پارتیا مە پارتی دیموکراتی کوردستان ڕابردو و نوکەیا وێ پری خەبات و خزمەتە و هەر کەسەکێ خو ب پارتی بزانیت سەڕێ وی هندی بەرزترین چیایێن کوردستانێ بلندە ب بەلگە دێ بو وە سەلمینم ، پارتی ب دڕێژاییا مێژویا خودا دەمێ مللەتێ کورد ل بێ ئومێدییێ دا دژیا و هەمی دنیا دوژمنێ ڤی مللەتێ بن دەست بوو بێی کو چ تاوان هەبیتن تنێ کورد بووینە دەست ب خەباتێ کریە ڕوژەکێ ژی مساومە لسەر مافێ مللەتی نەکریە ب سەدان چیروک بومە هاتینە ڤەگێڕان ئەو ئومێدا هنگی لجەم پارتیزانا هەبوو و خو لبەر سینگێ مەزنترین و درەندەترین دوژمنا گرتینە و شیان ژی وی دەمی سنوردار بوون هزر بکەن نان نەبوو بخون چەکەکێ کێم لبەر دەست بوو زور جاران خەلکێ بشەرەفێ کوردستانێ فشار کرینە بچن پشکداری شورەشێن کوردستانێ دا بکەن کادر و پێشمەرگەهێن کەڤن بیرا وان دهێتن زور جاران خەلک زڤراندینە ڤە چونکی هند شیان نەبینە وان بخودان بکەن لێ ئیرادە هندا بهێز بیە ئەو ژمارا کێم شیاینە هەردەم دوژمنێت مللەتی ل هەر چار رەخێت خو نەچار بکەن هەولا دگەل شورەشڤانا هاتیە کرن مافێن گەلێ کورد بدەنێ لێ هەردەم درب ژی ل مە داینە لێ شورەشگێڕا چوک دانانەیە و خوراگر بووینە هەتا گەهشتینە قوناغا سەرهەلدانا سەرتاسەری و رژێما بەعس و هەڤکاڕێن وێ نەچار کرینە و بەشەک ژ خاکا پیروزا کوردستانێ ئازاد بکەن و جیهان هاتیە سەر خەتی ئەڤ چەندە ژی ب هەروە نەهاتیە ب دەریا خوینێ و قوربانی دانێ هاتیە دی پشتی سەرهەلدانێ ژی چەندین قوناغێن سەخت دەربازکرینە ٫ پارتی واتە هەبوونا مللەتێ کورد ل سەرانسەری جیهانێ پارتی سەنگا خو هەیە و نهینیا سەرکەفتنا پارتی ژی هەبوونا سەروک مەسعود بارزانی رابەر و مەرجەعێ کوردان و مالا بارزانە و ئێک دار دەستەکە لەوڕا دوژمنێت مللەتێ کورد هەردەم هەول داینە پارتی لاواز بکەن و دربێ ل قزیا مللەتێ کورد بدەن لێ خەونێت وان ناڤ قەبری ناینە و سەرنەگرتینە ئەڤێ چەندێ ب هەبوونا دلسوزان بو پاراستنا نیشتمانی و هەست بەرزیا وان پارتی خوراگرە ، دڤێ قوناغا هەستیاردا ژی پارتی ئێک ڕوژ ژی نەراوستیایە و بەردەوامە لسەر بەرگریکرنا مافێن رەوایێن گەلێ کوردستانێ هەر چەندە هێشتا پیلانێن مەزن بڕێڤەنە مخابن هندەک لایەنێت کوردستانی ژی کەفتینە پال وان کو خەلکی ب خاپینن کو پارتی یا بێدەنگە و بارودوخ لدەست پارتی دەرکەفتیە لێ بەروڤاژی یە ئەف چەندە پارتی بهێزترە ژ جاران و دەستهەلاتە و ئێکەم پارتە لسەر ئاستێ عیراقێ و کوردستانێ ئەڤێ چەندێ ژی سەلماندی یە کو خەلک ب وژدان یێ بەرگریێ ل ڤێ پارتا پاقژ دکەن و دەنگێ خو دەنێ هەمی خەلک ژی گەهشتینە وێ باوەڕێ کو پارتی یە خودانێ پاراستنا ڤێ کوردستانا