ڕەنگە خەلکەک وەسا تێبگەهیت کۆ کارەسات و روودانا داگیرکاریا وەڵاتێ کووێتێ ژلایێ رژێما بەعسا سەددامیا وی دەمی یا عیراقێ و کارەساتا داگیرکرن و جینۆسایدا شنگالێ نێزیکی ئێک بن .
ئەوا ڤان هەردوو کارەساتا نێزیکێ ئێک دکەت ، پەیڤا داگیرکرنێ یە ، و ساڵڤەگەرا وانە .
داگیرکرنا وەڵاتێ کووێتێ ل ( ٢ ) ێ تاباخا ساڵا ١٩٩٠ ێ ، ڕەنگە مەزنترین کارەساتا سەدێ بووری بیت ، چونکێ وەڵاتەکێ سەربخۆ و خۆدان سەروەری و ئەندام ل نەتەوەیێن ئێکگرتی د ئێک رۆژ دا ژلایێ وەڵاتەکێ دیتر هاتە داگیرکرن .
نە لسەر پرسێن نەتەوی و سیاسی ، لێ لسەر ناکۆکیێن کەسی دناڤبەرا سەرۆکێن هەردوو وەڵاتان دا و دفن بلندیا سەددامێ دکتاتۆر .
لێ د حەفت هەیڤێن داگیرکاریا کووێتێ و حوکمداریا لەشکریا عیراقێ ، نە وێرانکرن هاتەکرن ، نەژی کوشتنا بکۆم کۆ بگەهیته ئاستێ کۆمەڵکوژیێ ، ئەوا ل کووێتێ هاتیە روودان ، دزی و تاڵانکرنەکا ئێکجاز زۆر بوو ، لێ بڕەنگەکێ رێکخستی ، ژلایێ دەسهەڵاتدارێن بنەمالا سەددامی و کەسێن نێزیکی وی .
بتایبەت سەرمایێ دەوڵەتا کووێتێ وەک پارە و زێر و ئۆتۆمبێل و مۆزەخانە و کەل و پەلێن سازیێن میری و هندەک کەسایەتیێن زەنگین و نێزیکی دەسهەڵاتا وی وەڵاتی .
لەشکرێ عیراقێ ب ئاشکرا نەدشیا تاڵانێ و کۆشتنێ بکەت بەرامبەر خەلکەکێ سڤیل ، ئەو نەبن یێن رژێما عیراقێ فەرمان پێ دکر ، هندەک حالەتێن کێم نەبن ، ئەڤەژی کارەسات و تاوانەکا مەزنە .
لێ چاڤەرێ دهاتەکرن کارەسات مەزنتر بیت ، چونکی رژێما سەددامی هەمی سنوورێن مرۆڤایەتیێ بەزاندبوون ..!
کووێت ژلایێ وەڵاتەکێ هەمان نەتەوە هاتە داگیرکرن و پڕانیا جیهانێ لسەر هاتە دەنگ و پشتی نێریکی حەفت مەها ، ژلایێ هێزێن هەڤپەیمانیا نیڤ دەولەتی یا ٣٤ وەڵاتان هاتە رزگارکرن .
نە تنێ هاتە رزگارکرن ، لێ لسەر وەڵاتێ داگیرکەر ( عیراقێ )هاتە سەپاندن ، قەڕەبوویا وێ ب زێدەیی ژی بکەتەڤە ب کۆژمێ ( ٥٢.٤ ) ملیار دوولاران و هەتا نهۆ پڕایا وێ قەڕەبوویێ دایەڤە .
لێ شنگال ژلایێ مەزنترین ڕێکخستنا تیرۆرستی یا جیهانی بناڤێ ( داعش ) لرۆژا ٣/٨/٢٠١٤ هاتە داگیرکرن و خەلکێ وێ کۆ کوردێن ئێزدی نە هاتنە جینۆساید کرن ، لدیف ئامارێن رۆژێن دەسپێکی ژمارا کوشتیان گەهشتە ( ١٣٠٠ ) کەسا و ڕەڤاندنا نێزیکی ( ٦٥٠٠ ) زارۆک و ئافرەتا .
