هندی مە گوهـ لێ بیە و مە دیتی زولم و زورداریێ ل برایێن ئێزدی هاتیە کرن و فەرمان هەژمارتنا هەر تاکەکێ ئێزدی بخو بەلگەیە لسەر وان تاوانێن دژی وان هاتینە ئەنجامدان ل دەسپێکا شورشێن ئێک لدویف ئێکێن کوردستانی ڕێز ل ئولێ ئێزدیان هاتیە گرتن و بەلگە لسەر ڤێ چەندێ بڕایێن مە یێن ئێزدی ل هەمی شورەشێن کوردی پشکداری کرینە و چەک هەلگر و سەرکردە ل شورەشان دا هەبووینە ل هەمی دەڤەڕێن کوردستانێ ٫ و دەڤەرێن وان بون لانتکا شورەشی لەوما زور بەی دەڤەر و گوندێ وان هاتینە تعریب کرن و خرڤەکرینە ل کومەل گەهێن زور ملی ل شنگال 13 کومەلگەه بناڤی قادسیە قەحطانیە هەتینە بناڤکرن ٫ سنوڕێ وان زور بەرفرەهـ بوویە هندی زولم ل وانا هاتیە کرن بەرپێت وان هاتینە تەنگ کرن و سنوڕێ وان بەرتەسک بوویە و ل چەند دەڤەرەکێن کوردستانێ ماینە لێ رێژا وان گەلەک زورە ل زور وەلاتان هەنە سەرانسەری جیهانێ لێ پێگەها وان یا سەرەکی ل کوردستانا باشورن و جهێن وان وان یێن ئولی سەرەکی مینا شێخادی و شەرەفەدین و گەلەک جهێن بەرچاڤ هەنە جهێ بیر و باوەرا هەر تاکەکێ ئێزدیانە سەرانسەری جیهانێ قەستا کوردستانا مە دکەن ل بیرەوەریێن ئایینی دیسان مالباتا میرێ ئێزدیێن هەمی جیهانێ دکەڤیتە باشورێ کوردستانێ و هەمی برایێن ئێزدی باوریەکا مکوم پێ دئینن و جهێ بڕیاڕێ نە بو سەرجەم ئێزدیێن جیهانێ ٫ لێ تشتێ هەر دلخوش دێ ب پشت راستی ڤە بێژم مەرجەعێ کوردان سەروک مەسعود بارزانی ل مەراسیمەکێ دا فەرمووی یان د مێژویێ دا کورد نەبووینە یان ئەگەر هەبن رەسەنترین کورد ئێزدی بووینە ئەڤێ چەندێ ژی کارڤەدانێن خو هەبوون و پێگەها ئێزدیان بهێز تر لێ کر ل مەیدانا کوردستانێ ٫ هەمی دەما پارتی و مالا بارزان ب ڕێزەکا مەزن تەماشەی هەبوون و پێگەها بڕایێن ئێزدی بەرچاڤ وەرگرتیە ٫ لەورا نەحەزان ڤی دربێ لڤێ ئێک بوون و ئێک ڕێزیێ بدەن ئەوبوو خلافەتا ب ناڤ دەولەتا ئیسلامی تیرورستێن داعش ب پیلانەکا توکمە هێڕشی دەڤەڕێن بڕایێن ئێزدی لێ ئاکنجی کرنە ئامانج تایبەت ل شنگالا خوشتڤی کو بارزانی نەمر هزار رەحمەت ل گورا وی بن گوت شنگال کوردستانەک دییە ژبەر سنور و بەرفرەهیا خاکێ وێ د ئەنجامدا پتر ژ (5000) پێنج هەزار کەسان ژ خوشک و برایێن ئێزدی ب بەرزە کرن زەلامێن وان ب ساخی بن ئاخ کرن ل گوڕێن ب کوم ئەو روژێن سەختێن ئەنفالێن بەهدینان و گەرمیان و بارزانیان ئینانە بیرا مە ب هەمان وەحشیەت و هەمان هزر و بیر بێی کو چ تاوان هەبن