لبەرەبەی داوی هاتنا شەرێ هەشت ساڵیێ دناڤبەرا عیراق و ئیرانێ ، لەشکرێ رژێما عیراقێ ب هەمی سەنگ و هێزێن خۆ بەرێ خۆ زڤڕاندە ، بزاڤا رزگاریخوازیا کوردستانێ و شۆڕەشا گوڵانا پێشکەفتنخواز ، ب تایبەت بنگەهــ و بارەگایێن سەرەکی یێن شۆرەشێ ل دەڤەرا خۆاکۆڕک کۆ سەرۆک مەسعوود بارزانی ڕاستەوخۆ سەرپەرشتی لێ دکر .
ل ١٩/٧/١٩٨٨ رژێمێ دەست ب هێرشێن دژوار کر بۆ سەر دەڤەرێن رزگارکری و بتایبەت سێگۆشەیا دناڤبەرا ( عیراق و تورکیا و ئیرانێ ) بناڤ دەڤەرا خواکۆڕک و هەتا ٥ ئیلۆنێ د بەردەوا بوون .
دڤان چل و نەهــ رۆژان دا رژێما بەعسا سەدامی یا عیراقێ کۆ خودان ئێک ل لەشکرێن بهێزێن وی دەمی یێن جیهانێ بۆ ، کۆ ب هەمی هێز و شیانێن خۆ یێن مرۆڤی و چەکێ سەردەم ، ب وێ باوەریێ کۆ دێ داویێ ب بزاڤا رزگریخوازیا کوردستانی ئینن هێرش ئینانە سەر هێزێن پێشمەرگەهێن کوردستانێ ،
نەخاسمە پشتی داوی ب شەرێ هەشت ساڵی یێ لگەل رژێما ئیرانێ هاتی ل ٨/٨/١٩٨٨ ، هەرچەندە ژمارا پێشمەرگەهێن کوردستانێ و شیانێن وان یێن لەشکری لگەل دەهات هزار جاش و لەشکر و چەکێن رژێمێ نەدهاتە بەڕاوورد کرن ، لێ ئێرادا پێشمەرگەهێن شۆرەشگێرێن کوردستانێ و باوەریا وان یا موکۆم ب ڕەوایا دۆزا کوردستانێ و ماف و ئارمانجێن نەتەوی و رێبازا پیرۆزا بارزانی نەمر ، ل وێ ژمارا زەبەلاحا لەشکرێ دوژمنی کۆ زێدەتر ل پازدە لیوایێن لەشکری و فرۆکە و تۆپ و چەکێ وان یێ سەردەم و کیمیاوی بهێزتر بوو .
سەرپەرشتی و پشکداریا ڕاستەوخۆ یا سەرۆک مەسعوود بارزانی ل داستانا خواکۆرکی ، بهێزترین چەک و ئیرادە بوو بۆ پێشمەرگەهێن کوردستانێ .
تۆمارکرنا ڤێ داستانێ پێشمەرگەهێن کوردستانێ ب سەرپەرشتیا سەرۆک مەسعوود بارزانی ، نە تنێ سەرکەفتنەکا لەشکری بوو ، بەلکی سەرکەفتنەکا سیاسی و جڤاکی ژی بوو ، چونکی لدەمەکی بوو کۆ دەست ب ئەنفالا کربوو و مەڕەما رژێمێ ئەوبوو ب گرتنا وێ سێگۆشەیا سنووری رێکێ ل دەربازبوونا هزاران پێشمەرگەهێن کوردستانێ و خەلکێ دەڤەرێن رزگارکری بگریت بۆ ئیرانێ و هەمیا ئەنفال و بێ سەرۆ و شوین بکەن .
لێ خۆڕاگریا پێشمەرگەهی هیڤی و ئارمانج و پلانێن وان هەڵوەشاندن و لەشکرێ دوژمنی تووشی مەزنترین شکەستن کو و خەونا وان بەرۆ ڤاژی کر ، چۆنکی چەکەکێ زۆر کەفتە دەستێ پێشمەرگەهی و هژمارەکا زۆر ژی لێ هاتنە کوشتن و بریندا کر .
