مێژوو دیدەڤانێ ژیان و خەباتا رابردوویە ب سەرکەفتن و شکەستنێن خوەڤە وەکی ھەرمللەتەکێ دی ل جیھانێ مللەتێ کورد د گەلەک قوناغێن سەخت دا دەربازبوینە چ ژھێرشێن دەولەت و ئیمبراتوریەتێن دەوروبەر بن یان ژی شەر و پەڤچونێن نافخویی دا چ دناڤبەرا میرنشینان یان ناڤبەرا ھوزێن کوردی دا یان ژی د قوناغا نوی دا یا سەد ساڵێن بوری دا پارتێن سیاسی یێن کوردی دەست ب شکاندن و لێدانا ئێک کریە بو سەرخستنا پارتاخو و زێدەکرنا ھێز و جوگرافیی و پشتەڤانێن خوە و ئە ڤ رویدانێن نەخوەش ل ناف زۆربەیا مللەتێن جیھانێ روویداینە وەک شەرێ نافخویێ ئەمریکا ل ساڵا١٨٦١-١٨٦٥ و ھەروەسا شەرێ ناڤخویێ رووسی ل ساڵا ١٩١٧-١٩٢١ , ل بھارا عەرەبی ژی دا ئەڤ جەنگە بەردەوامە پتری ١١ سالانە بەردەوامە وەک سوریا و لیبیا, ئە ڤ جەنگ و نە ئارامیا سیاسی ب دیتنا شارەزایێن سیاسی دزڤریتن بو گەلەک فاکتەران وەک فاکتەرێ سیاسی و کومەلایەتی وئابوری و رەگەزپەرستیێ و یان دناڤبەرا چینێت خانەدان وبنەمالێن دەستھەلاتدار بەلێ لڤێرێ پسیار ئەوە کیش مللەتی سەربور وەرگرتینە ژڤان لێکدان و پەفچونان و سەروشنی سیاسەتا وەلاتی ب دارێژن .



ھەرێما کوردستانێ ب بریارا ٦٨٨ یا ئەنجومەنا ئاسایشا نەتەوێن ئێگرتی ل ٥/نیسانا ١٩٩١ درۆستبویە وەک کیانەکێ سیاسی باوەری پێھاتەدان و ھاتە پاراستن و ل پشتی سەرھلدانا ١٩٩١ ژ ئەگەرێ بەرفرەھکرنا ھێز و دەستھەلاتێن پارتێن باشور و مایتێکرنێن ھەرێمی دیسان دەست بو خوین رشتنێ ھاتن درێژ کرن و دئەنجام دا ل پشتی راپەرینێ جەندین شەرێن ناڤخویی ھاتن رویدان د ناڤبەرا پارتێن سیاسی یێن کوردی وەک شەرێ یەکێتی و ھێزێن ئیسلامی وەک جندالاسلام و انسارالاسلام و ھەروەسا دگەل ھەردوو ھێزێن دی یێن سیاسی یێن چەکدار وەک پارتی دیموکراتی کوردستان ,ھەروەسا شەرێ سەپاندی یێ پەکەکێ دگەل پارتی دیموکراتی کورداستان و یەکێتی نیشتیمانی کوردستان کو ژ ئەگەرێ ڤان شەراندا دماوێ کێم تر ژ ١٠سالاندا پتری ٤٠ ھزار قوربانی ھاتن دان ژبلی کارتێکرنێن ئابوری و سیاسی وناڤچەگەری و دروست بونا زوونان لدیڤ خوە ھێلاینە و ھەتا نوکەژی شینوارێن وان بەردەوامن و زۆربەیا جاران دگەھیتە وی رادەی دەولەتێن دوستێن کوردا ھەست نە ئارامیێ دکەن ژ ناکوکیێن ناڤبەرا پارتێن کوردی دا

., ,

پشتی کەتنا رژێما بەعسل عێراقێ و تایبەتی ل ھەرێما کوردستانێ قوناغەکا نوی ھاتە د رۆژەڤێ دا و ھێزێن سیاسی یێن کوردی ب ھەمی بیروبوچنێن خوە یێن جودا ژی لێکنێزیکرنەکا باش دروست کر , تایبەت لێکنێزیکرنا سەرۆک مەسعود بارزانی و مام جەلالی دگەل لایەنێن ئیسلامی ئەو باوەری دروستکر کو ب یەکگرتنێ کورد پتردەستکەفتان مسوگەرکەن تایبەت پشتی کەتنا رژێما بەعس بو مسوگەرکرنا مافێن نەتەوی یێن کوردی د ناڤا دستورێ ھەمیشەیێ عێراقێ دا ,





کارخستنا پەرلەمانی و چایا نەوشێروان مستەفایی!!

