لە رۆژگارێك نەتەوەی كورد پێویستی‮ ‬بەپارتیك هەبووە بۆ ئەوەی‮ ‬بیكات بەپێشڕەوی‮ ‬خۆی‮ ‬بۆ‮ ‬ڕزگاری‮ ‬پارتی‮ ‬دیموكراتی‮ ‬كوردستان لەسەر رێنوێنی‮ ‬سەركردەی‮ ‬كاریزمایی‮ ‬مێژووی‮ ‬كورد مستەفا بارزانی‮ ‬هاتە بوون‮ . ‬ پارتی‮ ‬دیموكراتی‮ ‬كوردستان،‮ ‬لە قۆناغێكی‮ ‬گەشی‮ ‬مێژووی‮ ‬سیاسی‮ ‬و شۆڕشگێڕیی‮ ‬گەلەكەمانە كە بارزانیی‮ ‬نەمر لە هەلومەرجێكی‮ ‬هەستیاردا،‮ ‬بەسوود وەرگرتن لە هزر و تواناكان،‮ ‬گەلی‮ ‬كورد‮ ‬لە حزبێكی‮ ‬دیموكراتخوازی‮ ‬نیشتیمانیدا،‮ ‬بەرەو ئامانجە نەتەوەییەكان كۆكردەوە‮.
‬پارتی‮ ‬وەك قوتابخانەی كوردایەتی و ‬بە بڕوایەكی‮ ‬قووڵ بە چەمكگەلێكی‮ ‬وەك دیموكراسی‮ ‬و ئازادی‮ ‬و بەیەكەوەژیان و دادپەروەری‮ ‬كۆمەڵایەتی‮ ‬و مافی‮ ‬مرۆڤ دەستی‮ ‬بە خەباتی‮ ‬سیاسی‮ ‬و شۆڕشگێڕیی‮ ‬و میدیایی‮ ‬و كلتووری‮ ‬كرد و،‮ ‬سەرجەم سنوورەكانی‮ ‬بڕی‮ ‬و تێكۆشەران و دڵسۆزانی‮ ‬گەلەكەمانی‮ ‬لەیەك شاڕێگەدا كۆكردەوە كە ئەویش‮ ‬ڕێگەی‮ ‬بەدیهێنانی‮ ‬مافە نەتەوەییەكان بوو‮.
‬پارتی‮ ‬ لەو كات و سەردەمەدا هاتنەدی‮ ‬خەونی‮ ‬لەمێژینەی‮ ‬گەلێكی‮ ‬زوڵم لێكراو بوو،‮ ‬لە گۆڕنانی‮ ‬خەیاڵە نەزۆكەكانی‮ ‬دوژمنانی‮ ‬سەرسەختی‮ ‬گەلی‮ ‬كوردستان بوو‮. ‬لەو‮ ‬ڕۆژە پرشنگدارەدا هاتنە دامەزراندنم وەكو پارتی‮ ‬دیموكراتی‮ ‬كورد لەسەر دەستی‮ ‬باوكی‮ ‬ڕۆحی‮ ‬مستەفا بارزانی‮ ‬ئەزمونێكی‮ ‬كەم وێنە بوو لە مێژووی‮ ‬سیاسیانەی‮ ‬گەلی‮ ‬كورد دا‮. ‬بوونی پارتی وەك قوتابخانەی كوردایەتیی وەرچەرخانێكی‮ ‬مەزن بوو لە بزووتنەوەی‮ ‬ڕزگاریخوازی‮ ‬كورد و كاروانی‮ ‬خەباتی‮ ‬نەسرەوتن و تێكۆشاندا،‮ ‬هەروەها زەرورەتێكی‮ ‬مێژوویی‮ ‬بوو لەو سەروبەندەی‮ ‬كۆتاییهاتنی‮ ‬دووەم جەنگی‮ ‬جیهان بۆ بەدیهێنانی‮ ‬خواست و ئاواتەكانی‮ ‬گەلەكەمان لە گەیشتن بە گشت مافە‮ ‬ڕەواكانی‮ ‬،‮ ‬پارتی‮ ‬هەڵقوڵاوی‮ ‬كولتووری‮ ‬شۆڕشگێڕیی‮ ‬كوردایەتی‮ ‬و‮ ‬ڕەسەنایەتی‮ ‬بوو،‮ ‬لە ئانوساتێكی‮ ‬زۆر پێویست هاتە كایەوە و‮ ‬ڕابەرایەتیی‮ ‬گەلی‮ ‬كوردستانی‮ ‬كرد لە سەردەمی‮ ‬پاشایەتیی‮ ‬ئێڕاقدا و دواتریش‮ ‬ڕابەرایەتیی‮ ‬شۆڕشی‮ ‬ئەیلوولی‮ ‬كورد،‮ ‬كە سەرەتایەكی‮ ‬مەزن بوو لە بەتواناكردنی‮ ‬گەلی‮ ‬كورد بۆ گێڕانەوەی‮ ‬مافە زەوتكراوەكان و مەشخەڵی‮ ‬خەبات و بەرخودانی‮ ‬هەڵگرت و لەو رێگەیەیشدا بە درێژاییی‮ ‬كاروانی‮ ‬تێكۆشانی‮ ‬هەزاران شەهید و قوربانی‮ ‬داوە بۆ پاراستنی‮ ‬كیان و هەبوون و شكۆداریی‮ ‬نەتەوەیی‮ ‬گەلی‮ ‬كورد و كوردستانییەكان و رووبەڕووبوونەوەی‮ ‬ستەم و زۆرداریی‮ ‬رژێمە‮ ‬یەك لە دوای‮ ‬یەكەكانەوە هەروەها لەم‮ ‬یادەدا جارێكی‮ ‬دیكە بەڵێن و سۆز بە خوێن و گیانی‮ ‬پاكی‮ ‬شەهیدان و گەلەكەمان دراو و جەخت لەوەكرایەوەكە لەسەر بەردەوامبوون لەسەر‮ ‬ڕێبازی‮ ‬بارزانیی‮ ‬نەمر بە‮ ‬ڕێبەرایەتیی‮ ‬سەرۆكی‮ ‬خۆشەویستمان‮ (‬سەرۆك مەسعوود بارزانی‮) ‬كە‮ ‬ڕێبازی‮ ‬كوردایەتی‮ ‬و نیشتیمانیمانە بۆ پاراستنی‮ ‬ئەو ئەزموون و دەستكەوتانەی‮ ‬كە بەرهەمی‮ ‬خوێنی‮ ‬شەهیدان و قوربانیدانەكانمانن و دابینكردنی‮ ‬ئارامی‮ ‬و ئاسودەیی‮ ‬بۆ هاووڵاتیان‮ .‬
ئەو قوتابخانەیە لە هەلومەرجێكی‮ ‬زۆر ناسكی‮ ‬وەك ئەو ساتەوەختەی‮ ‬كە نەتەوەی‮ ‬كورد پێیدا تێدەپەڕی‮ ‬لەتاریكی‮ ‬و بندەستی‮ ‬دوژمنان‮ ‬،‮ ‬وەك چەخماخەیەك بۆ بەرگری‮ ‬كردن و مانەوەی‮ ‬ناوی‮ ‬كورد و پێداویستیەكی‮ ‬سەردەمیانە لەنێو گەلی‮ ‬كورد پارتی‮ ‬دیموكراتی‮ ‬كوردستانی‮ ‬تیا‮ ‬ڕاگەیەنرا و بە‮ ‬حیكمەتی‮ ‬گەورە و دووربینی‮ ‬و گیانی‮ ‬خەبات و بەرخودانی‮ ‬بارزانیی‮ ‬نەمر بوو كە پارتی‮ ‬كردە ئاڵاهەڵگری‮ ‬بزووتنەوەی‮ ‬ئازادیخوازی‮ ‬نەتەوەكەمان و پارێزەری‮ ‬ماندوونەناسی‮ ‬پێناسەی‮ ‬نەتەوەییمان،‮ ‬لەو كاروانەشدا گەلێك هەورازو نشێوی‮ ‬بەخۆیەوە دی،‮ ‬بەڵام بەهیمەتی‮ ‬قوتابیانی‮ ‬ڕێبازی‮ ‬پیرۆزی‮ ‬بارزانیی‮ ‬نەمر و بازووی‮ ‬بەهێزی‮ ‬پێشمەرگە قارەمانەكان ‬و خۆڕاگری‮ ‬جەماوەرەكەی‮ ‬بەسەر هەموو كۆسپەكاندا سەركەوت و دوژمنی‮ ‬ڕووڕەش كرد و لە سەركەوتنیش هیچ كات مەغرور نەبووە و لە شكستیش هیچ كات نائومێد نەبووە و لەكاروانی‮ ‬قوربانیدانیشدا هەزاران شەهید بوونە سەروەری‮ ‬ئەم پارتەو بەردەوام بووە تا گەیشتن بە كۆتا لووتكەی ئامانجەكانمان..