تنێ تاوانا وان کورد بوون و ژن و زاروکێن وان برنە بیابانا و ئێخستنە بازاڕێن مروڤ فروشتنێ و ب بهایەک ئەرزان لسەر سەرکردە و ئەمیر و چەکدارێن خو کرین و فروتن پێ دکرن و ئیهانە دکرن تنێ ژبو زەلیلکڕنا وان لێ کاک نێچیرڤان بارزانی وی دەمی سەروکێ حکومەتا هەڕێما کوردستانێ بو فەرمانگەهەک دامەزراند ژبو زڤراندنا وان و گوت ب هەر بهایەکی بیتن و زور هەول هاتنە دان زوربەیا وان کچ و ژن و زاروکا قورتالکرن لێ هێشتا ئەم یێ ل کەنالێن ڕاگەهاندنێ دبینین ل لناڤ و دەرڤەی وەلاتی دهێنە دیتن و زڤراندن لەورا دوبارە سەروک مەسعود بارزانی دوپاتکرڤە و فەرمووی کچ و ژنێن ئێزدیان هێما و شەرەفا مللەتێ کوردستانێ نە ٫ هەولێن بەردەوام هاتنە دان ژبال سەرکردایەتیا کوردستانێ کو دان پێدان ب جینوسایدا ئێزدیان بهێت مینا ئەنفالێ ئەڤ کارێن درندانە هەردەم دەرهەقێ مللەتێ کورد هاتیە کرن چ جارا دوژمنا نەگوتیە ئەف کوردە ژ ڤی ئایینی یە هەما کورد بیتن چ مەسیحی یان موسلمان یان ئێزدی بیتن تاوان دژی مە هاتینە ئەنجامدان ٫ لەوڕا ئەڤ نمونا پێکڤە ژیانێ ل کوردستانێ هەیی نیشانا پێشکەفتنا کوردستانێ یە ژبال جیهانێ ڤە پێگەها لێ هەردەم ئارمانجا دوژمنا ئەوە کو ڤێ پێکڤە ژیانێ تێک بدەن لەورا هەر کوردەک ل جیهانێ دڤێت بگەهیتە ڤێ باوەڕێ و نەهێلین ئەڤ نمونا پێکڤە ژیانێ تێک بچیتن دوژمن رەحمێ ب کوردان نابەن ل هەر ئولەکێ بیتن ٫ لەورا ئەم یێ بەرەف ساخکرنا ڕوژا جینوسایدا بڕایێن ئێزدیان ڤە دچین دڤێت لڤێ ڕوژێ ئەم هەمی هەڤخەمیا خو بو برایێن خو یێن ئێزدی دەربرین و بگەهینە وێ باوەڕێ تایبەت بڕایێن مە یێن ئێزدی ئەو تاوانێن دەرهەقێ وە هاتیە ئەنجامدان دەرهەقێ موسلمانا و مەسیحیان ژی هاتیە ئەنجامدان تنێ هێرش دژی مللەتێ کوردن و دڤێن ڤێ براتیێ تێک بدەن لێ پارتی و مالا بارزان خو ب خودان و پارێزڤانێن کوردستانێ دزانن و ئێزدیان ڕێز و پێگەها خو هەیە شەریکێن خەما وەینە ئەوا دگەل وە هاتیە ئەنجامدان دگەل هەر تاکەکێ کورد ل جیهانێ هاتیە کرن لێ براتی و ئێک رێزیا هەمی ئولان دێ مینیت و کوردستان دێ مینیت سومبولا پێکڤە ژیانێ و ئەم فەخرێ پێ دبەین هەڤخەمیا خو بو برایێن خو و کەس کارێن بووینە قوربانی ل شنگالێ کوردستان ب دەریا خوینێ هاتیە ئاڤاکرن و شەهیدێن شنگالێ ژی تەمامکەڕێن هەمان مەبەستن و دێ بەردەوام بین تاکو دگەهینە ئارمانجا هەر کوردەکی دڤێتن دەولەت بوونا کوردستانێ خودایێ مەزن هاریکارێ مللەتێ مە بیتن .