.



پەرلەمانێ ھەرێما کوردستانێ ھەر ژ ئێکەم دەورا خو یا یاسایی ل سالا ١٩٩٢برێکا ھەلبژارتنا کۆرسیێن پەرلەمانی دھێنە دابەشکرن لسەرپارتێن سیاسی و حکومەتا ھەرێما کوردستانێ ب شەراکەت دھێتە پێک ئینان ژئەگەرێ بارودوخێ سیاسی و جیوپولوتیکی یێ ھەرێما کوردستانێ , د کابینا دەربازبوی دا کابینا حەفتێ بو ئەگەرێ ژکارکخستنا پەرلەمانێ کوردستانێ ژئەگە رێ یاسا سەرۆکایەتیا ھەرێمێ و سەروک بارزانی نە دڤیا بوشاییا سیاسی پەیدابیتن چونکی چ کاندید نەھاتن پێشکێشکرن ژلایێ پارتێن دیڤە و ھەمی د ژورێن تاریڤە رازی بون لسەر زێدەکرنا ماوێ سەرکایەتیا سەرۆک بارزانی و ل رگەھاندنێ ھەڤدژ بوون لسەر مانا سەرۆک بارزانی ,ئەوبوو ل ١٦ ئابا ٢٠١٧ سەرۆکێ پەرلەمانی یوسف محەمەد لسەر لیستا گوران کار لسەر وێ یەکێ کر کۆ ماوێ سەرۆکایەتیا سەروک بارزانی درێژ نەبیتن و دەستھەلاتێن سەرۆکێ ھەرێمێ بخو قورخ بکەتن و دئەنجامدا پەرلەمان ھاتە کارخستن چونکی سەرۆکێ پەرلەمانی گوران بو و جێگرێ سەرۆکێ پەرلەمانی ئێکەتی بو ژ بەر اتفاقا یەکێتی و گوران یەکێتیێ کومبونێن پەرلەمانی برێڤەنەبرن بو دەمەکی دەرگەھێ پەرلەمانی ھات دائێخستن,

دکتور عەدنان عوسمان سکرتێرێ جڤاتا نیشتیمانیا گوران گوتیە ئەو ھەمێ لێک تێنەگەھشتن و ھەڤرکیا گوران دزڤریتن بو نە ڤەخوارنا چایەکا نەوشێروان مستەفایی ژلایێ سەرۆک بارزانی ڤە دەما سەرۆک بارزانی ل بھارا ٢٠١٧ سەرەدانا مام جەلالی کری ل سلێمانیێ و سەرەدانەکا برایەتی و کومەلایەتی بو ب گوتنا سەرۆک بارزانی و د ئەنجامدا رێکخەرێ گشتی یێ گوران . ئەندامێن وێ بریاردا دژی درێژکرنا ماوەێ سەرۆکایەتیا سەرۆک بارزانی راوەستن و چ کاندیدا ژی دیارنەکەن , ج ئەنجاما دیدارەک و چایەکا کومەلایەتی و دوستینی ھەرێما کوردستانێ توشێ لێکترازانێ کر د گەرما شەرێ دژی تیرۆرستێن داعش دا و مللەت زەرەر مەندێ ئێکێ بو. ,



