەم یا ئامادەیە ژ مافێن رەوایێن خو وەک پارتی مافێ خو دابەش دکەن لێ پارتی قەت کێماتیێ بو ناحەزێن مللەتێ کورد نائینیتێ و هێزا خو تاقی دکەت لەورا دخازم هەر کەسەک ڤێ چەندێ بزانیتن ، پارتی ب ساناهی نەگەهشتیە ڤێ قوناغێ و نەبیە دەستهەلات و دەریا خوینا هەزاران شەهیدان و ژ دەست دانا قەهرەمانا ئەڤ پێگەهە بدەست خوڤە ئینایە ب ساناهی نا هەرفیتن ئەز ڤێ ئاخفتنێ دکەم بو وان کەسێن هێشتا باش پارتی نانیاسن ، پارتی خودانا جەماوەرەکی یە ل هەمی کاودانا خەلکێ وێ پێ رازی یە و داخازا جەماوەڕێ پارتی ئەوە هەردەم پارتی یا خو راگر بیتن ، ئەگەر باش هزر لێ بکەن خەلکێ ب پارتی ڤە گڕێدایی هەردەم گازندێ ژ پارتی دکەن لێ چ جارا پارتی بجهـ ناهێلن و ل هەر ڕوژەکا پارتی و مالا بارزان هەر داخازەکێ ژ جاماوەڕێ ب شەرەفێ کوردستانێ بکەن هنگی خوراگری و فیداکاری دیاردبیتن ، ل ڤێ ڕوژا پیروزا سلاڤا دهنێرین بو هەمی خێزانێن سەربەرزێن شەهیدان خێزان قەهرەمان و شورشگێران دلسوزێن ڕێبازا بارزانی تایبەتی سلاڤ و درود بو گیانێ پاقژێ بارزانیێ نەمر مەلا مستەفا و کاک ئیدریسێ جانەمەڕگ و هەمی شەهیدێن ڕێکا رزگاری خازێن مللەتێ کوردستانێ .