خوشتڤی و هەرسێ پارچێن دی یێن کوردستانێ ژی بەرێ وان ل پارتی و مالا بارزانە کو لبن زولم و زوردایێ ئازاد ببن ، هەمی گڤاشتنێن نوکە دهێنە کرن لسەر هەرێما کوردستانێ ب سیاسەتەک نوی و ب هەڤکاریا خودێ خو فروشان پلانەکا دیترە بو پارتی کو لاواز بکەن لێ ب پشت راستی دێ بێژمەوە پارتی دێ ڤێ قوناغێ ژی دەربازکەتن و هەر دێ راستیا ڤێ چەندێ ژی بو هەمی خەلکێ کوردستانێ دیار بیتن ل ئایندەیەک نێزیک چونکی هزار سالان خیانەتێ ل مللەتێ خو بکەی بو دوژمنێت مللەتێ کورد دێ هەر زڤری بسەر شوری چونکی ئەوێن خیانەتێ ل مللەتێ خو دکەن دوژمنا ژی باوەری دێ چەوا پێ هەبیتن دیسان رێیا دان و ستاندنێ دێ دگەل پارتی بیتن ٫ من ڤیا ئێک داخاز ژ هەڤال و لایەنگرێن پارتیا مە بکەم هێرشەکا مەزن ل سوشیال میدیایێ دهێتە کرن لسەر پارتی و چ بنەما بو نینن وە باوەری هەبیت ئەڤێن نوکە حوکمداریێ ل بەغدا دکەن زوربەیا وان بو وان بگریتن دێ ژ سەدامێ دکتاتور خراپتر بسەرێ مللەتێ مە ئینن ئەفچا دێ چەوا باوەریا خو دەینە وان خاکا خو تەسلیمی وان بکەین قەت پارتی ژیانا زەلیلی و بن دەستیێ قبول ناکەتن لەورا هێڤی دارم زور دهشیار بین بو ڤێ قوناغێ هەر ئێک ژمە ژلایێ خوڤە دەوروبەرێت خو هشیار بکەتن برێیا سوشیال میدیا و ب سەربلندی بەرگریێ ژ پارتیا خو بکەین و دەستهەلاتا خو بلا برسی بین بێ نان و ئاڤ بین لێ ب ئازادی و سەرفرازی بژین ٫ وە باوەری هەبیتن سەرجەم خەلکێ کوردستانێ ل هەر لایەنەکی بیتن سوپاسدارە پارتا وان مینا پارتی یا بهێز بیتن و بەرگریێ ژ مافێن رەوایێن گەلێ کوردستانێ بکەن و دوژمنێت گەلێ کوردستانێ مەرەما وان تنێ لاوازکرنا پارتی دیموکراتی کوردستانە لێ دێ مینیت خیال و پارتیا مە دێ بهێزتر بیتن سەرفرازبن کو هنگ ئەندام و لایەنگڕێت پارتینە پارتا مە ژ وان پارتیایە لسەر ئاستێ جیهانێ نوینەراتیا گەلێ کوردستانێ دکەتن خودایێ مەزن چرایێ پارتی و مالا بارزان یێ هەلکری ب کەسێ و چ لایەنا و دوژمنا ناڤەمریتن پشت راست بن ڕوژ بو ڕوژێ پارتی دێ پتر دەستکەفتان بو ڤی مللەتی بدەستڤە ئینیت ماوێ چەندین سالانە وەک کادرەکێ پارتی خزمەتکارم من جارەکێ ژی نەدیتیە پارتی پڕوژەک دژی هەژار و خەلکێ کوردستانێ هەبیتن و ئەو دەڤەڕێن بن دەستهەلاتا پارتی باشترین خزمەت هاتینه پێشکێشکرن و ژیارا مە هەمیان هاتیە گهورین ئەگەر ب وژدان باخڤین لەوڕا دوبارە داخازێ ژ وە هەمیان دکەم وەک ئەرکەکێ نیشتیمانی و وەلات پارێزی مە هەمیان باوەری ب پارتیا خو هەبیتن دێ تشتێن نەچاڤەڕێکری بینین ل ئایندەیەک نێزیک سەرکەفتن دێ بەهرا پارتیا مەبیتن ب هەبوونا خوراگر و دلسوزان و کوردستان دێ ئاڤەدانتر بیتن .