کۆرۆنا داوی یا ژیانێ نینە
ھۆگر نێروەیی
خۆیایە ڤایرۆسێ کۆرۆنا بویە ھەڕەشە ل سەر تەڤایا مروڤان مروڤ دەست بەرداری ھەر تشتەکێ بویە ژبەر ترسا کۆرۆنا زۆر دەولەمەند کەسایەتیێت جیھانێ ئامادەنە ھەمی سامان و سەروەتێ خو تەرخان بکەن پێخەمەت ئەڤ ڤایرۆسە ل دەردورێت وان نەمینیت ل ڤێ پەتایێ رزگارببن ، کۆرۆنا نە زەنگینێ نیاسیت نە ھەژاری نە بچیکی نیاسیت نە مەزنی نە ھیچ ئول و ئاینەکێ دنیاسیت تووشی تەڤایا مروڤان دبیت بێ جیاوازی ھەڤال و ھوگرێ ھەمی مروڤانە لێ ھەڤالەک خراب و ھوگرەک کوژەکە ،
کوردستان دیرنەبویە ژڤێ پەتایێ حکومەتا ھەرێما کوردستانێ ھەمی رێکارێت پێتڤی گرتنەبەر ژ بۆ ھندێ کێمترین قوربانی و زیان ژ ڤێ پەتایێ رزگاربیت ب ھەڤکاریا ھەمی ئالیان دێ ڤێ رەوشا ئالوز دەربازکەین ، ل ھەر رەوشەکا ئالوز نەخوشیەکا بەرەف ولاتی دھێت دڤێت باوەریەکا تمام ھەبیت دناڤبەینا حکومەتێ و خەلکی چونکی ( چ حکومەت سەرکەفتی نابن ئەگەر خەلک پشتەڤان و ھەڤکار نەبیت ، خەلک ژی رێکا سەرکەفتنێ نابینن ئەگەر حکومەتەکا بھێز ل پشتێ نەبیت ) ،
کۆرۆنا داوی یا ژیانێ نینە بەلکی سەرکەفتنا مە لسەر کۆرۆنایێ دێ بیتە دەسپێکەک ژبۆ ژیانەکا باشترو ساخلەمتر ، مەکوردان ب درێژایا مێژووی تانھا زۆر ئاستەنگ و نەخوشی دیتینە ژبەرکو ئیرادا مللەتێ کورد بھێزبویە سەر ھەر نەخوشیەکێ زال بویە ژوان سەرکەفتنێت کوردان د خەیالا کەسێ دا نەبویە تومارکرین
"شۆرەشا ئەیلولێ" وی چاخی عێراق دەولەتەک مەزن و بھێز بوو خودان سوپایەکی مەزن بوو و تەڤ چەکێ پێشکەفتی یێ سەردەم ھەبوو ، لێ کوردستان تنێ پێشەمەرگە ھەبوو خێلان دەست ب شورەشێ کر چەکەکێ بچیک ھەبوو ھزرا کەسێ دا نەبوو کورد بشێن بەرامبەر سوپا و ھێرشێت عێراق بکارن ئێک رۆژ خورابگرن لێ ئیرادا بھێزا کوردان نەبتنێ شیان بەرامبەر سوپایێ عیراقێ راوستن بەلکو شیاین گەلەک ئاخا خوە کو زێدەتر ژچەندین گوندان ژ دەست سوپایێ عێراقێ رزگار بکەن کورد شیان خوەراگربن دیاربکەن کۆ دشێن سەر ھەر ئالوزی و ئاستەنگەکێ سەربکەڤن،
"داستانا خواکورک" مەزترین داستانا کوردی دھێتە دانان حیزبا بەعس ل وی چاخی ب فرقایەکا عەسکەری یا عێراقێ کودبیتە " فەرماندەیەکا کامل یا لەشکەری" بڕیاردابوو شۆرەشا کوردی ل باشورێ کوردستانێ داوی بینن تنێ نێزیکی 1000 ھزار پێشمەرگێت قارەمان دڤێ داستانێ دا بەشداربون دخەیالا کەسێ دانەبو کورد بکارن شکەشتنێ فرقەکا عەسکەری بینن لئ کورد شیان شکەستنێ پێ بینین چەندین عەسکەری عیراقی بەدیل کەفتە دەست پێشمەرگێت قارەمان دگەل چەندین تەرمێت وان مانە مەیدانا شەری کوردان بکێمترین زیان و شەھید سەرکەفتنەکا مەزن تومارکر ،
"شەرێ داعش " :ئەو ھێزا ھزرا کەسێ دا نەبوو بھێتە شکاندن ، ئەڤ جارە پێشمەرگێت قارەمان بەرامبەر تەڤایا جیھانێ شەرێ داعش کر داعش ئەو ھێزە بوو شکەستنا وێ کەسێ باوەرنەدکر بۆ جارا ئێکێ ئەفسانەیا داعش ل سەر دەستێ پێشمەرگێت قارەمان ھاتە شکاندن ، ل باشور پێشمەرگە ل رۆژئاڤا شەرڤانان شیاین داوی یا خەلافەتا داعش بینن ئاسایشا جیھانێ ژ مەترسیەکا مەزن رزگار بکەن کوردان جارەکادی سەلماند کەس نەشێت شەرێ ئیرادێ دگەل بکەت ،
کۆرۆنا ھەر تشتەکێ زۆر بچیکە بەرامبەر وان نەخوشی و دەربەدەریێت ب درێژاییا مێژوویێ سەر ب کوردان ھاتین ئەم کورد دکارین ببینە نمونەکان جوان بۆ تەڤایا مروڤان مورالا مروڤایەتیێ بلند بکەین خوەییایێ ئیرادەیاکا بھێزین دکارین بکێمترین زیان ڤی ڤایرۆسی نەھێلین و دەردورێت خوە دیربکەین ، چەکێ ژناڤبرنا کۆرۆنایێ میلانوو نینە توپ و تەیارە ژی نینن بەلکی تنێ ھوشیاریا ساخلەمیێیێ ل جەم ھەر تاکەکێ و پێگربیت رێنمایێت وەزارەتا تەندرستی ھەرچەند زێدەتر ھوشیاربین پێگریێ رێنمایا بکەین دێ زووتر ئەڤ پەتایامە دناڤ مەدا داوی ھێت ، ھیڤیا کوردستانەکا ساخلەم و تەندروست و ئارام و سەقامگیر دیربیت ژ ھەر نەخوشیەکێ.
