ب خەم و کوڤانەکا مەزنڤە ئەڤرو خەبەرێ وەغەرکرنا دایکە عائشە گەهشتەمە دایکا شەهیدان ٫ د ماوێ بوری دا ژبەر خوڕاگریا دایکا عائشا پشتی پێشوازی ژ سێ جەنازەیێن جەگەرگوشێن خو کرین سەروک مەسعود بارزانی د چەندین ڕێ و ڕەسمان دا ئاماژە ب دایکا شەهیدان کر و گوت من پتڕی ماوێ دوو حەفتیا بشەڤ من هزر دکر بچم سەرەدانا وێ بکەم لێ هەر روژ ژ خەو رادبوم من دگوت دێ چم چ بێژمێ و دێ هەلویستێ وێ چ بیتن بەرامبەر ڤێ کارەساتا مەزن ئەوا بسەڕێ وێ هاتی لێ گوت ل دیماهیێ من بریاردا بچم هەر چ هەلویستەک ژی هەبیت ئامادەمە قبولکەم لێ من ئافرەتەکا زور بهێز دیت وی دەمی من دایکا عائشا لخو مەزنتر دیت و زور ب جانی پێشوازی لمن کر و گوت ئەم ژی ئامادەینە یێن مایی ژی ژیاناخو پێناڤ کوردستانێ بەخت بکەین ٫ لەوڕا سەروک مەسعود بارزانی ئەو نازناڤێ مەزن ب نوینەراتیا هەمی خەلکێ کوردستانێ پێشکێشی دایکا عائشا کر و کرە سومبولەک ل کوردستانێ نازناڤێ دایکا شەهیدان پێ بەخشی و هەمی مالباتێن شەهیدان پێ سەرفراز بوون ٫ پاشان ل چەندین مەراسیما ل ناڤ و دەرڤەی وەلاتی ڕێز ل دایکا شەهیدان دهات گرتن بناڤێ هەمی شەهیدێن کوردستانێ و چەندین خەلاتێن ب بها هاتنە پێشکێشکرن بو دایکا عائشا ژبەر وان هەلویستا ٫ هەژی یە بێژم ڕوژانە خەلکانەکی ل سەرانسەری هەڕێمێ ب تاک و کوم دام و دەزگایێن فەرمی ڕێکخراوێن کومەلگەهێن مەدەنی سەرەدانا دایکا عائشا دکرن ٫ هەر تاکەکێ کورد لناڤ و دەرڤەی وەلاتی دایکا عائشا ب دایکا خو دزانین دەمێ ل کەنالەکێ راگەهاندنێ یان ل مەراسیمەکێ هاتبا دیتن د هەمان دەمدا خەلک پێ دلخوش دبون ٫ ئەگەر هەر ئێک ژمە هزرا خو بکەت نوکەژی دێ شێین بێژین یان ئەڤ جورە مروڤە نینن یان ئەگەر ژی هەبن زوڕ کێمن تو سێ خوشتڤیێن خو ژ دەست بدەی و بێژی ئامادەینە یێن مایی ژی خو گوری کوردستانێ بکەین راستی جهێ سەرسورمانێ بوو ٫ لەوڕا سوپاسیا جەنابێ سەروک مەسعود بارزانی دکەین بو ڤان هەستێن وی یێن خەمخورانە بەرامبەر مللەتێ کورد و رێزگرتنا قەهرەمان و خەباتگێڕا ٫ ئەڤرو ل هەمی باژێر و باژوروکێن کوردستانێ بوو ماتەمینی و ئەگەر ل کەنالێن راگەهاندنێ و سوشیال میدیایێ تەماشە بکەی زوربەیا ئەکاونتا هەستێ خو و خەمخوریا خو بەرامبەر دایکا شەهیدان دەربری خودایێ مەزن جهێ وێ بکەتە بەهەشتا بەرین ٫ راستە ب نەخوشیێ کوچا داوییێ کر لێ خەم و کوڤان گەلخو برن و گەهشتە کاروانێ شەهیدان خودایێ مەزن سەبر و هەداڕێ بدەتە کەس و کار و سەروک مەسعود بارزانی و هەمی خەلکێ شەرەفمەندێ کوردستانێ سەڕێ خو دچەمینین بو دایکا عائشا و هەمی شەهیدێن کوردستانێ و سەروەڕێ کاروانێ شەهیدان بارزانیێ نەمر و کاک ئیدریسێ جانەمەرگ بڕاستی ژی کوڤانەکا مەزنە .