کارەساتا بسەر کوردێن ئێزدی هاتی ، ب ڕامانا خۆڤە هەوەکا جینۆسایدکرنێ بوو ، نە ژبەر هندێ کۆ نە موسلمانن ، لێ ژبەرکۆ کورد بوونێ و نەتەوایەتیێ بوو .
ڕاستە هێزێن هەڤپەیمانا دژی داعشێ پێک هات و فاکتەەکێ سەرەکی بوو ، ژبووی رزگارکرنا دەڤەرێ لبن دەستێن رێکخستنا تیرۆرستیا داعش .
لێ سەرەدەریا جڤاکێ نیڤ دەولەتی و حکومەتا عیراقێ بەرامبەر ڤێ کارەساتا مەزنا دەرهەقی کوردێن ئێزدی جهێ شەرمزاریێ یە .
چونکێ نە وەکی پێتڤی پشتەڤانیا ئاوارەیێن ئێزدی دکەن ، نەژی ئاڤەدانکرنەڤا دەڤەرێن وان بۆ زڤڕاندنێ .
پسیار ئەوە ئەرێ بۆچی حکومەتا عیراقێ قەرەبوویا کووێتێ دکەت ..؟ ، بەلێ ژبەر بریارا نیڤ دەولەتی یە ، لێ پێتڤی بوو جڤاک و سازیێن نیڤ دەولەتی و حکومەتا عیراقێ بۆ سڤککرنا خەما ڤێ کرەساتا مەزن لسەر کوردێن ئێزدی ، قەڕەبوویا وان بکەت و دەڤەرێن وان ئاڤەدان بکەتەڤە .
ل دیسان دبێژین ، نەبوونا ڤێ چەندێ ژی هەر ژبەر کوردبوونا ئێزدیانە ، پێتڤی یە هەرێما کوردستانێ هەوڵێن جدی لگەل حکومەتا عیراقێ و سازیێن نیڤ دەولەتی و رێکخراوێن مافێن مرۆڤ بدەت ، بۆ ئاڤەدانکرنا دەڤەرێن وێرانکریێن کوردێن ئێزدی و قەڕەبووکرنەڤا وان و ڤێ پرسێ نەکەنە قوربانی هەڤڕکیێن حزبی و ب پرسەکا نەتەوی و نشتیمانی ببینن .
هەرچەندە هەرێما کوردستانێ ، لدیف شیان و رەوشا وێ یا ئابووری ، خزمەتەکا زۆرا بۆ کری ، ب تایبەت رزگارکرنا ( ٣٣٧١ ) ژن و زارۆکێن ئێزدی رەڤاندنی ب پشتەڤانیا نڤیسینگەها تایبەتا رێزدار نێچیرڤان بارزانی یا کاروبارێن ڕەڤاندیا ، لێ پێتڤی یە لسەر ڤان پرسێن مەزنێن نەتەوی و جڤاکی هەمی ئالیێن سیاسی یێن کوردستانێ د ئێکگرتی بن .
چونکی کورد ، وەکی کووێتێ نینیە ، وەڵاتێن مینا سعوودیێ و مسرێ و ئەمریکا و نەتەوێن ئێکگرتی و .....هتد پشتەڤانیێ لێ بکەن ، تاکا پشتەڤانی و هێزا مە ، ئێکگرتن و ئێک ڕێزیا هیز و ئالیێن سیاسی یێن کوردستانی ، بۆ زاڵبوون لسەر کێشە و ئاریشێن سیاسی و جڤاکی و پێشڤەبرنا قەوارێ هەرێما کوردستانێ و خۆڕاگرتنێ بەرامبەر کارەسات و پیلانا