گەلێ کورد درێژاھیا دیرۆکێ دا ب سەرکردە و خەلکێ خوەڤە ل بن باندورا گوتن و وتارێن پوپیولیستی دا سیاسەتێ و دینی برێڤەدبەن و بەردەوام ب ھەست و سوزان بریاران ددەن و ل دوماھیێ رادەستی ھێزێن دەڤ پوپیولیست دبن ئەگەرێ وێ ژ کێم تێگەھشتنا وانە بو دین و دنیایێ ؟ یان لاوازیا باوەری بخوەبونێ ؟

زۆر بابەت و گوتن لسەر ڤان ھەرسێ ناڤێن من تایتلی دا ئاماژەپێکرین ھاتینە ڤاھاندن و نەخشاندن من دڤێت بکوردی و کورتی نێرینێن خو و لسەر کارتێکرنێن وان بو دین و دنیایێ شلوڤەبکەم

!

١/ئایاسوڤیا وکارتێکرنا وێ لسەر ھەستێ موسلمانێن کورد

ژبلی چەندەک خەلکێ کوردستانا باشور یێ کێم بین مە نەدیت چ وەلاتێن موسلمانا دەست خوشی و پیرۆزبایی ل دەستھەلاتا ئاک پارتی کربن بو ڤی کارێ دینی بزمانێ سەڕۆک کومارێ تۆرکیا بیتن ,جھێ دلخوشیێ بو دەستھەلاتا ھەرێمێ چ بەیانامە نە دەرێخستن چ ژ ئەگەرێ بێھێزیا وان دناڤ ھاوکێشێن نێڤدەولەتی دا یان دگەل ڤی کاری دا ھەڤ دەنگ نەبن وەک محایدەک بێ دەنگ ما, لێ خەلکێ مەیێ پوپیولیست زۆر کەیڤ خوش بون بڤی کارێ ڤەگوھاستنا ئایا سوڤیا ژ موزەخانێ بو مزگەفتێ ئەوا ل ساڵا ٥٣٧ زاینی ھاتیە ئاڤاکرن لسەر دەستێ قوستەنتینێ دووێ یێ روما وەک کەنیسە پیرۆزکرن و ل ساڵا١٤٥٣ زاینی لسەر دەستێ سولتانێ عوسمانی محەمەد فاتیح ھاتیە ڤەگوھاستن ژ کەنیسە بو مزگەڤتێ, بەردەوام بو ھەتا ساڵا١٩٣٧ لسەر دەستێ کمال ئاتاتوڕک ئایا سوڤیا وەک موزەخانە ھاتە ناڤکرن وەک کەسەکێ دژە دین بەردەوام کار لسەر کێمکرنا رێورەسمێن دینی دکر, پسیار ئەوە ئەرێ بوچی چ مللەت و زانایێن ئیسلامێ پشتەڤانیا ڤێ پێنگاڤا ئەردوغانی نەکرن ,چونکی ھەمی مللەتێن موسلمان یێن ھشیار باش دزانن ژ بلی یاریەکا سیاسی چ تشتێن دی ل پشت ڤی کاری نینە و بریارەکا سیاسی یا ئەرگەنەکونانە بەرامبەر مانا ئەردوغانی د دەستھەلاتێ دا ,چونکی ب گوتنا ئەردوغانی مزگەڤتا سولتان ئەحمەد ل ناڤ جەرگێ ستەنبولێ یە لێ دراستی دا دوو رێزێن موسلمانا تژی نابن بو نڤێژێ ,

بابەت ئەوە ئەرێ ئەگەر بەرامبەر ڤی کاری دەولەتێن رۆژئاڤا و رۆژھەلات کار لسەر راوەستاندنا رێورەسمێن ئاینێ ئیسلامێ بکەن و مزگەڤتان بگھورن بو کەنیسێ یان موزەخانان وەک ل موسلمانێن روھەنگا و چینێ کی دێ بەرەڤانیێ ژ دینێ ئیسلامێ وبموسلمانان کەتن ئەم ھەمی دێ بێژین کەس نە ژبلی خودێ کەواتە دەورێ سەرکردێن موسلمانا ئالوزکرنە نە چارەسەری و رێ خوشکەر و باشترین نمونە رێزگرتن بەرامبەر ئاین و ئاینزا دھێتەگرتن ھەرێما کوردستانێ یە و جھێ پاداشتێ دین و دنیایێ یە,ناسرێ سوبحانی د مونازرەکا خودا دبێژیتن : ئیمامێ موسلمانا ئەبو حەنیفە ی کو ئیمامێ ئێکێ یێ مەزھەبایە گوت ئەگەر خلیفێ موسلمانا )عبدالملک کۆرێ مەروان(ی مزگەفتەکێ ئاڤابکەتن و بێژیتە من وەرە دەرگەھێن مزگەفتێ بژمێرە بێ دوودلی ئەز ناچم بژمێرم ژبەرکو مزگەفتەکا زالمەکی چێکربیتن بھژمارتنا دەرگەھێن وێ ئەز دترسم ببم شریکێ وی زالمی , مەبەست ژڤێ نمونێ بو سەرۆک کومارێ تورکیایە کو بھزاران خەلکێ سڤیل دکەتە گوری بەرژەوەندیەکا تاکێ تورک بێ ی کو حسابەکێ بو مڕۆڤایەتیێ و ترسا خودێ بکەتن تایبەت ل رۆژئاڤا و لیبیا

.