دوان رۆژان دا لەشکرێ عیراقێ ئێکجار بێزار ببوو و درۆشمێ وان ببو ( خلصنا من خمیني ، جاء البرزاني ) ، ئانکۆ ئەم ل خومەینێ خلاس بووین ، بارزانی هات ، گەهشتن وی ئاستی هژمارەکا زۆرا چەکدارێن رژێمێ ب ئەنقەست خۆ بریندار بکەن ، داکۆ ل وی لبەر ترس و گۆللەیێن پێشمەرگەی رزگار ببن ..!
ژلایێ سیاسی ژی سەرکەفتنەکا هەرە مەزن بوو بۆ بزاڤا رزگارخوازیا کوردستانی ، چونکی بۆ دوست و دوژمنا خۆیا بوو کۆ مەحالە خەلکێ کوردستانێ دەستا ل ماف و ئارمانجێن خۆ یێن نەتەوی و نشتیمانی بەردەت و ئەڤە پرسا سیاسی ما مللەتەکی یە و بهێزا چەکی لناڤ ناچیت و رێگری ل سەرگرتنا پیلانا سیاسی یا رژێمێ گرت و بوویە ئەگەرێ گۆڕانکاریێن سیاسی ل عیراقێ .
هەر وەکی سەرۆک مەسعوود بارزانی د گەرمە گەرما شەرێ داستانا خواکۆڕکی دا ل ١٤/٨/١٩٨٨ د گۆتارەکا خۆدا بۆ پێشمەرگەهێن پشکدار پێشبینیا وێ چەندێ کر کۆ پشتی ڤی شەرێ شەهشت سالیێ عیراق و ئیرانێ ، ل دەمەکێ زوی ڕەوشا ئابووری و سیاسی یا عیراقێ دێ تێکچیت و دۆزا گەلێ کورد ژی دێ دەربازی قۆناغەکا نوو بیت .
ئەڤ پێشبینێن سەرۆک بارزانی هەر زوی ڕاست دەرکەفتن و پشتی دگیرکرنا وەڵاتێ کووێتێ ل ٢/٨/١٩٩٠ ژلایێ رژێما عیراقێ و پاشان سەرکەفتنا سەرهەلدانا پیرۆزا گەلێ کورد ل ئادارا ١٩٩١ و سەرهەڵدانا خەلکێ هژمارەکا پارێزگەهێن باشوورێ عیراق ، پاشە رۆژا رژێما بەعسا عیراقێ گەهاندە وێ ڕەوشا مە هەمیا دیتی .
هەرچەندە هژمارەکا پێشمەرگەهێن پارتیێن دیترێن حزبێن کوردستانێ ب ڕێژەیەکێ پشکداری ل داستانا خواکۆڕکی کر ، لێ شانازی بۆ پارتی و سەرۆک بارزانی دزڤریت کۆ پڕانیا پێشمەرگەهــ و فەرماندەیان سەر ب پارتی بوون و جوداهـ ژ وێ پشکداری و سەرپەرشتیا ڕاستەو خۆ یا سەرۆک مەسعوود بارزانی فاکتەرێ سەرکەفتن و خۆڕاگڕیێ و ووڕە بلندیا پێشمەرگەهی بوو .
لەوما دبێژین ، کاریگەری و کارڤەدانێن داستانا خواکۆڕکی ، لهەمبەر شۆڕەشەکێ بوون ، نە تنێ داستانەکا لەشکری بوو . چونکی ئیرادا مللەتێ کورد بۆ ئازادی و رزگاریێ نیشا جیهانێ دا و بزاڤا رزگاریخوازیا کوردستانێ ل کارەساتەکا مەزنا سیاسی و جڤاکی پاراست .
نابیت ڕۆلێ ئێکەتیا قوتابیان و لاوان و خۆبەخش و بەرگری ملیێن هەلگرێن هەستا نەتەوی و نشتیمانی و دلسۆزیا وان شۆڕەشێ و پارتی و ڕێبازا پیرۆزا بارزانی نەمر ژبیر بکەین ، ل پشکداریکرنا داستانا خواکۆڕکی ، چ وەکێ پێشمەگە یان کۆمکرن و گەهاندنا هاریکاریێن خارنێ و تەقەمەنی .