د روژەکا وەکی ئەڤردا ل ١٦-٨-١٩٤٦ پارتی دیموکراتی کوردستان لەسەر دەستێت سەرکردە و پێشەوایێ مافخواز مەلا مستەفا بارزانی ھاتە دامەزراندن، ئەو پارتا مەزن د کاودانەکیدا ژ دایکبو کو ژ ھەمی لایانڤە مەترسیا ژ ناڤچونێ ل سەر گەلێ کورد ھەبو. دگەل ژ دایکبونا پارتی دیموکراتی کوردستان دەنگەکێ دلێر و ئازادی و ئاشتیخواز دەرکەفت کو ب ھەمی رەنگانڤە دژی داگیرکاری و کاولکاریا دوژمنێت کوردا راوەستیا، دروستبینا ڤێ پارتێ دەرگەھەکێ مەزنێ نەتەوایەتی و خوراگریێ ل سەر گەلێ کورد ڤەکر، ئەو پارتە بویە فاکتەرەکا سەرەکی کو ھەمی کورد ل ھەمی جیھانێ ھەست ب ماف و ئەرکێن خو بکەن و داخازا ستاندنا مافێ خو بکەن وەک نەتەوا کورد، کو کورد ژ چ نەتەوێن دی کێمترنینە و دەبیت مافێن وانژی د پاراستیبن و خودان دەولەت و سەروەیا خوبن. پارتی دیموکراتی کوردستان د بەردەوامیا کار و چالاکیێن خودا شیا چەندین شورەش و بەرخودانا ئەنجامبدەت و کورزێن مەزن و کوشندە ژ ھەمی لایانڤە ل دوژمنێت کوردا بدەت، ھەروەسا پارتی دیموکراتی کوردستان شیا دوژمنێت گەلێ کوردستانێ نەچار بکەت کو بھێن دەرگەھێن گفتوگویێ دگەل بارزانیێ نەمر ڤەکەن و دان ب ھندەک مافێن گرنگێن کوردادا بنێن. ب دروستبونا پارتی دیموکراتی کوردستان رێک ژ بو دروستبونا ھندەک حزب و بزاڤێن دیێن کورد خوشبو کو بھێنە دامەزراندن . ھەر ل سالا ١٩٤٦ ھەتا نوکە پارتی دیموکراتی کوردستان ل سەر رێکا سەربخوبنێ یا بەردەوامە و شیایە چەندین قوناغێن گرنگ ببریت و خو نێزیکی کوپیتکێ سەرکەفتن و سەربخوبونا ئێکجاری بکەت، ھەر د رێکا خزمەت و پاراستنا مافێن کورداندا پارتی دیموکراتی کوردستان چەندین سەرکردە و کادر و ئەندامێن خو کرینە قوربانی رێبازا رزگاری خوازیا کوردستانێ و نوکوژی ھەر ژ قوربانی دانێ یا بەردەوامە . پارتی دیموکراتی کوردستان ھەردەم بەرژەوەندیێن پارتا خو گوری بەرژەوەندیێن گشتیێن گەلێ کورد کرینە و ب گیان فیدایی و بێ کولنەدان بەرگری ل خاک و دەستکەفتێن گەلێ کورد کرینە، نوکەژی ل ژێر سەرکردایەتیا سەروک مەسعود بارزانیدا پارتی دیموکراتی کوردستان ب گەرم و گورتر و ب ھێزتر داکوکیێ ل سەر ھەمی مافێن رەوایێن گەلێ کورد دکەت. ئەڤرو پارتی دیموکراتی کوردستان ب ئێک ژ گرنگترین پارتێن مەزن و ب ھێز ل روژھەلاتا ناڤین دھێتە نیاسین کو تاکە پارتا ب درێژاھیا ٧٤ سالێن تەمەنێ خودا دەستبەرداری بچیکترین مافێ گەلێ کورد نەبویە. پیروزبیت ئەو روژە ل سەروک و سەرکردە و کادر و ئەندامێن پارتی دیموکراتی کوردستان و ھەمی خەلکێ ب شەرەفێ کوردستانێ. بژیت کورد بژیت کوردستان نەمری بو شەھیدێن سەربەرزێن کوردستانێ و سەروەێن وان کاک ئدریسێ جانەمەرگ و بارزانیێ ھەردەم ساخ. ئێدی بو پێشڤە.