٢/شێخێ کەسنەزانی و رەنگڤەدانەکا نێگەتیڤ لسەر دیتنا خەلکێ مە یێ کورد و موسلمان بشێوەیەکێ گشتی دڤی دەمێ بوریدا ::

بێ گومان ئاینێ ئیسلامێ بەرامبەر ئیمپراتوریەتێن جیھانی و ھەرێمی تایبەت ھەردوو ئیپراتوریەتێن سەفەوی و عوسمانی مانا کوردان وەک زمان و چاند و کەلتورێ رەسەنێ کوردی پاراست و مسوگەرکرد . لڤێرێ ئارمانجا مە و وتارامە لسەر دینێ ئیسلامێ نینە ,, بەلکی سەرنجا مە لسەر تێگەھشتنا موسلمانایە د دینی دا تایبەت دێ بێژم ئەرێ تەریقەتا کەسنەزانی کودرێژە پێدەرێ تەریقەتا قادری یە مەبەستا ڤان بنەمالان پاراستنا دینێ ئیسلامێ یە یان مەست ژێ پاراستنا سەنگێ خوە یێ کومەلایەتی یە وەک مەزنەکێ کارتێکەر ریێ خوە ھەبیتن د بوارێن سیاسی وکومەلایەتی و ئابوری دا ,ئەز نابینم دینێ ئیسلامێ پێتڤی ڤان جورە تەریقەت ولێدان و جەھلکرنێ بیتن بەلکو دینێ ئیسلامێ دینێ پاقژی وراستی و چاکیێ یە و پەرستنا خودێ پێتڤی چ شێخ و سەید و تەریقەتا نینە و خودێ ھەر دەم و جھەکێ یێ ئامادەیە,

دیتنامن ئەوە خوزی کوردان ئیسلام کربا رێک و رێباز بو پاراستن و ئازادکرنا کوردستانێ وەک دەولەتێن جیران نەک بو پاراستنا بنەمال و پرکرنا بەریکا و خزینان چونکی ئیسلام حەش یەکگرتنێ و ئازادیێ و زانینێ دکەتن نەک بەنداتیا وەک شێخێن کەسنەزانی .



٣/ھێڤیدار و ئیمام عوسمان ھەردوو بەندێن خودێ : وەکی برایێت مە یێن دەڤوکا سورانی دبێژن ھێڤیدار ئەحمەدی ) شەکری شکاند و باسی ئیمام عوسمانی کرد(, وەک پەرلەمانتەرەک و موسلمانەک چ گوتبیتن ھاتەر سەر شاشا تلڤزیونێ و داخازا لێبورینێ کر ژ خودێ و ژ موسلمانان ,و دەرگەھێ تەوبا خودێ ڤەکریە بو ھەر بەندەکێ توشی خەلەتیێ دبیتن و لێبورینێ بخازیتن ئەڤجا یێدی پێتڤی ناکەتن زێدەتر لسەر وی پەرلەمانتەری گران کەین.

سەرنج

؟ ئەرێ راست ھێڤیدار خەلەت بوو

ئەرێ کەسنەزانی راستە؟

ئەرێ رست ئایا سۆڤیا بومزگەڤتێ پێتڤیەکا ئاینی بوو؟

ئەرێ راست دژایەتیکرنا ئیسلامێ ل ھەرێمێ بویە دیاردە

ئەرێ راست ١٦ ئوکتوبەر و شەرێن ناڤخویی و بێ دەولەتیا کوردان ئیسلام بویە؟

ئەڤ پسیارە و چەندین پسیارێن دی بڤی شێوەی ئەز نابینم ژ ڤالاتیەکێ دھێن چونکی زانستێن دەروناسی دا بەحس دکەن دەرکەتنا چ کار و کارڤەدانا ژ ڤالاتیێ ناھێن, مە کوردان زۆر زۆرداری ل کێشا نەتەوا خو کریە بلا زۆردار نەبین دگەل دینێ خودێ و بلا بە س ب پەیڤا سولتان و شێخ بھێینە خاپاندن چونکی ئەو سیاسەتێ دکەن نەک پەرەستنا خودێ و چەسپاندنا دادیێ, )حسبنا اللە و نعم الوکیل(. .