قەھوەکا ھەڤسەرۆکێن ئێکەتیا نیشتیمانی ژ دەستێ سەرۆک پەرلەمانی



ئەڤڕۆ ھەرێما کوردستانێ د کابینا ھەشتێ یا حکومەتا ھەرێما کوردستانێ دا دەربازدبیتن ب شەراکەت ژدیر مستحاقتێن ھەلبژارتنان د ناڤبەرا پارتی و یەکێتی و بزوتنەوا گوران دا و لێ ئەڤ جارە کێشمە کێشا ڤی نە ھەڤسەنگیا ل ھەرێما کوردستانێ دا ژ ئەگەرێ چەند ناکوکیێن ناڤبەرا ھەردوو پارتێن سیاسی یێن مەزنن ئەوژی یەکێتی و پارتی یە تایبەت پشتی یەکێتی کونگرێ خوە یێ نوی یێ چارێ پێکئینایی و بێ کو حسابەکێ بو مێژوویا پارتی و ھەڤالینیا سەڕۆک بارزانی و مام جەلالی و شورەش و دەست کەڤتێن ھەڤبەش بکەن دگەل پارتی دا , پارتی داخاز نەکرە کونگرەی وەک مێھڤانەک وەکی دیار ھەر ژ پێکئینانا کونگرەی ئنیەتا ھەڤسەرۆکان بەرامبەر پارتی دیاربو وە پارتی ژی وەک ردفعلەک بو نە داخازکرنا وان بو کونگرێ ئیکەتیێ و کیربونا برینێت ١٦ ئوکتوبەرێ کو بویە ئەگەرێ ژ دەستدانا ٥١%یا ئاخا ھەرێما کوردستانێ لسەر دەستێ ھەردوو ھەڤسەرۆکێن ئێکەتیێ یێن نوی ھاتین ھەلبژارتن ھێشتا پارتی وەک پارتا ژمارە ئێک ل ھەرێما کوردستانێ پیرۆزبایی لێ نەکریە و دیسان بریارا کومبونێ نەدایە دگەل ھەڤسەرۆکێن نوی ھەر چەندە سەرۆک بارزانی بەری چەند ھەفتەیەکا ژ دویری چاڤکێن کامیرا دگەل باڤێل تالەبانی کومبویە و باوەردکەم ھەڤسەرۆکیا وی پیرۆزکربیتن , لێ ئەگەرێ موکمکرنا ڤێ گرێکێ ئەز دبینم کورێن شێخ جەنگی نە ژ بەر کار و گوتنێن وان یێن نە بەرپرسانە بەرامبەر ئاخا کوردستانێ و بنەمالا بارزان تایبەت ,



ب دیتنا بەندەی

ئەز دبینم ئە ڤ دیرکەتنا پارتی نە ژ یەکێتی نشتیمانی کوردستانە بەلکی دیرکەتنە ژ کورێن شێخ جەنگئ بتنێ و چونکی کورێن تالەبانی و شورەشگێرێن یەکێتی دگەل ھەلویستێن پارتی زۆڕ نێزیکن بەردەوام چاڤێ وان ل خوشکرنا پەیوەندیێن ھەردوو پارتیانە و پشتەڤانێن ستافێ ئێکەتیێ نە د حکومەتا ھەرێمێ دا.



ئەز وەسا دبینم بریاریێن کورێ جەنگی ھند کارتێکرنێ ناکەن سەر ستاڤێ یەکێتیێ د حکومەتێ دا ھندی کارتێکرنێ دکەت سەر ستافێ فراکسونا کەسک ل پەرلەمانی و ئەڤجارە رەوش جودایە و جێگرێ سەڕۆکا پەرلەمانی پارتیە و سکرتێرا پەرلەمانی ئامادەیە بەشداری کومبونێن پەرلەمانی ببن , ئەز نابینم پەرلەمان بھێتە ژکارئێخستن چونکی ھەمێ لایەنێن بەشدار دپەرلەمانی دا دگەل ھندێ نە پەرلەمان کارێ خو دا بەردەوام بیتن تنێ خالا نێگەتیڤ ئەز دبینم ئەوە کو یەکێتی نابیتە بزوتنەوا گوران جونکی نفوز و ھێزا سەربازی یا ئێکەتیێ جودایە و دبینم کارتێکرنێن خراب بسەر ھەرێما کوردستانێ دا بھێن تایبەت لایەنێ سیاسی و ئابوری و پاراستنا دەستکەفتان دگەل حکومەتا فیدرالی و

دیتنا من کوم بون و لێک تێگەھشتن ھندی زی بھێنەکرن دناڤبەرا ھەردوو پارتان باشترە چونکی رەوشا جیھانی و ھەرێمی و نافخویی دخازیتە ئێگرتن وسازانێ ل شینا لێکترازانێ , ھیڤدارم ئەڤجارە وەک ھەر جار سەرۆک بارزانی ب ھێز و بریارێن خو یێن حەکیمانە و بو بەرژەوەندیا گشتی ھەولا لێک نێزیکرن و لێک تێگەھشتنا ھەردوو ئالیان بدەت, وەکی دبێژن دیماھی ھەر سازان وپێکھاتنە لەوما دبژم ئەڤرۆ کومببن و دەستێ خو بدانن سەر برینان باشترە ژ سوباھی , بژیت کورد بژیت کوردستان .